আলিগড়
আলিগড় মুছলিম বিশ্ববিদ্যালয়ৰ (এ এম ইউ) প্ৰাণীবিজ্ঞান বিভাগৰ প্ৰবক্তা আৰু অসম সন্তান ড০ হিফজুৰ আৰ ছিদ্দিকৰ ইউনেস্কোত 'লুপিওল ট্ৰাইটাৰপীন আৰু ঔষধি গুণৰ স্বাস্থ্য প্ৰভাৱ' (Beneficial Health Effects of Lupeol Triterpene and Medicinal Properties) শীৰ্ষক এটি বিষয়ৰ ওপৰত 'এনচাইক্লোপিডিয়া লাইফ চাপোৰ্ট চিষ্টেমচত' (Encyclopaedia Life Support Systems) প্ৰকাশ পাব।
লুপিঅ'ল ট্ৰিপাৰপীনক এণ্টি-ইনফ্লেমেটৰী, এণ্টি-মাইক্ৰোবাইল, এণ্টি-প্ৰটোজোয়েল, এণ্টি-প্ৰলিফাৰেটিভ, এণ্টি-ইনভেছিভ, এণ্টি-এঞ্জিওজেনিক আৰু কলেষ্টেৰল হ্ৰাসকাৰী বুলি গণ্য কৰা হয়।
তেওঁ জলফাই, বিলাহী, আম, এলো ভেৰা, ফুলকবি আৰু একাধিক ঔষধি উদ্ভিদ আৰু পাচলিত পোৱা অণু-লুপিঅ'লৰ (Molecule - Lupeol) কৰ্কট ৰোধী আৰু প্ৰদাহ-প্ৰতিৰোধী (anti-inflammatory) ওপৰত এক দশকৰো অধিক সময় কাম কৰি আছে।
"মই আশা কৰোঁ যে ইউনেস্কোত প্ৰকাশিত হোৱা মোৰ কাম – ই অ' এল এছ এছ (EOLSS) শ শ বিষয় বিশেষজ্ঞৰ দ্বাৰা সম্পাদিত অত্যাধুনিক আৰ্কাইভেল (archival) জ্ঞানৰ এক পৰ্যালোচনা কৰা সংস্থা, অৱশেষত অতি প্ৰয়োজনীয় কৰ্কট গৱেষণাৰ এক গুৰুত্বপূৰ্ণ অংশ হৈ পৰিব," ড০ ছিদ্দিকে এইদৰে কয়। ড০ ছিদ্দিকৰ গৱেষণাৰ ক্ষেত্ৰত লুপিঅ'লৰ প্ৰতিবেদনত, নিৰ্বাচিতভাৱে এণ্ড্ৰোজেন নিৰ্ভৰশীল (androgen dependent) আৰু স্বতন্ত্ৰ প্ৰষ্টেট কৰ্কটৰোগ (independent prostate cancer) বিষয়ে আছে ।
তেওঁক আমেৰিকান এছ'চিয়েচন অফ কেন্সাৰ ৰিচাৰ্ছ (এ এ চি আৰ)ৰ দ্বাৰা অৰলেণ্ডোত ১০২ তম বাৰ্ষিক সভাত তেওঁৰ কৰ্মসমূহ উপস্থাপন কৰিবলৈ আমন্ত্ৰণ জনাইছিল ।
.webp "ড০ হিফজুৰ আৰ ছিদ্দিক")
