আৱাজ দ্যা ভইছৰ সৈতে হোৱা এক সাক্ষাৎকাৰত নাৰ্গিছে কয়, "মই শিলগুৰি আনন্দৰাম বৰুৱা একাডেমীৰ ছাত্ৰী আছিলো। মই মোৰ সফলতাৰ বাবে বিদ্যালয়ৰ শিক্ষাগুৰুসকলক কৃতিত্ব দিব বিচাৰো। কিয়নো তেওঁলোকে মোক মোৰ শিক্ষা অব্যাহত ৰখাৰ লগতে ভাল ফলাফল প্ৰদৰ্শনৰ ক্ষেত্ৰত যথেষ্ট সহায় কৰিছে। তেওঁলোকে মোৰ আৰ্থিক অৱস্থাৰ কথা জানি নৱম আৰু দশম শ্ৰেণীলৈকে বিনামূলীয়াকৈ পঢ়াৰ সুযোগ প্ৰদান কৰিছিল আৰু প্ৰয়োজনীয় গাইড দি আহিছিল। তেওঁলোকে বিনামূলীয়াকৈ মোক গণিত বিষয়ত অতিৰিক্ত পাঠদান কৰোৱাইছিল। মই নিজেও নিশা ৫ৰ পৰা ৬ ঘণ্টা সময় অধ্যয়ন কৰিছিলো। যাৰ বাবে মই ভাল ফলাফল দেখুৱাবলৈ সক্ষম হৈছো। মই সমাজ বিজ্ঞানত ৯৬, গণিতত ৯৫ অসমীয়াত ৯২ আৰু ইলেকটিভ বিষয়ত ৯০, ইংৰাজীত ৯০ আৰু সাধাৰণ বিজ্ঞানত ৭৮ নম্বৰসহ সৰ্বমুঠ ৫৪১ নম্বৰ লাভ কৰিছো।"

চাদিকে আৱাজ দ্যা ভইছক কয়,  "মই আৰ্থিকভাৱে অতি দুৰ্বল পৰিয়ালৰ লৰা। মোৰ দেউতাই ফেৰী কৰি কোনোমতে আমাৰ পৰিয়ালৰ উদৰ পুৰাই আছে। তেওঁলোকে মোক পঢ়াৰ ক্ষেত্ৰ বিশেষ সা-সুবিধা দিব পৰা নাছিল। সেয়েহে মোক ওচৰ-চুবুৰীয়া আৰু মোৰ বিদ্যালয়ৰ শিক্ষক-শিক্ষয়ত্ৰী সকলে মোক যথেষ্ট সহায় আগবঢ়াইছে। যাৰ বাবে আজি মই ভাল ফলাফল দেখুৱাবলৈ সক্ষম হৈছোঁ। মই সৰ্বমুঠ ৫৪৭ নম্বৰৰ ভিতৰত সমাজ বিজ্ঞানত ৯১, গণিতত ১০০, অসমীয়াত ৭২, উচ্চ গণিতত ১০০, ইংৰাজীত ৯৩ আৰু বিজ্ঞানত ৯১ নম্বৰ লাভ কৰিছো।"