উদ্বোধনী অনুষ্ঠানত আদৰণি ভাষণ আগবঢ়ায় ইউএছটিএমৰ চ্যান্সেলৰ মাহবুবুল হকে। এ আই ইউ আৰু ভাৰতৰ প্ৰাক্তন ৰাষ্ট্ৰপতি ৰামনাথ কোবিন্দৰ প্ৰতি কৃতজ্ঞতা প্ৰকাশ কৰি হকে কয়, “আমাৰ এক বিশ্বমানৰ পৰিকল্পনা আছে। আমি বিভিন্ন প্ৰতিষ্ঠানৰ সৈতে সহযোগিতামূলকভাৱে কাম কৰিম। আমি বিশ্বাস কৰোঁ যে ভাল মানৱ সম্পদ উৎপাদন কৰিলেহে দেশ শক্তিশালী হ’ব”।
এ আই ইউৰ মহাসচিব ড০ পংকজ মিট্টালে এ আই ইউৰ ভূমিকা আৰু উপাচাৰ্য সন্মিলনৰ উদ্দেশ্যৰ ওপৰত আলোকপাত কৰে। অসম চৰকাৰৰ শিক্ষামন্ত্ৰী ড০ ৰানোজ পেগুৱে সন্মিলনৰ উদ্বোধনী অধিৱেশনত বিশেষ ভাষণ প্ৰদান কৰে। আত্মনিৰ্ভৰ ভাৰত সৃষ্টিৰ বাবে তেওঁ কৰ্মসংস্থাপন সৃষ্টিৰ ওপৰত গুৰুত্ব আৰোপ কৰে। এ আই ইউৰ প্ৰতিষ্ঠা দিৱসৰ বক্তৃতা প্ৰদান কৰি পদ্মশ্ৰী ড০ বিবেক দেৱৰয়ে কয় যে, “উচ্চ শিক্ষাৰ প্ৰতিষ্ঠান এখন কাৰ্যক্ষম হ’বলৈ হ’লে নামভৰ্তিৰ এক নিৰ্দিষ্ট মানদণ্ডৰ স্তৰ থাকিব লাগিব।” ৰাষ্ট্ৰীয় শিক্ষা নীতি-২০২০ৰ কথা উল্লেখ কৰি তেওঁ কয় যে আমি ভাৰতৰ উচ্চ শিক্ষানুষ্ঠানসমূহৰ বাবে এটা নতুন চিন্তা কৰাৰ সময় আহি পৰিছে।
Addressed 97th Annual Meet and National Conference of Vice Chancellors’ organised by @AIUIndia at USTM, today. The theme of this conference “Transformative Higher Education for Atmanirbhar Bharat” reflects the spirit of the National Education Policy 2020. pic.twitter.com/z1MA775kVv
