মুম্বাই
অনুষ্কা শৰ্মা এগৰাকী ভাল অভিনেত্ৰী হোৱাৰ লগতে তেওঁ এগৰাকী উৎসাহী খাদ্যৰসিক মহিলা। তেওঁ সঘনে দেশৰ বিভিন্ন ঠাইৰ থলুৱা তথা পৰাপমৰাগত খাদ্যৰ সোৱাদ লোৱাৰ লগতে ছোচিয়েল মিডিয়াত ইয়াৰ ফটো শ্বেয়াৰ কৰি আহিছে। অনুষ্কাই দক্ষিণ ভাৰতীয় ব্যঞ্জনবোৰ তৈয়াৰ কৰাৰ পৰা বঙালী সুস্বাদু আহাৰলৈ সকলোবোৰৰ সোৱাদ লৈ অহা দেখা গৈছে। শেহতীয়াকৈ তেওঁৰ এই অভিযানত উত্তৰ পূৰ্বাঞ্চলৰ ৰন্ধন প্ৰণালী অন্তৰ্ভুক্ত কৰিছে। অনুষ্কাই দেওবাৰে ইনষ্টাগ্ৰামত ষ্ট'ৰীজৰ জৰিয়তে এক স্বাস্থ্যকৰ আৰু সুস্বাদু অসমীয়া দুপৰীয়াৰ আহাৰৰ থালী শ্বেয়াৰ কৰিছিল আৰু তেওঁ নিজেও উপভোগ কৰিছিল।
অনুষ্কাৰ আহাৰৰ প্লেটাৰত বগা ভাপ সিজোৱা ভাতৰ ওপৰত বনৌষধি আৰু মচলাৰে ৰন্ধা সুস্বাদু দাইল আছিল। লগতে শুকান তৰকাৰী আছে – ভাতকেৰেলা ভাজি আৰু কাচকল পিটিকা। কাচকল পিটিকা অসমীয়া দুপৰীয়াৰ আহাৰৰ এক সাধাৰণ কাষৰ ব্যঞ্জন। প্লেটত বীটেৰে সজোৱা হৈছিল আৰু কাষত আচাৰৰ টুকুৰাও ৰখা হৈছিল।
পোষ্টটোৰ শিৰোনামত লিখিছিল, "এই দুপৰীয়াৰ অসমীয়া আহাৰৰ সোৱাদ ঐশ্বৰিক আছিল।" পোষ্টতো অনুষ্কাই গীতিকা পাকঘৰক টেগ কৰিছিল আৰু তেওঁলোকক খাদ্যৰ কৃতিত্ব দিছিল। অনুষ্কাই ধ্ৰুৱ চেহগলকো টেগ কৰিছিল আৰু অসমীয়া আহাৰ গ্ৰহণৰ বাবে দিয়া পৰামৰ্শৰ বাবে ধন্যবাদ জনাইছিল।
গীতিকা পাকঘৰে অনুষ্কা শৰ্মাৰ পোষ্টটোৰ স্ক্ৰীণশ্বট শ্বেয়াৰ কৰিছিল য'ত একেখন প্লেটৰ ফটো দেখুওৱা হৈছিল। শিৰোনামত গীতিকাই লিখিছিল, "যেতিয়া কালি ফোনটো আহিছিল, মই কল্পনা কৰা নাছিলোঁ যে আজি দুপৰীয়াৰ আহাৰৰ অতিথি অনুষ্কা শৰ্মা হব। তেওঁৰ পৰিয়ালৰ দুপৰীয়াৰ আহাৰ প্ৰস্তুত কৰাৰ বাবে ফোন আহিছিল।"
তাৰ পিছত তেওঁ লগতে কয়, "মেনুৰ বিষয়ে সিদ্ধান্ত ল'বলৈ তেওঁৰ দলৰ সৈতে কেইটামান মত-বিনিময় কৰা হৈছিল আৰু আজি আপুনি তেওঁৰ আহাৰৰ প্লেটত যি দেখিছে সেয়া আমি প্ৰস্তুত কৰিছোঁ।"
গীতিকাই আৰু লিখিছিল, "তেওঁ আহাৰৰ প্লেটখন তেওঁৰ ইনষ্টাগ্ৰামত শ্বেয়াৰ কৰি আমাক আচৰিত কৰিছিল আৰু কাইলৈৰ বাবে মেনু পুনৰাবৃত্তি কৰি, সঁচাকৈয়ে!!! এইটো বিশ্বাস কৰিবলৈ নিজকে চিকুটি মাৰিছো।"