ইয়াৰে দিল্লী আন্তঃৰাষ্ট্ৰীয় চুটি ছবি মহোৎসৱ আৰু ঠাকুৰ আন্তৰাষ্ট্ৰীয় চলচ্চিত্ৰ মহোৎসৱত এই তথ্যচিত্ৰখনে জুৰীৰ বিশেষ বঁটাৰে সন্মানিত হৈছে। এছ অ' এফ এ চলিচ্চিত্ৰ মহোৎসৱ চাইপ্ৰাছ আৰু ৱাইল্ড লাইফ কনজাৰভেচন চলচ্চিত্র মহোৎসৱ নিউয়র্কত অনুষ্ঠিত হৈছিল। অহা জানুৱাৰীত অনুষ্ঠিত হ'বলগা জয়পুৰ চলচ্চিত্ৰ মহোৎসৱতো প্রদর্শিত হ'ব 'হাড়গিলা - দ্য গ্ৰেটাৰ এডজুটেন্ট ষ্টক'।

মহন্তই লগতে কয়, "কিছু বছৰৰ আগতে বিশিষ্ট বন্যপ্রাণীপ্রেমী পূর্ণিমা দেৱী বৰ্মনে চৰাইবিধৰ সংৰক্ষণৰ বাবে অঞ্চলটোত কাম আৰম্ভ কৰিছিল আৰু এই প্ৰচেষ্টাত কামৰূপ আৰক্ষীও ওতঃপ্রোতভাৱে জড়িত হৈ পৰিছিল। এই প্ৰচেষ্টাত ৰাইজ, বিশেষকৈ অঞ্চলটোৰ মহিলাসকলক জড়িত কৰা হৈছিল। মহিলাসকলে 'হাড়গিলা আর্মি' নামেৰে এটা গোট খুলি সকলোৱে দেহে-কেহে আমাৰ লগত এইক্ষেত্ৰত আগবাঢ়ি গৈছিল। এই নিৰৱচ্ছিন্ন প্রচেষ্টা বর্তমানেও অব্যাহত আছে।"