শ্ৰীনগৰ
প্ৰায় এটা দশক পুৰণি এখন চলচ্চিত্ৰৰ উদ্ধৃতি দি এটা নিৰ্দিষ্ট বৰ্গৰ লোকে আমিৰ খানৰ বহু চৰ্চিত চলচ্চিত্ৰ "লাল সিং চাড্ডা" চলচ্চিত্ৰখন বৰ্জন কৰা অভিযানে চলচ্চিত্ৰখনৰ দৰ্শকৰ ভিৰ কিছু পৰিমানে কম দেখা গৈছে যদিও চলচ্চিত্ৰখনৰ লগতে শিল্পীসকলে চৌদিশে যথেষ্ট প্ৰশংসা লাভ কৰিছে। চলচ্চিত্ৰখনত অভিনয় কৰা কাশ্মীৰৰ কজলা চকুৰ অধিকাৰী শিশু শিল্পী আহমদ ইবনে উমাৰে অনুৰাগীসকলৰ হৃদয় জয় কৰিবলৈ সক্ষম হৈছে।
শিশু শিল্পী আহমদ ইবনে উমাৰে "লাল সিং চাড্ডা" চলচ্চিত্ৰখনত আমিৰ খানৰ শৈশৱৰ চৰিত্ৰত অভিনয় কৰিছে। শিশু শিল্পী আহমদে "লাল সিং চাড্ডা"ৰ প্ৰ'ম'ত উপস্থিত হোৱাৰ পিছৰে পৰা বাতৰিৰ শিৰোনাম দখল কৰি আহিছে। স্থানীয় সংবাদ মাধ্যমৰ সৈতে হোৱা এক বাৰ্তালাপত শিশু অভিনেতাজনৰ পিতৃ ওমৰ মকবুলে কয় যে দৰ্শকৰ সঁহাৰিত তেওঁ যথেষ্ট উৎসাহিত।
ওমৰ মকবুলে কয়, "আমি সুখী যে আমাৰ পুত্ৰৰ প্ৰদৰ্শনক প্ৰশংসা কৰা হৈছে। ছ'চিয়েল মিডিয়াত আহমদৰ ভিডিঅ' আৰু পৰ্যালোচনা ভৰি পৰিছে। য'ত তেওঁৰ প্ৰদৰ্শনক প্ৰশংসা কৰা হৈছে। আমি বাহিৰৰ পৰাও বহু লোকৰ ফোনত প্ৰশংসা লাভ কৰিছো।"
মকবুলে লগতে কয় যে বহু চলচ্চিত্ৰ নিৰ্মাতাই তেওঁক তেওঁলোকৰ পুত্ৰৰ কামৰ বাবে মুম্বাইলৈ মাতি আছে। "লাল সিং চাড্ডা"ৰ উপৰিও আহমদে চলমান খান অভিনীত চলচ্চিত্ৰ "নোটবুক"তো অভিনয় কৰিছে। ইয়াৰ উপৰিও, সামান্থা ৰুথ প্ৰভু আৰু বিজয় দেৱেৰাকোণ্ডা অভিনীত দক্ষিণ ভাৰতীয় চলচ্চিত্ৰ "কুশী"ৰ দৃশ্যগ্ৰহণ সম্পূৰ্ণ হৈছে।
'লাল সিং চাড্ডা' চলচ্চিত্ৰত কাশ্মীৰৰ শিশুশিল্পী আহমদ ইবনে উমাৰৰ অভিনয়ৰ এক দৃশ্য
মকবুলে কয়, "বলীউডৰ এজন শীৰ্ষ পৰিচালকে আমালৈ ফোন কৰিছে। কিয়নো লাল সিং চাড্ডাত মোৰ পুত্ৰৰ অভিনয়ে তেওঁক খুব প্ৰভাৱিত কৰিছে।"
এক সমীক্ষাত প্ৰকাশ পাইছে যে, যুৱ লালৰ চৰিত্ৰত অভিনয় কৰা আহমদ ইবনে উমাৰ ছবিখনৰ অন্যতম শ্ৰেষ্ঠ অভিনেতা। চলচিত্ৰখনত তেওঁ এজন তাৰকাৰ দৰে জিলিকি আছে আৰু তেওঁৰ নিষ্পাপ সৌন্দৰ্যই দৰ্শকসকলক মুহিত কৰিছে।
লালৰ চৰিত্ৰত আমিৰ খানে বহুত ভাল কাম কৰিছে। তেওঁ তেওঁৰ চৰিত্ৰক জীৱন্ত কৰি তুলিছে। আমিৰ খানক বলীউডৰ মিষ্টাৰ পাৰফেক্টনিষ্ট বুলি জনা যায়। "লাল সিং চাড্ডা"ত তেওঁৰ প্ৰদৰ্শনে আকৌ এবাৰ এই কথা প্ৰমাণ কৰিছে।
'লাল সিং চাড্ডা' চলচ্চিত্ৰখনত আমিৰ খান আৰু কৰিণা কাপুৰ খানে অভিনয় কৰা এক দৃশ্য
মহম্মদৰ চৰিত্ৰত মানৱ ৱিজে তেওঁৰ পূৰ্বৰ চৰিত্ৰবোৰৰ বিপৰীতে ইয়াত বহু কাম কৰিবলৈ সুযোগ লাভ কৰিছে। দহ বছৰীয়া আহমদ ইবনে উমাৰৰ মহিমা, নিষ্পাপতা, কজলা চকু আৰু উজ্জ্বল উপস্থিতিয়ে আপোনাক লালৰ চৰিত্ৰটোক প্ৰশংসা কৰিবলৈ বাধ্য কৰি দিছে।
অভিনেতা আমিৰ খান আৰু শিশুশিল্পী আহমদ ইবনে উমাৰ
হিন্দুস্তান টাইমছৰ এক সমীক্ষাত উল্লেখ কৰা হৈছে যে, পৰ্দাত আহমদৰ প্ৰদৰ্শন ভাল আছিল। লালৰ শৈশৱৰ পৰা কৈশোৰলৈ সময়ৰেখা কেতিয়াবা অলপ বেলেগ যেন লাগে আৰু তেওঁ বহু বছৰ ধৰি একে বয়স আৰু উচ্চতাৰ যেন লাগিছে।
অৱশ্যে, ডেকা লালৰ চৰিত্ৰত অভিনয় কৰা শিশু অভিনেতা (আহমদ ইবনে উমাৰ) অতি মৰমীয়াল আৰু তেওঁৰ পৰ্দাত প্ৰদৰ্শন ভাল কৰিছে। একে সময়তে, আহমদৰ পিতৃয়ে চলচ্চিত্ৰখনৰ বিৰোধিতাক লৈ যথেষ্ট দুখিত আছিল।
