গুৱাহাটী
কেন্দ্ৰীয় মন্ত্ৰী সৰ্বানন্দ সোণোৱালে দেওবাৰে শিলচৰত আঞ্চলিক ৰিচাৰ্চ ইনষ্টিটিউট অৱ ইউনানী মেডিচিন (আৰ আৰ আই ইউ এম) উদ্বোধন কৰে।
ভাৰত চৰকাৰৰ আয়ুষ মন্ত্ৰালয়ৰ অধীনত ৫০খন বিছনাযুক্ত চিকিৎসালয় আৰু গৱেষণা কেন্দ্ৰকে ধৰি আৰ আৰ আই ইউ এম স্থাপন কৰা হৈছে।
বৰাক উপত্যকাৰ তিনিখন জিলাৰ লগতে ত্ৰিপুৰা, মণিপুৰ, আৰু মিজোৰামকো সামৰি লোৱা হ’ব আৰু চিকিৎসালয়খনত ইউনানী চিকিৎসাৰ ওপৰত গৱেষণা কৰা হ’ব।
এই উপলক্ষে ভাষণ দি কেন্দ্রীয় মন্ত্রী তথা অসমৰ প্রাক্তন মুখ্যমন্ত্রী সোণোৱালে কয়, “আৰ আৰ আই ইউ এমৰ দ্বাৰা ইউনানীৰ ওপৰত গৱেষণা কৰা হ’ব আৰু ইউনানী ঔষধ ব্যৱহাৰ কৰা লোকৰ চিকিৎসা কৰা হ’ব৷ অসমত ঔষধি উদ্ভিদ, বনৌষধি, গছৰ সমৃদ্ধ অভাৱ। আৰ আৰ আই ইউ এম-এ চিকিৎসা বিজ্ঞানৰ উন্নতিৰ ক্ষেত্ৰত প্ৰকৃতিৰ উপহাৰৰ সৰ্বোত্তম ব্যৱহাৰৰ প্ৰতি লক্ষ্য ৰাখিব''।
''আপুনি দেখিব যে শেহতীয়াকৈ প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰতৰ ঔষধি মূল্যই আয়ুছ মন্ত্ৰালয়ৰ প্ৰচেষ্টাৰ জৰিয়তে উপযুক্ত স্বীকৃতি লাভ কৰিছে। অহা দুবছৰত আয়ুছৰ বজাৰে ২৩ বিলিয়ন মাৰ্কিন ডলাৰ স্পৰ্শ কৰিব বুলি অনুমান কৰা হৈছে যিটো ভাৰতীয় মুদ্ৰাত প্ৰায় দুলাখ কোটি। মই ভাবো আমাৰ যুৱক-যুৱতী, কৃষকৰ বাবে ই এক অতি ইতিবাচক কথা যিয়ে ভৱিষ্যতে অপৰিসীম পৰিসৰ দিব।’-সোণোৱালে লগতে কয়।
