পানাজী
যোৱা নিশা উত্তৰ গোৱাৰ আৰ্পোৰাত যোৱা নিশা বাৰ্চ বাই ৰোমিঅ' লেন নামৰ এটা জনপ্ৰিয় নাইট ক্লাবত ভয়ংকৰ অগ্নিকাণ্ড সংঘটিত হয়। এই অগ্নিকাণ্ডৰ ফলত মুঠ ২৫ জন লোকৰ মৃত্যু হয়।
গোৱাৰ মুখ্যমন্ত্ৰী প্ৰমোদ শাৱন্তে জনোৱা অনুসৰি যে, অৰ্পোৰাত সংঘটিত অগ্নিকাণ্ডৰ ঘটনাৰ পিছত ৬ জন লোক আহত হৈছে। তেওঁ আশ্বাস দিয়ে যে, এই ছয়জন আহত ব্যক্তি বৰ্তমান সুস্থিৰ অৱস্থাত আছে আৰু উন্নত চিকিৎসা সেৱা লাভ কৰি আছে।
বিষয়াসকলে নিশ্চিত কৰে যে, জুইৰ ধোঁৱাৰ বাবে শ্বাসৰুদ্ধ হৈ অধিকাংশ লোকৰ হৈছে। কৰ্তৃপক্ষই নিহতসকলৰ ভিতৰত ৪ গৰাকী পৰ্যটক আৰু ১৪ জন কৰ্মচাৰীৰ পৰিচয় নিশ্চিত কৰিছে। বাকী ৭জন ব্যক্তিৰ পৰিচয় এতিয়াও নিৰ্ধাৰণ কৰি থকা হৈছে যে তেওঁলোক পৰ্যটক নে কৰ্মচাৰী আছিল।
পুৱতি নিশা প্ৰায় ১ বজাত সংঘটিত হয় এই ঘটনা, পুলিচে প্ৰথমে সন্দেহ কৰিছিল যে, ৰান্ধনি ঘৰৰ ওচৰত চিলিণ্ডাৰ বিস্ফোৰণৰ ফলত জুইৰ সূত্ৰপাত হৈছে। অৱশ্যে ইয়াক নুই কৰা হৈছে। গোৱা আৰক্ষী সঞ্চালক প্ৰধানৰ মতে পৰিদৰ্শনৰ সময়ত চিলিণ্ডাৰ অক্ষত অৱস্থাত আছিল।
বিষয়াসকলে লক্ষ্য কৰিছে যে, বিস্ফোৰণটো ইমানেই শক্তিশালী আছিল যে, কেইছেকেণ্ডমানৰ ভিতৰতে জুইৰ শিখাই সমগ্ৰ অট্টালিকাটো আগুৰি ধৰিছিল, যাৰ ফলত ভিতৰত থকাসকলৰ বাবে পলায়ন কৰাৰ সময় নাছিল।
মৃতদেহ মৰণোত্তৰ পৰীক্ষাৰ বাবে প্ৰেৰণ কৰাৰ বিপৰীতে আহতসকলৰ সংখ্যা আৰু অৱস্থা সম্পৰ্কীয় চৰকাৰী সবিশেষ এতিয়াও অপেক্ষা কৰি আছে। নিশাটোৰ ভিতৰতে উদ্ধাৰ অভিযান অব্যাহত আছে আৰু কৰ্তৃপক্ষই নিহতসকলক চিনাক্ত কৰি পৰিয়ালসমূহক অৱগত কৰাৰ বাবে কাম কৰি আছে।
আৰক্ষী সঞ্চালক প্ৰধানে কয় যে, তদন্তত ক্লাবৰ সুৰক্ষা ব্যৱস্থা, গেছ সংযোগ ব্যৱস্থা, আৰু ইয়াৰ জৰুৰীকালীন প্ৰস্থান পৰিকল্পনাও পৰীক্ষা কৰি কোনো ধৰণৰ উলংঘা হৈছে নে নাই সেইটো নিৰ্ণয় কৰা হ’ব। একাধিক অগ্নিনিৰ্বাপক বাহিনী ততাতৈয়াকৈ সেই স্থানলৈ প্ৰেৰণ কৰা হয় আৰু প্ৰায় দুঘণ্টাৰ তীব্ৰ প্ৰচেষ্টাৰ অন্তত জুই নিয়ন্ত্ৰণ কৰা হয়।
এতিয়াৰ বাবে নাইট ক্লাবটো ছীল কৰা হৈছে, আৰু বৰ্তমান মালিক আৰু পৰিচালনাৰ সৈতে জেৰা চলি আছে। প্ৰাৰম্ভিক তথ্য অনুসৰি ক্লাবে অগ্নিনিৰ্বাপক বাহিনীৰ নিয়ম মানি চলা নাছিল। মুখ্যমন্ত্ৰী সাৱন্তই নিশ্চিত কৰিছে যে, তেওঁ অগ্নিকাণ্ডৰ সঠিক কাৰণ নিৰ্ণয় কৰিবলৈ সম্পূৰ্ণ তদন্তৰ নিৰ্দেশ দিছে, অগ্নিনিৰ্বাপক বাহিনীৰ নিয়ম আৰু বিল্ডিং নিয়ম মানি চলিছিল নে নাই সেই বিষয়ে নিখুঁতভাৱে পৰীক্ষা কৰিছে।
ৰাষ্ট্ৰপতি দ্ৰৌপদী মূৰ্মূৱে তেওঁৰ সহানুভূতি প্ৰকাশ কৰি কয় যে, "উত্তৰ গোৱা জিলাত সংঘটিত হোৱা মৰ্মান্তিক অগ্নিকাণ্ডৰ ফলত বহুমূলীয়া জীৱন হেৰুৱা সকলৰ আত্মাৰ সদগতি কামনা কৰিছে। শোকসন্তপ্ত পৰিয়ালসমূহলৈ মোৰ আন্তৰিক সমবেদনা জ্ঞাপন কৰিছো। এই কঠিন সময়ত তেওঁলোকে শক্তি লাভ কৰক। আহতসকলৰ আশু আৰোগ্যৰ বাবে প্ৰাৰ্থনা কৰিছো।"
অৰ্পোৰাত সংঘটিত হোৱা অগ্নিকাণ্ডৰ শোকাৱহ ঘটনাৰ পিছতে প্ৰধানমন্ত্ৰী নৰেন্দ্ৰ মোদীয়ে গভীৰ শোক প্ৰকাশ কৰাৰ লগতে পৰিয়ালসমূহলৈ সমবেদনা জ্ঞাপন কৰিছে। ঘটনাটোক "গভীৰ দুখজনক" বুলি অভিহিত কৰি প্ৰধানমন্ত্ৰীয়ে কয়, "গোৱাৰ অৰ্পোৰাত সংঘটিত হোৱা অগ্নিকাণ্ডৰ দুৰ্ঘটনাটো অতি দুখজনক। শোকসন্তপ্ত পৰিয়ালসমূহলৈ মোৰ আন্তৰিক সমবেদনা জ্ঞাপন কৰিছো। আহতসকল সোনকালে সুস্থ হৈ উঠক। পৰিস্থিতি সন্দৰ্ভত গোৱাৰ মুখ্যমন্ত্ৰী ড° প্ৰমোদ শাৱন্তৰ সৈতে কথা পাতিছো। ৰাজ্য চৰকাৰে ক্ষতিগ্ৰস্তসকলক সকলো ধৰণৰ সহায় আগবঢ়াইছে।"
কেন্দ্ৰীয় গৃহমন্ত্ৰী অমিত শ্বাহে গোৱাত সংঘটিত হোৱা ভয়াৱহ অগ্নিকাণ্ডৰ দুৰ্ঘটনাক লৈ দুখ প্ৰকাশ কৰি কয় যে, এই অতি মৰ্মান্তিক ঘটনা, যাৰ বাবে বহু জীৱন ক্ষতিগ্ৰস্ত হৈছে।" তেওঁ এই কথাও নিশ্চিত কৰে যে, স্থানীয় প্ৰশাসনে উদ্ধাৰ আৰু সাহায্য অভিযানত সক্ৰিয়ভাৱে নিয়োজিত হৈ আছে আৰু এই শোকাৱহ দুৰ্ঘটনাত ক্ষতিগ্ৰস্তসকলক সকলো প্ৰয়োজনীয় যত্ন লোৱাত মনোনিৱেশ কৰিছে।
ওড়িশাৰ প্ৰাক্তন মুখ্যমন্ত্ৰী নবীন পাটনায়কে নিজৰ দুখ প্ৰকাশ কৰি গোৱা ক্লাবত অগ্নিকাণ্ড সংঘটিত হোৱা শোকাৱহ পৰিয়ালক প্ৰাৰ্থনা জনায়। তেওঁ আৰু কয় যে, এই ভয়াৱহ কাণ্ডত আঘাতপ্ৰাপ্ত সকলোৰে দ্ৰুত আৰোগ্য লাভৰ বাবে কামনা কৰিলো। কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেলেও গোৱা অগ্নিকাণ্ডত আহতসকলৰ আশু আৰোগ্য কামনা কৰে।
প্ৰধানমন্ত্ৰী মোদীয়ে অৰ্পোৰাত সংঘটিত হোৱা কৰুণ অগ্নিকাণ্ডত নিহতসকলৰ বাবে প্ৰধানমন্ত্ৰীৰ ৰাষ্ট্ৰীয় সাহায্য পুঁজিৰ পৰা এককালীন আৰ্থিক সাহাৰ্য প্ৰদানৰ কথাও ঘোষণা কৰিছে। প্ৰধানমন্ত্ৰীৰ কাৰ্যালয়ে উল্লেখ কৰিছে যে, প্ৰতিজন ভুক্তভোগীৰ আত্মীয়ই ২ লাখ টকা লাভ কৰিব আৰু আহত ব্যক্তিসকলক সকাহ হিচাপে ৫০ হাজাৰ টকা ব্যৱস্থা কৰা হ’ব।
.webp "অসামৰিক বিমান পৰিবহণ মন্ত্ৰী কে ৰামমোহন নাইডু")
