আজিৰে পৰা আৰম্ভ অম্বুবাচী মেলা

বুধবাৰে দিনৰভাগত বিভাগীয় মন্ত্রী জয়ন্ত মল্ল বৰুৱাই শিবিৰ কেইটা পৰিদৰ্শন কৰাৰ লগতে কামাখ্যা মন্দিৰত উপস্থিত হৈ মন্দিৰ কৰ্তৃপক্ষৰ সৈতে এক বৈঠকত মিলিত হয়। বৈঠকত নিৰাপত্তা, পৰিবহণ, স্বচ্ছতা আদিকে ধৰি অন্যান্য ব্যৱস্থাপনাৰ দিশসমূহ আলোচনা কৰা হয়। মন্ত্রী বৰুৱাই জনোৱা মতে, "অম্বুবাচী মেলা উপলক্ষে অহা তীর্থযাত্রীসকলৰ সা-সুবিধাৰ প্রতি বিশেষ লক্ষ্য ৰাখিব। অইনবাৰৰ দৰে এইবাৰ সাংস্কৃতিক অনুষ্ঠান, উদ্বোধনী অনুষ্ঠান আয়োজিত কৰা নহ'ব। তদুপৰি স্বচ্ছতাৰ দিশত বিশেষ গুৰুত্ব দিয়া হ'ব, যাতে সকলো কাম পৰিষ্কাৰভাৱে হৈ যায়।"

ক'ভিডৰ বাবে অতি কম ভক্তৰ আগমন আশা কৰা হৈছে। যাৰ বাবে এইবাৰ অম্বুবাচী মেলাক লৈ প্ৰচাৰৰ ব্যৱস্থাও কৰা হোৱা নাই বুলি উল্লেখ কৰে মন্ত্ৰীগৰাকীয়ে কয় যে, ক'ভিডকেন্দ্রিক জটিল পৰিস্থিতিৰ কিছু উন্নত হোৱাৰ পৰিপ্ৰেক্ষিতত ৰাজ্য চৰকাৰে এইবাৰ অনুষ্টুপীয়াকৈ অম্বুবাচী মেলা অনুষ্ঠিত কৰাৰ অনুমতি দিছে। মুখ্যমন্ত্রী হিমন্ত বিশ্ব শর্মাই কেৱল ধৰ্মীয় ৰীতি-নীতিবেহে অম্বুবাচী মেলা অনুষ্ঠিত কৰিবলৈ আহ্বান জনাইছে।  প্ৰথমবাৰৰ বাবে এইবাৰ কামাখ্যা মন্দিৰৰ চৌহদত ভক্তৰ থকা-খোৱাৰ বাবে কোনো ধৰণৰ ব্যৱস্থা ৰখা হোৱা নাই।"