গুৱাহাটী
কেন্দ্ৰীয় মন্ত্ৰী সৰ্বানন্দ সোণোৱালে কয় যে ভাৰতৰ প্ৰথমখন নদী জাহাজ - গংগা বিলাস উত্তৰ প্ৰদেশৰ বাৰাণসী আৰু অসমৰ ডিব্ৰুগড়ৰ মাজত দেশৰ আটাইতকৈ দীঘলীয়া ৰিভাৰ ক্ৰুজ হ’ব।
২৭খন নদী ব্যৱস্থা সামৰি ৫০ দিনৰ আটাইতকৈ দীঘলীয়া নদী যাত্ৰাৰে বাৰাণসীৰ পৰা ডিব্ৰুগড়লৈ যাত্ৰা কৰিব আৰু বিশ্ব ঐতিহ্য ক্ষেত্ৰকে ধৰি ৫০টাতকৈও অধিক পৰ্যটনস্থলী পৰিদৰ্শন কৰিব। অহা বছৰৰ জানুৱাৰীৰ পৰা ৰিভাৰ ক্ৰুজ কাৰ্যক্ষম হোৱাৰ সম্ভাৱনা আছে।
আটাইতকৈ দীঘলীয়া ৰিভাৰ ক্ৰুজে বিশ্ব ঐতিহ্য ক্ষেত্ৰকে ধৰি ৫০টা পৰ্যটনস্থলী ভ্ৰমণকে ধৰি ৩২০০ কিলোমিটাৰতকৈ অধিক দূৰত্ব অতিক্ৰম কৰা ২৭খন নদী ব্যৱস্থা অতিক্ৰম কৰিব। ৫০ দিনত সম্পূৰ্ণ হ’ব এই যাত্ৰা।
২০২২ চনৰ জানুৱাৰী মাহৰ পৰা উত্তৰ প্ৰদেশৰ গংগা নদী (ৰাষ্ট্ৰীয় জলপথ ১)ত বাৰাণসীৰ পৰা আৰম্ভ হ’ব গংগা বিলাছ ক্ৰুজ; ইণ্ডো বাংলাদেশ প্ৰট’কল ৰুট (আই বি আৰ পি)ৰ মাজেৰে গৈ ২০২৩ চনৰ মাৰ্চ মাহৰ ভিতৰত অসমৰ ডিব্ৰুগড়ৰ ব্ৰহ্মপুত্ৰ নদীৰ বগীবিল (ৰাষ্ট্ৰীয় জলপথ ২)ত উপস্থিত হ’ব।
