ডঃ আয়েছা আশ্রফ আহমেদ 

এখন সমাজৰ সৰ্বপ্ৰথম প্ৰয়োজনীয় দিশটো হ'ল শান্তি। সমাজখনত আমন শ্বুকুন বাহাল ৰখাৰ প্ৰতি প্রত্যেকৰে কৰণীয় আছে। বৰ্তমান সময়ত ধৰ্মভীৰুতাৰ পৰিৱৰ্তে ধৰ্মান্ধতাই গা কৰি উঠিছে। ইয়াৰ ফলত সমাজত অশান্তিৰ সৃষ্টি হোৱা পৰিলক্ষিত হৈছে। এনেকি পৰ্যন্ত সাম্প্ৰদায়িকতায়ো মূৰ দাঙি উঠা দেখা যায়। যিসকল লোক ধৰ্মভীৰু অৰ্থাৎ সৃষ্টিকৰ্তাৰ প্ৰতি ভয় আছে, তেনেলোকে কেতিয়াও এনে কাম কৰিব নোৱাৰে। কাৰণ সকলো ধৰ্মই শান্তি আৰু একতাৰ শিক্ষা দিয়াৰ লগতে আন ধৰ্মক সন্মান কৰিব শিকায়। স্মৰ্তব্য যে, ৰোজাৰ ওপৰত যি বাণী অৱৰীৰ্ণ হৈছে তাত কোৱা হৈছে যে ৰোজা ৰাখিবা যাতে তোমালোঅকে সংযমী আৰু ধৰ্মভীৰু হব পৰা। সাম্প্ৰদায়িকতাৰ মনোভাৱ পৰিহাৰ কৰি এখন সুস্থ সৱল সমাজ গঢ়াৰ কাৰণে ৰোজাৰ গুৰুত্ব নিশ্চয়কৈ নুই কৰিব নোৱাৰি।