ৱাকফ আইন সংশোধনীৰ সমৰ্থনত অল ইণ্ডিয়া চুফী সজ্জাদনাশিন কাউন্সিল

Story by atv | Posted by [email protected] • 1 Months ago

সংবাদমেলত অল ইণ্ডিয়া চুফী সজ্জাদানাছিন কাউন্সিলৰ অধ্যক্ষ চৈয়দ নাছিৰুদ্দিন চিষ্টি

নতুন দিল্লী

সৰ্বভাৰতীয় চুফী সজ্জাদনাশিন কাউন্সিলে (All India Sufi Sajjadanashin Council) ৱাকফ আইনৰ প্ৰস্তাৱিত সংশোধনীৰ প্ৰতি সমৰ্থন প্ৰকাশ কৰিছে। আজি এক সংবাদমেলত ভাৰতৰ চুফীসকলৰ অভিভাৱক সংস্থা অল ইণ্ডিয়া চুফী সজ্জাদানাছিন কাউন্সিলৰ অধ্যক্ষ চৈয়দ নাছিৰুদ্দিন চিষ্টিয়ে কয় যে, "অল ইণ্ডিয়া চুফী সজ্জাদানাছিন কাউন্সিলে চৰকাৰৰ সংশোধনীৰ প্ৰস্তাৱক সম্পূৰ্ণৰূপে সমৰ্থন কৰে। এই সংশোধন অতি প্ৰয়োজন।”

উল্লেখ্য যে, অল ইণ্ডিয়া চুফী সজ্জাদানাছিন কাউন্সিলে দীৰ্ঘদিন ধৰি ৱাকফ আইনৰ সংশোধনীৰ দাবী জনাই আহিছে। “দৰগাহসকলৰ হাতত সৰ্বোচ্চ অধিকাৰ আছে। আমি দৃঢ়ভাৱে বিশ্বাস কৰোঁ যে চৰকাৰে বিধেয়কখন মুছলমানৰ সপক্ষে দাখিল কৰিব। ৰাইজে ভুৱা তথ্য বিয়পাব নালাগে। চৰকাৰে সংসদত দাখিল কৰাৰ সময়ত প্ৰথমে বিধেয়কখনৰ বিধানসমূহ চাবলৈ অপেক্ষা কৰিব লাগে।"-চিষ্টিয়ে কয়।

দৰগাহসমূহে নিজৰ সম্পত্তিৰ ৭% ৱাকফ ব’ৰ্ডত আবণ্টন দিব লাগে। তেওঁলোকৰ অনন্য পৰম্পৰাক প্ৰায়ে ৱাকফ ব’ৰ্ডে ভুল বুজাবুজি বা শ্বৰীয়ত বিৰোধী বুলি গণ্য কৰা বুলি উল্লেখ কৰি সৰ্বভাৰতীয় চুফী সজ্জাদানাছিন কাউন্সিলে চৰকাৰক পৃথক দৰগাহ ব’ৰ্ড গঠন কৰিবলৈ আহ্বান জনাই আহিছে।

The All India Sufi Sajjadanashin Council welcomed the amendments in the #Waqf Amendment Bill, which will be tabled in the Parliament in the ongoing session. The Chairman of the Council, Hazrat Syed Naseruddin Chisty, said that he is confident that the draft of the bill will be…
— All India Radio News (@airnewsalerts) August 6, 2024

সৰ্বভাৰতীয় চুফী সজ্জাদানাছিন কাউন্সিলে সংশোধিত বিধেয়কখনত এক সুকীয়া স্থিতিৰ ওপৰত জোৰ দিছে আৰু সজ্জাদনাশিনৰ কাৰ্যালয়ক বংশগত পদবী হিচাপে স্পষ্টভাৱে সংজ্ঞায়িত কৰিবলৈও কাউন্সিলে দাবী জনাইছে। সৰ্বভাৰতীয় চুফী সজ্জাদানাছিন কাউন্সিলে কয় যে তেওঁলোকে দৰগাহ আৰু ৱাকফৰ সামূহিক আয়ক সমাজৰ উন্নতিৰ বাবে ব্যৱহাৰ কৰাৰ পোষকতা কৰে।

চুফী নেতাগৰাকীয়ে কয় যে বিধেয়কখন এবাৰ চোৱাৰ আগতেই মতামত আৰু দাবী প্ৰকাশ নকৰি প্ৰথমে বিধেয়কখন ভালদৰে অধ্যয়ন কৰি তাৰ পিছত যিকোনো মতামত দিয়াটো বুদ্ধিমানৰ কাম হ’ব। কাৰোবাৰ ওপৰত মিছা অভিযোগ উত্থাপন কৰাতকৈ বিধেয়কখন বুজিলোৱাৰ প্ৰয়োজন আছে বুলিও তেওঁ কয়।

Last evening a delegation of the All India Sufi Sajjadanashin Council (AISSC) comprising of the most revered & prominent Sajjadanashins from various Dargahs across India met me under the leadership of Shri Syed Naseruddin Chishty, Chairman & Successor of the Present Spiritual… pic.twitter.com/Pzjzpg1tgh
— Kiren Rijiju (@KirenRijiju) August 6, 2024

‘ৱাকফ ব’ৰ্ডৰ ভিতৰত বহু দুৰ্নীতি হৈছে যিবোৰ পৰীক্ষা কৰাৰ প্ৰয়োজন আছে। চৰকাৰে কেৱল মুছলমানৰ মংগলৰ বাবেহে কাম কৰিব। বিষয়টো ৰাজনীতিকৰণ কৰা উচিত নহয়।’-অল ইণ্ডিয়া চুফী সজ্জাদানাছিন কাউন্সিলৰ অধ্যক্ষ চৈয়দ নাছিৰুদ্দিন চিষ্টিয়ে কয়।

তেওঁ লগতে কয় যে পৰিষদে তেওঁলোকৰ প্ৰতিনিধিত্বৰ প্ৰতিলিপি সংখ্যালঘু পৰিক্ৰমা মন্ত্ৰী কিৰেন ৰিজিজুক প্ৰদান কৰিছে।