ইয়াৰ পূৰ্বে, পি টি উষাই টুইটাৰৰ জৰিয়তে ইংগিত দিছিল যে তেওঁ আই অ’ এৰ সভাপতিৰ পদৰ বাবে মনোনয়ন দাখিল কৰিব। "আই অ' এৰ সভাপতিৰ মনোনয়ন পত্ৰ দাখিল কৰি মই গৌৰৱ আৰু আনন্দ অনুভৱ কৰিছো।" উষাই টুইট কৰে। উল্লেখ্য যে, পি টি উষাক সৰ্বকালৰ অন্যতম শ্ৰেষ্ঠ ভাৰতীয় খেলুৱৈ হিচাপে গণ্য কৰা হয়।

ভাৰতীয় অলিম্পিক সন্থাৰ মূৰব্বীৰ আসনত বহা তেওঁ হৈছে দেশৰ প্ৰথমগৰাকী মহিলা। এগৰাকী কিংবদন্তী ক্ৰীড়াবিদে ভাৰতীয় অলিম্পিক সন্থাৰ সভাপতিৰ দায়িত্ব লাভ কৰাটো দেশ ক্ৰীড়া জগতৰ বাবে ইতিবাচক দিশ হিচাপে চিহ্নিত হৈছে। ভাৰতীয় ক্ৰীড়াক ৰাজনীতিমুক্ত কৰাৰ দিশত এয়া এক ডাঙৰ পদক্ষেপ।