প্ৰধানমন্ত্ৰীয়ে কয় যে খেলুৱৈসকলৰ অতুলনীয় ত্যাগ আৰু কঠোৰ পৰিশ্ৰমৰ ফলত দেশখনে এক প্ৰেৰণাদায়ক সাফল্যৰ সৈতে আজাদীৰ অমৃত কালত প্ৰৱেশ কৰাটো গৌৰৱৰ বিষয়। "এয়া আমাৰ যুৱ শক্তিৰ আৰম্ভণি মাথোঁ। ভাৰতীয় ক্ৰীড়াৰ সোণালী যুগ আৰম্ভ হৈছে। যোৱা কেইসপ্তাহমানৰ ভিতৰত দেশখনে ক্ৰীড়াৰ ক্ষেত্ৰত দুটা ডাঙৰ কৃতিত্ব অৰ্জন কৰিছে। কমনৱেলথ গেমছত ভাৰতীয় খেলুৱৈৰ ঐতিহাসিক প্ৰদৰ্শনৰ লগতে দেশত প্ৰথমবাৰৰ বাবে অনুষ্ঠিত হৈছে দবা অলিম্পিয়াড",প্ৰধানমন্ত্ৰীয়ে কয়। 

ভাৰতে চাৰিবিধ নতুন খেলত জয়ৰ এক নতুন পথৰ সন্ধান লাভ কৰিছে। লন বলৰ পৰা এথলেটিকছলৈকে খেলুৱৈসকলে অসাধাৰণ প্ৰদৰ্শন দাঙি ধৰিছে। এই প্ৰদৰ্শনৰ ফলত দেশত নতুন নতুন ক্ৰীড়াৰ প্ৰতি যুৱক-যুৱতীসকলৰ আকৰ্ষণ বহু পৰিমাণে বৃদ্ধি পাব বুলি প্ৰধানমন্ত্ৰীয়ে আশা প্ৰকাশ কৰে।

আগন্তুক এছিয়ান গেমছ আৰু অলিম্পিকৰ বাবে খেলুৱৈসকলক ভালদৰে প্ৰস্তুতি চলাবলৈ মোদীয়ে আহ্বান জনায়। আজাদী কা অমৃত মহোৎসৱ উপলক্ষে প্ৰধানমন্ত্ৰীয়ে খেলুৱৈ আৰু তেওঁলোকৰ প্ৰশিক্ষকসকলক দেশৰ ৭৫ খন বিদ্যালয়, আৰু শিক্ষানুষ্ঠান পৰিদৰ্শন কৰি শিশুসকলক উৎসাহিত কৰিবলৈ যোৱা বছৰ অনুৰোধ জনাইছিল। বহু কেইগৰাকী ক্ৰীড়াবিদ আৰু প্ৰশিক্ষকে তেওঁৰ এই আহ্বানৰ প্ৰতি সঁহাৰি জনাই দেশ যুৱ প্ৰজন্মক অনুপ্ৰাণিত কৰিছে বুলি প্ৰধানমন্ত্ৰীয়ে আজি উল্লেখ কৰে।