নেপিয়াৰ
নেপিয়াৰত অনুষ্ঠিত হোৱা শৃংখলাৰ তৃতীয় আৰু অন্তিমখন মেচত বৰষুণে ধুই নিয়াৰ ফলত এক বিৰল টাই হয় আৰু ভাৰতে নিউজিলেণ্ডৰ বিৰুদ্ধে আন এখন টি-২০ শৃংখলা জয় কৰিবলৈ সক্ষম হয়। ১৬১ ৰাণৰ লক্ষ্য খেদি, মঙলবাৰে মেকলিন পাৰ্কত বৰষুণ আৰম্ভ হোৱাৰ সময়ত ভাৰতে ৯ অভাৰত ৪ উইকেটত ৭৫ ৰাণ সংগ্ৰহ কৰিছিল। ভাৰত ডি এল এছৰ ৭৫ স্ক’ৰৰ সমতুল্য আছিল আৰু সেয়েহে খেল্খন টাইত অন্ত পৰিছিল।
মেচখন জয় কৰিবলৈ হ’লে ভাৰতে ৯ নং অভাত ৭৫ ৰানতকৈ অধিক ৰান সংগ্ৰহ কৰাটো প্ৰয়োজন আছিল। তথাপিও দেওবাৰে মাউণ্ট মাউংগানুইত অনুষ্ঠিত দ্বিতীয় টি-২০ত ৬৫ ৰানৰ জয়লাভ কৰি ভাৰতে ১-০ত শৃংখলা জয় কৰিছিল।
৩য় টি-২০ৰ সিদ্ধান্ত ‘বেৰেষ্ট অৱ মাৰ্জিন’ত হৈছিল কাৰণ বাওঁহতীয়া স্পিনাৰ মিচেল ছাণ্টনাৰে মিছফিল্ড কৰি ৯ম অভাৰৰ অন্তিমটো বলত ভাৰতক অতিৰিক্ত এক ৰান সংগ্ৰহ কৰাত সহায় কৰিছিল, যিটো অৱশেষত ব্যয়বহুল বুলি প্ৰমাণিত হৈছিল।
মেচখনৰ অন্তিম অভাৰ হিচাপে পৰিগণিত হোৱা মিছফিল্ডৰ বিষয়ে কোৱাৰ সময়ত ছাণ্টনাৰে কয় যে বেকৱাৰ্দ পইণ্টত পিছলি যোৱাৰ সময়ত তেওঁ পৰিস্থিতিৰ বিষয়ে অৱগত নাছিল। অৱশ্যে ছাণ্টনাৰে কয় যে ডেভন কনৱে আৰু গ্লেন ফিলিপছৰ মাজত ৮০ অধিক ৰানৰ কঠিন অংশীদাৰীত্বৰ পিছত নিউজিলেণ্ডে এই ভাল বেটিং পিটছখনত ১৮০ ৰানতকৈ অধিক স্ক’ৰ কৰিলে ভাল পালেহেঁতেন।
পাৱাৰপ্লে’ত টিম চাউথী আৰু এডাম মিলনে ভাৰতক জোকাৰি যোৱাৰ পিছত চেজত হাৰ্দিক পাণ্ডিয়াই নেতৃত্ব দিয়ে। পাৱাৰপ্লে’ত চাউথীৰ বলত ভাৰতে ঋষভ পন্তক হেৰুৱাই। টি-২০ত আন এটা সুযোগ ব্যৱহাৰ কৰিব নোৱাৰিলে উইকেটকীপাৰ বেটছমেনগৰাকীয়ে। তেওঁ ৫টা বলত মাত্ৰ ১১টা ৰানহে কৰিবলৈ সক্ষম হয়।
আনহাতে, ঈশানে ১২টা বলত মাত্ৰ ১১ ৰানহে কৰিবলৈ সক্ষম হয়, পাৱাৰপ্লে’ত ভাৰতক ভাল আৰম্ভণি দিব নোৱাৰিলে।
নেপিয়াৰত ভাৰতে সূৰ্যকুমাৰ যাদৱৰ খেল উপভোগ কৰিবলৈ সক্ষম নহ’ল, কাৰণ লেগ স্পিনাৰ ঈশ সোধীয়ে প্ৰথম অভাৰত তেওঁক আউট কৰে।
অৱশ্যে অধিনায়ক হাৰ্ডিকে পিছুৱাই নগৈ মাত্ৰ ১৮টা বলত ৩টা বাউণ্ডেৰী আৰু এটা ছয়ৰ সহায়ত ৩০ ৰান সংগ্ৰহ কৰি এক আচৰিত আক্ৰমণৰ সৃষ্টি কৰে। বৰষুণ দিবলৈ আৰম্ভ কৰাত হাৰ্দিকৰ লগতে দীপক হুদাই অপৰাজিত হয়।
আনকি বিৰতিৰ ২০ মিনিট পিছত বৰষুণ বন্ধ হোৱাৰ সময়তো আম্পায়াৰসকলে সিদ্ধান্ত লয় যে আউটফিল্ডখন পুনৰ আৰম্ভ কৰাৰ বাবে উপযুক্ত নহয়, যাৰ ফলত টাই হয়।
ইয়াৰ পূৰ্বে ভাৰতৰ বেগী বলাৰ আৰ্ছদীপ সিং আৰু মহম্মদ চিৰাজে ৪টাকৈ উইকেট দখল কৰি ভাল প্ৰদৰ্শন কৰে। কেন উইলিয়ামছনৰ অনুপস্থিতিত ফিন এলেন আৰু মাৰ্ক চেপমেনে আগতীয়াকৈ বিফল হোৱাৰ পিছত ডেভন কনৱে আৰু গ্লেন ফিলিপছে পঞ্চাশকৈ কৰে।
কনৱে (৫৯) আৰু ফিলিপছে (৫৪) ৩য় উইকেটৰ বাবে ৮৬ ৰানৰ অংশীদাৰিত্বৰে এক শক্তিশালী মঞ্চ স্থাপন কৰে। কিন্তু নিউজিলেণ্ডে ইয়াৰ ওপৰত নিৰ্মাণ কৰিব নোৱাৰিলে, আৰু ১৬০ অল আউটত ঘটিল।
নিউজিলেণ্ডে মাত্ৰ ১৪ ৰানত শেষৰ ৭টা উইকেট হেৰুৱাইছিল।
২য় টি-২০ ত ২৪ ৰানত ২ উইকেট সংগ্ৰহ কৰাৰ পিছত ছিৰাজ খেলখনৰ তাৰকা হিচাপে পৰিগণিত হৈছিল কাৰণ তেওঁ ১৭ ৰানত ৪ উইকেট সংগ্ৰহ কৰিছিল।
