শ্বেহনাজ ৰহমানে কয় যে মধ্যস্থতাকাৰীৰ দায়িত্বই তেওঁক অসমৰ ভিতৰুৱা আৰু গ্ৰাম্য অঞ্চলত শিবিৰ আয়োজন কৰি সাধাৰণ লোকসকলৰ মাজত আইনী সজাগতা সৃষ্টি কৰাৰ সুযোগ প্ৰদান কৰিছে। এনে সজাগতা শিবিৰবোৰ ৰাজ্যিক আইনী সেৱা প্ৰাধিকৰণ, এক বেচৰকাৰী সংগঠনৰদ্বাৰা আয়োজন কৰা হয়।

ৰহমানে কয়, "শিক্ষাদান মোৰ আবেগ। কিয়নো ই মোক ভৱিষ্যতে দেশৰ আইন ৰক্ষা কৰিব পৰা অধিবক্তা সৃষ্টি কৰাৰ সুযোগ দিয়ে। যিয়ে মোৰ এক ইতিবাচক মানসিকতাক সহায় কৰে। যিহেতু আইন পাঠ্যক্ৰম এতিয়া পাঁচ বছৰীয়া পেছাদাৰী পাঠ্যক্ৰম। এই পাঠ্যক্ৰমত যোগদান কৰা শিক্ষাৰ্থীসকলে কেৰিয়াৰ হিচাপে আইন অনুসৰণ কৰাৰ ক্ষেত্ৰত যথেষ্ট মনোযোগী। উত্তীৰ্ণ হোৱাৰ পিছত তেওঁলোকক আইনী বৃত্তিত যোগদান কৰা দেখি মই অত্যন্ত আনন্দিত হওঁ। যেতিয়াই মই তেওঁলোকক আদালতত দেখা পাওঁ তেতিয়াই তেওঁলোক মোৰ শিক্ষাৰ্থী বুলি ক'বলৈ মই গৌৰৱবোধ কৰোঁ।"