২০২১ চনত সংখ্যালঘুৰ কল্যাণ আৰু উন্নয়ন বিভাগে গঠন কৰা উপ-সমিতিসমূহে শ শ বছৰ ধৰি অসমত বাস কৰা খিলঞ্জীয়া অসমীয়া মুছলমান সম্প্ৰদায়ৰ সাংস্কৃতিক পৰিচয়, শিক্ষা, জনসংখ্যা নিয়ন্ত্ৰণ, স্বাস্থ্যসেৱা, বিত্তীয় অন্তৰ্ভুক্তি, দক্ষতা বিকাশ আৰু মহিলা সৱলীকৰণ সন্দৰ্ভত বিস্তৃতভাৱে অধ্যয়ন কৰিছে। 

উপ সমিতিৰ প্ৰতিবেদনখনে আঙুলিয়াই দিছিল যে বিবাহৰ বয়স হৈছে নৱজাতকৰ মৃত্যু আৰু মাতৃ মৃত্যুৰ হাৰ হ্ৰাস কৰাৰ বাবে এক গুৰুত্বপূৰ্ণ সূচক। প্ৰতিবেদনত কোৱা হৈছে যে "এই দুয়োটা পৰিসংখ্যাই গুৰুত্বপূৰ্ণ যাৰ ফলত একাধিক গৰ্ভধাৰণ হোৱা দেখা যায়।"   

উপ সমিতিখনৰ আন দুটা গুৰুত্বপূৰ্ণ পৰামৰ্শ আছিল যে, সকলো মছজিদ সমিতি, ঈদগাহ সমিতি, সকলো ধৰ্মীয় প্ৰতিষ্ঠান, কবৰস্তান সমিতি আৰু ৱাকফ বোৰ্ডত মহিলাৰ বাধ্যতামূলক প্ৰতিনিধিত্ব আৰু ইয়াৰ উপাৰ্জন এই সাংস্কৃতিক কেন্দ্ৰবোৰৰ প্ৰচাৰৰ বাবে ব্যৱহাৰ।শিক্ষাৰ জৰিয়তে সৱলীকৰণ সন্দৰ্ভত উপ সমিতিয়ে কৈছিল যে সকলো চৰকাৰী বিদ্যালয়ত "অটল টিঙ্কাৰিং লেব" প্ৰতিষ্ঠা কৰা। 

উপসমিতিয়ে কৰা আন কিছুমান পৰামৰ্শ আছিল যে, মহাবিদ্যালয় শিক্ষাৰ গ্ৰহনৰ বাবে অৰ্থনৈতিকভাৱে দুৰ্বল মুছলমান মহিলাক বৃত্তি প্ৰদান কৰা। আই আই টি, আই আই এম, এন আই এফ টি, এন এল ইউ আদিৰ দৰে উৎকৃষ্টতাৰ ৰাষ্ট্ৰীয় শিক্ষা কেন্দ্ৰত শিক্ষা গ্ৰহণৰ  বাবে ৰাজ্যিক পুঁজি প্ৰদান কৰা।