নতুন দিল্লী
বৃহস্পতিবাৰে উচ্চতম ন্যায়ালয়ে মুছলমানসকলৰ মাজত প্ৰচলিত বহুবিবাহ আৰু নিকাহ-হালালাৰ সৈতে জড়িত আবেদনৰ কাৰ্য্যবিধিৰ বাবে সংবিধান বিচাৰপীঠ গঠন কৰিবলৈ সন্মত হয়।
ভাৰতৰ মুখ্য ন্যায়াধীশ ডি ৱাই চন্দ্ৰচুদৰ নেতৃত্বত এখন বিচাৰপীঠে এই বিষয়সমূহৰ সৈতে মোকাবিলা কৰিবলৈ নতুন বিচাৰপীঠ গঠন কৰিব বুলি জানিবলৈ দিয়ে। ন্যায়াধীশ ইন্দিৰা বেনাৰ্জী, হেমন্ত গুপ্তা, সূৰ্য্য কান্ত, এম এম সুন্দেশ আৰু সুধাংশু ঢুলীয়াৰ পাঁচজনীয়া বিচাৰপীঠে শুনানি গ্ৰহণ কৰি আছিল।
মুছলমানসকলৰ মাজত প্ৰচলিত বহুবিবাহ আৰু নিকাহ-হালালাক অবৈধ আৰু অসাংবিধানিক বুলি ঘোষণা কৰাৰ বাবে আদালতে এখন আবেদনৰ শুনানি গ্ৰহণ কৰি আছিল।
নিকাহ-হালালাৰ প্ৰথা অনুসৰি বিবাহ বিচ্ছেদ হোৱা মহিলাই মুছলমান ব্যক্তিগত আইন অনুসৰি প্ৰথম স্বামীক পুনৰ বিয়া কৰাবলৈ হ’লে আন কাৰোবাক বিয়া কৰাব লাগে, বিবাহ সম্পূৰ্ণ কৰিব লাগে আৰু তাৰ পিছত বিবাহ বিচ্ছেদ কৰিব লাগে।
আনহাতে বহুবিবাহ হ’ল একে সময়তে এগৰাকীতকৈ অধিক পত্নী বা স্বামী থকা প্ৰথা।