কাবুল
আফগানিস্তানৰ কাবুলৰ এটা শিক্ষা কেন্দ্ৰত শুকুৰবাৰে সংঘটিত আত্মঘাতী বিস্ফোৰণত কমেও ১৯ জন লোক নিহত হোৱাৰ লগতে ২৭ জন আহত হয়।
শিক্ষা কেন্দ্ৰটোত ছাত্ৰ-ছাত্ৰীসকলে পৰীক্ষাৰ বাবে প্ৰস্তুতি চলাই থকাৰ সময়তে আত্মঘাতী বোমাৰুজনে আক্ৰমণ কৰে।
কেন্দ্ৰটোত সংঘটিত হোৱা আক্ৰমণৰ বাবে কোনো দল বা ব্যক্তিয়ে দায়িত্ব স্বীকাৰ কৰা নাই।
এসপ্তাহ পূৰ্বে কাবুলত একেধৰণৰ বিস্ফোৰণত ৭ জন লোকৰ প্ৰাণহানি হোৱাৰ লগতে ৪১ জন লোক আহত হৈছিল।