জাকাৰ্টা
ইণ্ডোনেছিয়াৰ আৰক্ষীয়ে দেওবাৰে জনোৱা মতে, পূব জাভা প্ৰদেশত অনুষ্ঠিত ফুটবল খেল এখনত অনুৰাগীয়ে খেলপথাৰ আক্ৰমণ কৰাৰ ফলত ১২৭ জন লোকৰ মৃত্যু হোৱাৰ লগতে ১৮০ জন লোক আহত হৈছে।
পূব জাভাৰ আৰক্ষী অধীক্ষক নিকো আফিণ্টাই সাংবাদিকক জনোৱা মতে, আৰেমা এফ চি আৰু পাৰ্চেবায়া চুৰাবায়াৰ মাজত খেলখন শেষ হোৱাৰ পিছত পৰাজিত দলটোৰ সমৰ্থকসকলে খেলপথাৰখন আক্ৰমণ কৰিছিল আৰু আৰক্ষীয়ে কন্দুৱা গেছ নিক্ষেপ কৰিছিল, যাৰ ফলত হুলস্থুলৰ সৃষ্টি হৈছিল আৰু শ্বাসৰুদ্ধকৰ পৰিস্থিতি হৈছিল।
স্থানীয় বাতৰি চেনেলবোৰৰ ভিডিঅ’ ফুটেজত দেখা গৈছে যে মালাং-স্থিত ষ্টেডিয়ামটোত মানুহ খেলপথাৰত প্ৰৱেশ কৰে আৰু হাতাহাতি কৰে।
ইণ্ডোনেছিয়াৰ ফুটবল এছ’চিয়েশ্যন অৱ ইণ্ডোনেছিয়াই জনোৱা মতে, পাৰ্চেবায়াই ৩-২ গ’লত জয়লাভ কৰা মেচখনৰ পিছত এসপ্তাহৰ বাবে খেল স্থগিত ৰাখিছে আৰু তদন্ত আৰম্ভ কৰা হৈছে।
ইয়াৰ পূৰ্বে ও ইণ্ডোনেছিয়াত অনুষ্ঠিত হোৱা মেচসমূহত অশান্তিৰ প্ৰাদুৰ্ভাৱ ঘটিছিল, ক্লাবৰ মাজত প্ৰবল প্ৰতিদ্বন্দ্বিতাৰ ফলত কেতিয়াবা সমৰ্থকৰ মাজত হিংসাত্মক পৰিস্থিতিৰ সৃষ্টি হৈছিল।
