ইয়াৰোপৰি, তেওঁ ৩খন নতুন চুটি ছবিৰ কাম হাতত লৈছে। প্ৰথমখন চিনেমা কাল্পনিক চৰিত্ৰ এটাৰ ওপৰত নিৰ্মাণ কৰা হ'ব। 'টকা কাক নালাগে' শীৰ্ষক কাল্পনিক চৰিত্ৰৰ ওপৰত প্ৰস্তুত কৰা হ'ব। টকা অবিহনে মানুহৰ কি অৱস্থা হ'ব পাৰে বা টকা অবিহনে পৃথিৱীখন কেনেকুৱা হ'ব, তাৰে ওপৰত নিৰ্মাণ কৰা হ'ব। 

‘আৱাজ দ্য ভইচ’ৰ সন্মুখত আমিনুল হকে কয়; "জখলা প্ৰডাকচনে মানুহৰ অন্তৰত স্থান পাবলৈ সক্ষম হৈছে। যিসকলে মোৰ চিনেমাবোৰ চোৱা নাই তেওঁলোকৰ কথা নকওঁ। কিন্তু  যিসকলে চাইছে তেওঁলোকৰ অন্তৰ জয় কৰিবলৈ সক্ষম হোৱা বুলি মই ভাবোঁ। মোৰ শেহতীয়া চিনেমাখনকলৈ মই যিমান কল্পনা কৰিছিলোঁ, মই সেইখিনি দৰ্শকৰ পৰা পাইছোঁ। ইউটিউবত লাখ লাখ দৰ্শকে চাব বুলি মই কেতিয়াও আশা কৰা নাই বা আশা কৰাটো ভুল হ'ব। কিন্তু যিসকলে চাইছে সকলোৱে আদৰি লৈছে আৰু 'ডেউকা' শীৰ্ষক যিটো গান প্ৰস্তুত কৰিছিলোঁ, সেইটো মানুহে বহুত ভাল পাইছে। যিটো তেওঁলোকৰ অন্তৰত স্থান পাইছে জখলা প্ৰডাকচনে। চিনেমাখন আমি এতিয়ালৈ ৩ ঠাইত প্ৰদৰ্শন কৰিছোঁ। গুৱাহাটী বিশ্ববিদ্যালয়ৰ যোগাযোগ আৰু সাংবাদিকতা বিভাগটো প্ৰদৰ্শন কৰিছিলোঁ। সকলোৱাৰ আদৰি লৈছে। অহা মাহত নলবাৰী চামতাৰ কামৰূপ মহাবিদ্যালয়তো প্ৰদৰ্শন কৰা হ'ব।"