আৱাজ-দ্য ভইচ'ৰ সৈতে হোৱা এক সাক্ষাৎকাৰত দৰং জিলাৰ ছাত্ৰজনে কয়, "বৰ্তমান আমাৰ ৰাজ্যত সঘনাই চুৰি তথা ডকাইতি কাণ্ড সংঘটিত হোৱা দেখা যায়। এই অপৰাধ হ্ৰাস কৰাৰ বাবে বৰ্তমান বজাৰত অত্যাধুনিক বহু যন্ত্ৰ উপলব্ধ আছে। যিবোৰে ঘৰত চোৰ বা ডকাইত প্ৰৱেশ কৰাৰ লগে লগে এলাৰ্ম বাজি উঠে আৰু চোৰে চোৰ কৰিব এৰি পলায়ন কৰে। কিন্তু এইবোৰ যন্ত্ৰই চোৰ ধৰা পেলোৱাৰ পৰিৱৰ্তে চোৰ খেদাতহে অধিক সহায় কৰে। সেয়েহে মই ২০২২ চনত 'চোৰধৰা' এক বিশেষ যন্ত্ৰ নিৰ্মান কৰি উলিয়াইছো। 

এই সন্দৰ্ভত অভিনাশ ডেকাই কয়, "ক'ভিড মহামাৰীৰ বাবে হোৱা লকডাউনৰ পিছত যেতিয়া বিভিন্ন নীতি নিৰ্দেশনাৰ মাজেৰে আমি বিদ্যালয়লৈ যাব লগা হৈছিল তেতিয়া বিদ্যালয়ত দিঘলীয়া শাৰী পাতিবলৈ দি শিক্ষক শিক্ষয়ত্ৰীসকলে আমাক হাতে হাতে চেনিটাইজাৰ দিছিল। যাৰ বাবে আমি বহু সময়ৰ বাবে শাৰী পাতিব লগীয়া হৈছিল। সেই সময়ত মই শাৰী নপতাকৈ কেনেকৈ চেনিটাইজ ব্যৱহাৰ কৰিব পাৰি সেই বিষয়ে চিন্তা কৰিছিলো। আৰু লো-কোষ্ট স্বয়ংক্ৰিয় চেনিটাইজাৰ যন্ত্ৰটো সাজি উলিয়াইছিলো। এই যন্ত্ৰটো নিৰ্মান কৰিবলৈ মই কিছুমান পেলনীয়া কাৰ্টোন আৰু এল ডি আৰ চেন্সৰ ব্যৱহাৰ কৰিছিলো। যি চেন্সৰে যন্ত্ৰটোত হাত দিয়াৰ লগে লগে স্বয়ংক্ৰিয়ভাৱে চেনিটাইজাৰ নিৰ্গত কৰে। ইয়াৰ যন্ত্ৰটো সাজি উলিওৱাৰ বাবে মই মাত্ৰ ৬০ টকা খৰচ কৰিছিলো। এই যন্ত্ৰটোৰ বাবে মই ৰাজ্যিক পৰ্যায়ত ৰাজ্যিক পৰ্যায়ত ৪ৰ্থ পুৰষ্কাৰ লাভ কৰিবলৈ সক্ষম হৈছিলো।"