মহম্মদ ফৈজলে ভাৰতলৈ উভতি অহাৰ বাবে ২৩ ফেব্ৰুৱাৰীৰ বিমান টিকট বুক কৰিছিল। কিন্তু কমল সিঙে বিমানৰ টিকট লাভ নকৰিলে। যাৰ ফলত কমল হতাশ হৈ পৰিছিল। বন্ধুৰ মনোভাৱ দেখি ফৈজলে বিমানত নুঠাৰ সিদ্ধান্ত লৈছিল।  

মহম্মদ ফৈজলে কয় যে, "মোৰ মাতৃয়ে মোক মোৰ বিমানৰ বিষয়ে জানিবলৈ ফোন কৰিছিল। যুদ্ধ আৰম্ভ হোৱাৰ বাবে মই কীভ এৰি যাব লাগে বুলি তেওঁ মোক অনুৰোধ কৰিছিল আৰু মই তেওঁৰ অনুৰোধ স্পষ্টভাৱে অস্বীকাৰ কৰিছিলো। আমাৰ ঠিকাদাগৰাকীয়ে মোৰ বিমানৰ টিকটটো আন কোনো শিক্ষাৰ্থীক দি দিছিল। মোৰ মনলৈ এটা কথা আহিছিল যে যেতিয়া মোৰ এজন ভাল বন্ধু ইয়াত থাকিব আৰু তেন্তে মই তেওঁক বেয়া সময়ত এৰি যোৱা উচিত নহয়।"

ফৈজলৰ মাক চাইৰাই কয় যে তেওঁৰ বিমানখনত নধৰাৰ আকস্মিক সিদ্ধান্তত পৰিয়ালটো আচৰিত হৈ পৰিছিল। তেওঁ কয়, "সঁচাকৈয়ে, মই মোৰ পুত্ৰৰ সুৰক্ষাক লৈ যথেষ্ট চিন্তিত আছিলোঁ আৰু তেওঁৰ সিদ্ধান্ত সেই সময়ত সঠিক যেন লগা নাছিলন। কিন্তু যেতিয়া ফৈজালে কমলৰ বিষয়ে কৈছিল আমি ভাবিছিলো যে তেওঁ সঠিক সিদ্ধান্ত গ্ৰহণ কৰিছে। এতিয়া দুয়োটা শিশুলৈ আমাৰ আশীৰ্বাদ আছে।" 

ভাৰতত, ফৈজল আৰু কমল সিঙে চিকিৎসা মহাবিদ্যালয়ত প্ৰৱেশ কৰিবলৈ নীট (এন ই ই টি) পৰীক্ষাত দুবাৰকৈ অৱতীৰ্ণ হৈছিল। মহম্মদ ফৈজালে এবাৰ ইয়াক উত্তীৰ্ণ হৈছিল আৰু তেওঁৰ উৎকৃষ্ট নম্বৰৰ বাবে তেওঁ কেইবাখনো ব্যক্তিগত চিকিৎসা মহাবিদ্যালয়ত নামভৰ্তি কৰাৰ সুযোগো পাইছিল। কিন্তু ভাৰতৰ এখন ব্যক্তিগত চিকিৎসা মহাবিদ্যালয়ত এম বি বি এছ পাঠ্যক্ৰমৰ ব্যয় প্ৰায় ৬৫-৭০ লাখ টকা। যিটো তেওঁৰ পৰিয়ালৰ বাজেটৰ বাহিৰত আছিল।