অযোধ্যাৰ মছজিদৰ বাবে মক্কাৰ পৰা ইটা অনাৰ বাতৰি অস্বীকাৰ কৰিলে ইণ্ডো-ইছলামিক কালচাৰেল ফাউণ্ডেচনে

Story by  atv | Posted by  [email protected] • 24 d ago
প্ৰতিনিধিত্বমূলক ফটো
প্ৰতিনিধিত্বমূলক ফটো
 
লক্ষ্ণৌ (উত্তৰ প্ৰদেশ)

অযোধ্যাৰ ধনীপুৰ গাঁৱত মছজিদ নিৰ্মাণৰ বাবে ছৌদি আৰৱৰ মক্কা আৰু মদিনাৰ পৰা এডোখৰ পবিত্ৰ ইটা অনা হৈছে বুলি প্ৰকাশিত এক বাতৰি অস্বীকাৰ কৰিছে মছজিদ নিৰ্মাণৰ দায়িত্বত থকা ইণ্ডো-ইছলামিক কালচাৰেল ফাউণ্ডেচনে। 
 
উত্তৰ প্ৰদেশৰ চুন্নী কেন্দ্ৰীয় ৱাকফ ব’ৰ্ডৰ মুৰব্বী তথা ফাউণ্ডেচনৰ অধ্যক্ষ জুফাৰ ফাৰুকীয়ে কয় যে মক্কা বা মদিনাৰ পৰা অহা এনে কোনো ইটাৰ বিষয়ে আমি জ্ঞাত নহয়। উল্লেখ্য যে, অযোধ্যাৰ ধনীপুৰ প্ৰকল্প চোৱাচিতা কৰিবলৈ উত্তৰ প্ৰদেশৰ চুন্নী কেন্দ্ৰীয় ৱাকফ ব’ৰ্ডে গঠন কৰা ট্ৰাষ্ট হৈছে ভাৰত-ইছলামিক কালচাৰেল ফাউণ্ডেশ্যন।
 
মছজিদ মহম্মদ বিন আব্দুল্লাহ উন্নয়ন সমিতিৰ অধ্যক্ষ হাজী আৰাফাত শ্বেইখে অযোধ্যা জিলাৰ ধনীপুৰ গাঁৱত নতুন মছজিদৰ ভেটি স্থাপনৰ বাবে প্ৰথমটো ইটা মক্কা আৰু মদীনাৰ পৰা মুম্বাইলৈ অনা হৈছে বুলি দাবী কৰিছিল। এই দাবীৰ প্ৰতিক্ৰিয়া ব্যক্ত কৰি ইণ্ডো-ইছলামিক কালচাৰেল ফাউণ্ডেচনৰ অধ্যক্ষ ফাৰুকীয়ে এই প্ৰতিক্ৰিয়া প্ৰকাশ কৰে। 
 
ফাৰুকীয়ে আৰু কয় যে ভাৰত-ইছলামিক কালচাৰেল ফাউণ্ডেশ্যনৰ অধ্যক্ষ হিচাপে মই শ্বেইখক এই বিষয়টো স্পষ্ট কৰিবলৈ ক’ম।
 
মছজিদৰ নাম আৰু কোৰানৰ শিলালিপিৰে সজ্জিত ক’লা মাটিৰ ইটাটো অহা ১২ মাৰ্চত ৰমজান আৰম্ভ হোৱাৰ পিছত অযোধ্যাৰ সমীপৰ ধনীপুৰ গাঁৱলৈ লৈ যোৱাৰ কথা জানিবলৈ দিছে শ্বেইখে।