অনিকা মহেশ্বৰী
১৯৯১ চনৰ ২১ মে’ত মাদ্ৰাজৰ সমীপৰ শ্ৰীপেৰুম্বুদুৰ গাঁৱত ভাৰতৰ ষষ্ঠ প্ৰধানমন্ত্ৰী ৰাজীৱ গান্ধীক তামিল ইলামৰ লিবাৰেচন টাইগাৰছৰ এগৰাকী মহিলা সদস্যই হত্যা কৰে। ইয়াৰ প্ৰতিক্ৰিয়া স্বৰূপে ভি.পি. সিঙে ২১ মে’ৰ দিনটোক সন্ত্ৰাসবাদ বিৰোধী দিৱস হিচাপে ঘোষণা কৰে।
এই বিশেষ দিনটোত আমি বিশ্বৰ কিছুমান শক্তিশালী কমাণ্ডো বাহিনীৰ বিষয়ে জানো আহক।
১. ব্লেক কেট কমাণ্ডোঃ
ভাৰতীয় সংসদৰ নেশ্যনেল ছিকিউৰিটি গাৰ্ড আইনৰ অধীনত ১৯৮৬ চনত কেবিনেট সচিবালয়ৰ দ্বাৰা ব্লেক কেট কমাণ্ডো বা ব্লেক কমাণ্ডো বুলিও জনাজাত নেশ্যনেল ছিকিউৰিটি গাৰ্ড (NSG) গঠন কৰা হৈছিল। এন এছ জি সন্ত্ৰাসবাদ বিৰোধী অভিযানৰ বাবে এই বিশেষ ইউনিটটো দায়বদ্ধ। ই সম্পূৰ্ণৰূপে কেন্দ্ৰীয় সশস্ত্ৰ আৰক্ষী বাহিনীৰ পৰিকাঠামোৰ অধীনত কাম কৰে। যিকোনো বাধা অতিক্ৰম কৰাৰ ক্ষেত্ৰত নিৰ্ভীক আৰু বিজয়ী পন্থাৰ বাবে পৰিচিত এন এছ জি। ব্লেক কেট কমাণ্ডোসকল অভিজাত প্ৰশিক্ষণ আৰু ভাবুকি নিষ্ক্ৰিয় কৰাত উচ্চ সফলতাৰ হাৰৰ বাবে বিখ্যাত, যাৰ ফলত তেওঁলোক দেশৰ অন্যতম শক্তিশালী আৰু সন্মানীয় বিশেষ বাহিনী।
২. চীনৰ স্ন' লিঅ'পাৰ্ড কমাণ্ডো ইউনিটঃ
বগা কুকুৰনেচীয়া বাঘৰ দৃঢ়তা আৰু উগ্ৰতাৰ সৈতে তুলনা কৰি চীনৰ এই বিশেষ অভিযান ইউনিটটোৰ নাম ৰখা হৈছে স্নো উলফ কমাণ্ডো ইউনিট। ২০০৮ চনত বেইজিঙত অনুষ্ঠিত গ্ৰীষ্মকালীন অলিম্পিকৰ প্ৰস্তুতিৰ বাবে তেওঁলোকে পাঁচ বছৰ ধৰি সন্ত্ৰাসবাদ বিৰোধী, দাঙ্গা নিয়ন্ত্ৰণ, অপহৰণ প্ৰতিৰোধ আৰু বোমা নিষ্কাশনৰ কামৰ ওপৰত গোপন প্ৰশিক্ষণ গ্ৰহণ কৰিছিল।
৩. ইউএছ নেভী ছিলঃ
নেভি ছিলক আমেৰিকাৰ আটাইতকৈ মাৰাত্মক আৰু বিপজ্জনক কমাণ্ডো বাহিনী বুলি গণ্য কৰা হয়। SEAL দলসমূহক স্থলভাগতকৈ পানীত অধিক প্ৰশিক্ষণ দিয়া হয়, গতিকে তেওঁলোক মেৰিন বিশেষ গোট হোৱাৰ বাবে একেবাৰে উপযুক্ত। ১৯৬২ চনত নদী, মহাসাগৰ, জলাশয় আদি জলভাগৰ পৰা হোৱা আক্ৰমণৰ সৈতে মোকাবিলা কৰিবলৈ ইয়াক গঠন কৰা হৈছিল।
তেওঁলোকৰ প্ৰশিক্ষণো পৃথিৱীৰ ভিতৰতে আটাইতকৈ বিপদজনক বুলি গণ্য কৰা হয়। কোৱা হয় যে ১০০ জন সৈনিকৰ ভিতৰত ৯৫ জন সৈনিকক নেভি ছিলত যোগদান কৰাৰ আগতেই নাকচ কৰা হয়। এই বাহিনীটোৰ অতি আক্ৰমণাত্মক আৰু শাৰীৰিক ক্ষমতা আছে বুলি কোৱা হয়। আফগানিস্তানত ওছামা বিন লাডেনক হত্যা কৰাৰ বাবেও ছিল টিম-৬ বিশেষভাৱে পৰিচিত।
৪. ফ্ৰান্সৰ জিআইজিএন (The National Gendarmerie Intervention Group)
ফ্ৰান্সৰ বিশেষ বাহিনী হৈছে GIGN। ১৯৭৩ চনত বিশ্বৰ উগ্ৰ সন্ত্ৰাসবাদীৰ সৈতে মোকাবিলা কৰিবলৈ এই গোট গঠন কৰা হৈছিল। ইয়াক ফ্ৰান্সৰ শ্ৰেষ্ঠ বাহিনী বুলিও কোৱা হয়। ফ্ৰান্সৰ যিকোনো ঠাইত যেতিয়াই সন্ত্ৰাসবাদ বিৰোধী অভিযান হয় তেতিয়াই জিআইজিএন বাহিনীৰ সহায় লোৱা হয়। বৰ্তমান ই বৃহৎ পৰিসৰত সন্ত্ৰাসবাদীৰ বিৰুদ্ধে কাম কৰি আছে।
৫. ইজৰাইলী ছায়েৰেট মাটকাল, ইজৰাইলঃ
ইজৰাইলক শত্ৰুতাপূৰ্ণ দেশসমূহে আগুৰি ধৰিছে। ১৯৫৭ চনত প্ৰতিষ্ঠা হোৱা এই সংস্থাটোৱে ১৯৭২ চনত বয়িং ৭০৭ বিমান অপহৰণ কৰা ব্লেক ছেপ্টেম্বৰ সন্ত্ৰাসবাদী আৰু গাজা ষ্ট্ৰিপত ভিত্তি কৰি অন্যান্য অপহৰণকাৰীক হত্যা কৰাকে ধৰি বহুতো সন্ত্ৰাসবাদ বিৰোধী আৰু উদ্ধাৰ অভিযানৰ সৈতে জড়িত হৈ আছে।
১৯৭৬ চনত উগাণ্ডাৰ এণ্টেবে বিমানবন্দৰত ১০৬ জন যাত্ৰীক বচাবলৈ কৰা উদ্ধাৰ অভিযানৰ বাবে তেওঁ বেছিকৈ পৰিচিত। মটকাল কমাণ্ডো হিচাপে যোগ্যতা অৰ্জন কৰিবলৈ ছাইৰাট মাটকালৰ সদস্যসকলে ১ বছৰ ৮ মাহৰ বাবে কঠোৰ প্ৰশিক্ষণ ল’ব লাগিব। ২৬৯ নং ইউনিটে উচ্চ পৰ্যায়ৰ আৰু গোপন সন্ত্ৰাসবাদ বিৰোধী অভিযানত অংশগ্ৰহণ কৰে।
৬. জিআইএছঃ
ইটালীৰ বিশেষ বাহিনী জিআইএছ (The Gruppo di Intervento Speciale) ১৯৭৮ চনত ইটালীক উগ্ৰ সন্ত্ৰাসবাদীৰ পৰা ৰক্ষা কৰাৰ প্ৰধান উদ্দেশ্যেৰে প্ৰতিষ্ঠা কৰা হৈছিল। এই ইউনিটটো ইটালীৰ সামৰিক আৰক্ষীৰ অংশ আৰু ইয়াৰ নিশাস্ত্ৰৰ বাবে বিখ্যাত। জিআইএছৰ বাবে প্ৰশিক্ষণ অত্যন্ত কঠোৰ বুলি গণ্য কৰা হয়, আৰু ইউনিটটোত প্ৰায় ২০০ জন কমাণ্ডো থাকে।
৭. পোলিশ GROM (পোল্যান্ড):
পোলেণ্ডৰ বিশেষ বাহিনী হৈছে GROM, যিটো ১৯৯০ চনৰ ১৩ জুলাইত বিশেষ উদ্দেশ্যত গঠন কৰা হৈছিল। GROM মানে "থাণ্ডাৰবল্ট" যিয়ে তেওঁলোকৰ কৌশল - গতি, সঠিকতা আৰু মাৰাত্মক শক্তিৰ বৰ্ণনা কৰে। এই শক্তিৰ মূল কাম হৈছে সন্ত্ৰাসবাদীক বিচাৰি হত্যা কৰা। এই বাহিনীটোত প্ৰায় ২৭০ৰ পৰা ৩০০ সৈনিক থাকে আৰু প্ৰত্যেকেই মানসিক আৰু শাৰীৰিক স্থিৰতা পৰীক্ষাৰ লগতে "সত্য পৰীক্ষা"ৰ কঠোৰ শৃংখলা উত্তীৰ্ণ হ'ব লাগিব।
৮. ৰাছিয়ান স্পেটচনাজঃ
ৰাছিয়াৰ বিশেষ বাহিনী হৈছে স্পেটচনাজ। সু-প্ৰশিক্ষিত আলফা গ্ৰুপটো স্পেটছনাজৰ অংশ। এইটোৱেই হৈছে পৃথিৱীৰ আটাইতকৈ উচ্চ প্ৰশিক্ষণপ্ৰাপ্ত গোট। তেওঁলোকৰ প্ৰশিক্ষণক পৃথিৱীৰ আটাইতকৈ নিষ্ঠুৰ আৰু শ্ৰেষ্ঠ বুলি গণ্য কৰা হৈছে। এই আদেশবোৰ ইমানেই বিপদজনক যে অতি কঠিন পৰিস্থিতিতো ৰাছিয়াক বচাবলৈ সক্ষম। এনে বিপদজনক পৰীক্ষা ইউৰোপ আৰু আমেৰিকাত নিষিদ্ধ। এইবোৰ প্ৰত্যক্ষভাৱে নিয়ন্ত্ৰণ কৰে সামৰিক চোৰাংচোৱা গোট GRU (Spetsnaz GRU)ৰ। দ্বিতীয় বিশ্বযুদ্ধৰ সময়ত গোপন অভিযান, উদ্ধাৰ অভিযান আৰু কেইবাটাও হাই-প্ৰফাইল হত্যাকাণ্ডৰ বাবে তেওঁলোক পৰিচিত। তেওঁলোকে আলফা গ্ৰুপৰ সৈতে কিছুমান গুৰুত্বপূৰ্ণ মিছনত কাম কৰে।
৯. কানাডাৰ যৌথ টাস্ক ফ’ৰ্চ ২:
কানাডাৰ যৌথ টাস্ক ফ’ৰ্চ ২ বা জেটিএফ২ হৈছে কানাডাৰ বিশেষ অভিযান ইউনিট, যিটো নিজৰ গোপনীয়তাৰ বাবে পৰিচিত। ১৯৯৩ চনত বিশেষভাৱে কানাডাৰ সীমান্তৰ ভিতৰত আৰু বাহিৰত সন্ত্ৰাসবাদ বিৰোধী অভিযানৰ বাবে ইয়াক স্থাপন কৰা হৈছিল। জেটিএফ২ পণবন্দী উদ্ধাৰ আৰু বিশেষ গোপনীয়তাত বিশেষজ্ঞ। তুলনামূলকভাৱে কম বয়সৰ সত্ত্বেও জেটিএফ২ হাইটি আৰু আফগানিস্তানত কেইবাটাও হাই-প্ৰফাইল অভিযানত অংশগ্ৰহণ কৰিছে। ২০০১ চনত আমেৰিকাই সন্ত্ৰাসবাদৰ বিৰুদ্ধে যুদ্ধ ঘোষণা কৰাৰ পিছত আফগানিস্তানত তেওঁলোকৰ নিয়োগ ইমানেই গোপনীয় আছিল যে আনকি কানাডাৰ প্ৰধানমন্ত্ৰীও তেওঁলোকৰ উপস্থিতিৰ বিষয়ে অজ্ঞাত আছিল।
১০. ব্ৰিটেইনৰ বিশেষ বায়ু সেৱাঃ
বিশেষ বায়ু সেৱা (SAS) হৈছে ব্ৰিটেইনৰ অভিজাত বিশেষ বাহিনীৰ ইউনিট। ১৯৪১ চনত দ্বিতীয় বিশ্বযুদ্ধৰ সময়ত গঠন হোৱা ই বিশ্বৰ অন্যতম পুৰণি আৰু সন্মানীয় অভিজাত গোট। এই বাহিনীৰ সদস্যসকলে প্ৰতিটো ধৰণৰ পৰিৱেশ চম্ভালিবলৈ কঠোৰ প্ৰশিক্ষণ গ্ৰহণ কৰে।
এছ এ এছ সন্ত্ৰাসবাদী কাৰ্যকলাপৰ বিৰুদ্ধে কাম কৰে আৰু আন দেশত শত্ৰু বাহিনী ভাঙি পেলোৱাৰ বাবেও ইয়াক ব্যৱহাৰ কৰা হয়। ইয়াৰ উপৰিও ই অন্যান্য অভিজাত গোট যেনে আমেৰিকাৰ নৌসেনাৰ SEAL আৰু আমেৰিকাৰ অন্যান্য বিশেষ ইউনিটসমূহক প্ৰশিক্ষণ দিয়াৰ বাবে জনাজাত।
