ওদালগুৰি
অসমৰ দৰং জিলাৰ মঙলদৈ চহৰত দুৰ্গাপূজা চাই ঘৰলৈ উভতি অহাৰ সময়ত এখন গাড়ীয়ে ট্ৰাকত খুন্দা মৰাৰ ফলত তিনিজন যুৱকৰ মৃত্যু হয় আৰু আন তিনিজন আহত হয়। সোমবাৰে আৰক্ষীয়ে এই কথা জানিবলৈ দিয়ে।
আৰক্ষীয়ে জনোৱা মতে, প্ৰায় মাজনিশা ধূলাৰ চৰকাৰ চাৰিআলিত ১৫ নম্বৰ ৰাষ্ট্ৰীয় ঘাইপথত দুৰ্ঘটনাটো সংঘটিত হয়। চেডান গাড়ীখনে তেজপুৰ অভিমুখী এখন মালবাহী ট্ৰাকত পিছফালৰ পৰা খুন্দা মাৰে।
এগৰাকী জ্যেষ্ঠ আৰক্ষী বিষয়াই জনোৱা মতে, খাৰুপেটীয়াৰ বাসিন্দা আটাইকেইজন যুৱকে মঙলদৈ চহৰৰ পূজামণ্ডপসমূহ চাই ঘৰলৈ উভতি আহি আছিল।
গাড়ীখনত থকা দুজনৰ থিতাতে মৃত্যু হয়। আহত আন চাৰিজনক ততাতৈয়াকৈ চিকিৎসালয়লৈ নিয়া হয় যদিও তেওঁলোকৰ এজনৰ পিছত মৃত্যু হয় বুলি বিষয়াগৰাকীয়ে জনায়।
মৃত যুৱককেইজনক খাৰুপেটীয়াৰ ৭ নম্বৰ ৱাৰ্ডৰ বাসিন্দা অংকুশ দাস, প্ৰীতম দাস আৰু মিথুন সাহু বুলি চিনাক্ত কৰা হৈছে। অংকুশ আৰু প্ৰীতম একেটা পৰিয়ালৰ সদস্য আছিল বুলিও তেওঁ জানিবলৈ দিয়ে।
আহত সাগৰ সাহা, গণেশ দাস আৰু সোণাই সৰকাৰক উন্নত চিকিৎসাৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়লৈ স্থানান্তৰ কৰা হৈছে বুলি আৰক্ষী বিষয়াগৰাকীয়ে জনায়।
.webp "নৱৰাত্ৰি উপলক্ষে দেৱী শৈলপুত্ৰীক প্ৰণাম জনাই দেশবাসীক শুভেচ্ছা প্ৰধানমন্ত্ৰী মোদীৰ")
