এলাহাবাদ
বৃহস্পতিবাৰে এলাহাবাদ উচ্চ ন্যায়ালয়ে উত্তৰ প্ৰদেশৰ মথুৰাত শ্ৰীকৃষ্ণ জন্মভূমি মন্দিৰৰ গাতে লাগি থকা শ্বাহী ইদগাহ মছজিদৰ আদালতৰ নিৰীক্ষণত তিনিজনীয়া অধিবক্তা আয়ুক্তৰ দলে প্ৰাথমিক জৰীপৰ অনুমতি প্ৰদান কৰে।
১৮ ডিচেম্বৰত আদালতে শুনানি পুনৰ আৰম্ভ কৰাৰ পিছত জৰীপৰ পদ্ধতিৰ ওপৰত সিদ্ধান্ত লোৱা হ’ব।
হিন্দু পক্ষৰ অধিবক্তা বিষ্ণু শংকৰ জৈনে কয় যে "আমাৰ আবেদন, য’ত আমি এজন অধিবক্তা আয়ুক্তৰ দ্বাৰা শ্বাহী ইদগাহ মছজিদৰ জৰীপ দাবী কৰিছিলো, সেই আবেদনত এলাহাবাদ উচ্চ ন্যায়ালয়ে অনুমোদন জনাইছে।"
তেওঁ লগতে কয় যে আদালতে শ্বাহী ইদগাহ মছজিদৰ যুক্তি নাকচ কৰে।
জৈনে জোৰ দি কয় যে, "মোৰ দাবী আছিল যে শ্বাহী ইদগাহ মছজিদত হিন্দু মন্দিৰৰ বহু চিন আৰু প্ৰতীক আছে। প্ৰকৃত অৱস্থান নিৰ্ণয় কৰিবলৈ এজন অধিবক্তা আয়ুক্তৰ প্ৰয়োজন। ই আদালতৰ এক যুগান্তকাৰী ৰায়।"
ন্যায়াধীশ মায়ংক কুমাৰ জৈনে ১৬ নৱেম্বৰত এই আবেদনৰ ওপৰত এই নিৰ্দেশ সংৰক্ষণ কৰি ৰাখিছিল।
হিন্দু পক্ষই দাবী কৰা মতে, ভগৱান শ্ৰীকৃষ্ণৰ জন্মস্থানৰ ১৩.৩৭ একৰ মাটিত এটা মন্দিৰ ভাঙি মোগল সম্ৰাট ঔৰংজেবে ইদগাহ মছজিদ নিৰ্মাণ কৰিছিল। এই মূল গোচৰটো উচ্চ ন্যায়ালয়ৰ সন্মুখত বিচাৰাধীন হৈ আছে।
উচ্চ ন্যায়ালয়ত ১৭টা গোচৰ বিচাৰাধীন হৈ আছে, মূল আবেদনসমূহৰ ভিতৰত বিবাদিত মাটি -- য'ত শ্বাহী ঈদগাহ মছজিদ অৱস্থিত -- ভগৱান শ্ৰীকৃষ্ণ বিৰাজমান দেৱতাৰ নিহিত বুলি ঘোষণা কৰা হৈছে। ইয়াৰ উপৰিও তেওঁলোকে মছজিদ আঁতৰোৱাৰ নিৰ্দেশনা বিচাৰে।
