ভুৱনেশ্বৰ
যোৱা বছৰ এজন খালিস্তানী সন্ত্ৰাসবাদীক হত্যাৰ কৰাৰ অভিযোগত কানাডাৰ আৰক্ষীয়ে গ্ৰেপ্তাৰ কৰা তিনিজন ভাৰতীয়ৰ তথ্য প্ৰকাশ কৰাৰ বাবে ভাৰতে অপেক্ষা কৰিব বুলি বৈদেশিক মন্ত্ৰী এছ জয়শংকৰে শনিবাৰে প্ৰকাশ কৰিছে।
শুকুৰবাৰে কানাডা আৰক্ষীয়ে তিনিওজনৰ বিৰুদ্ধে হৰদীপ সিং নিজ্জৰ হত্যাকাণ্ডৰ অভিযোগ উত্থাপন কৰি কয় যে সন্দেহযুক্ত লোকসকলৰ ভাৰত চৰকাৰৰ সৈতে সম্পৰ্ক আছে নে নাই সেই বিষয়ে তদন্ত কৰি আছে।
জয়শংকৰে কয় যে তেওঁ গ্ৰেপ্তাৰৰ খবৰ প্ৰত্যক্ষ কৰিছে। গ্ৰেপ্তাৰ কৰা এই সন্দেহযুক্ত লোকসকল দেখাদেখিকৈ কোনো ধৰণৰ গেং পটভূমিৰ পৰা অহা ভাৰতীয়। কিন্তু আমি আৰক্ষীয়ে স্পষ্ট কৰালৈকে অপেক্ষা কৰিব লাগিব।
জয়শংকৰে কয় যে, "কিন্তু মই কোৱাৰ দৰে আমাৰ এটা চিন্তা, যিটো আমি তেওঁলোকক কৈ আহিছো, সেয়া হ’ল, আপুনি জানে যে, তেওঁলোকে ভাৰতৰ পৰা, বিশেষকৈ পঞ্জাবৰ পৰা সংগঠিত অপৰাধক কানাডাত কাম কৰিবলৈ অনুমতি দিছে।"
কানাডাত ভাৰতৰ উচ্চায়ুক্ত সঞ্জয় ভাৰ্মাই কয় যে, ধৃত ভাৰতীয় তিনিজনৰ সন্দৰ্ভত কানাডাৰ কৰ্তৃপক্ষৰ পৰা নিয়মীয়াকৈ আপডেট লাভ কৰাৰ আশা কৰিছে।
ভাৰ্মাই লগতে কয় যে, "মই বুজি পাওঁ যে কানাডাৰ সংশ্লিষ্ট আইন প্ৰয়োগকাৰী সংস্থাসমূহে কৰা তদন্তৰ ভিত্তিতে এই গ্ৰেপ্তাৰ কৰিছে। এই বিষয়টো কানাডাৰ আভ্যন্তৰীণ বিষয় আৰু সেয়েহে এই সন্দৰ্ভত আমাৰ কোনো কবলগীয়া নাই।"
আৰক্ষীয়ে জনোৱা মতে, শুকুৰবাৰে আলবাৰ্টাৰ এডমন্টন চহৰত গ্ৰেপ্তাৰ কৰা হয় এই তিনিওজন ভাৰতীয় নাগৰিক। শিখ জনসংখ্যাৰ বৃহৎ জনসংখ্যা থকা ভেংকুৱাৰৰ উপকণ্ঠ অঞ্চল ছাৰেৰ গুৰদ্বাৰাৰ বাহিৰত জুন মাহত ৪৫ বছৰীয়া নিজ্জৰক গুলীয়াই হত্যা কৰা হৈছিল।
কেইমাহমানৰ পাছত কানাডাৰ প্ৰধানমন্ত্ৰী জাষ্টিন ট্ৰুডোৱে ভাৰত চৰকাৰৰ জড়িততাৰ অভিযোগ উত্থাপন কৰি নতুন দিল্লীৰ সৈতে কূটনৈতিক সংকটৰ সৃষ্টি কৰিছে।
