গুৱাহাটী
গুৱাহাটীত ১৫ আগষ্টত আই ই ডি উদ্ধাৰ হোৱা ঘটনাৰ সন্দৰ্ভত ৰাষ্ট্ৰীয় তদন্তকাৰী সংস্থাই এক গুৰুত্বপূৰ্ণ আইনী পদক্ষেপ গ্ৰহণ কৰিছে। এই গোচৰৰ ভিত্তিত, নিষিদ্ধঘোষিত সংগঠন আলফা (স্বাধীন)ৰ সেনাধ্যক্ষ পৰেশ বৰুৱাকে ধৰি মুঠ ৫ জন অভিযুক্তৰ বিৰুদ্ধে যোৱা শুকুৰবাৰে এন আই এ-এ আনুষ্ঠানিকভাৱে অভিযোগনামা দাখিল কৰে।
প্ৰকাশিত এক চৰকাৰী বিবৃতিত জানিবলৈ দিয়া মতে, নিষিদ্ধঘোষিত সংগঠন আলফা (স্বাধীন)-ৰ অধ্যক্ষ তথা মুখ্য সেনাধ্যক্ষ পৰেশ বৰুৱাৰ বিৰুদ্ধে গুৱাহাটীস্থিত এন আই এৰ বিশেষ আদালতত এই অভিযোগনামাখন দাখিল কৰা হৈছে।
উল্লেখযোগ্য যে, ২০২৪ চনৰ ১৫ আগষ্টত গুৱাহাটী মহানগৰীত উদ্ধাৰ হোৱা আই ই ডি-ৰ ঘটনাৰ এক বিস্তৃত তদন্তৰ অন্তত ৰাষ্ট্ৰীয় তদন্তকাৰী সংস্থাটোৱে অভিযুক্তসকলৰ বিৰুদ্ধে আদালতত এই অভিযোগনামা প্ৰস্তুত কৰিছে।
.webp "নৱৰাত্ৰি উপলক্ষে দেৱী শৈলপুত্ৰীক প্ৰণাম জনাই দেশবাসীক শুভেচ্ছা প্ৰধানমন্ত্ৰী মোদীৰ")
.webp "জুবিন গাৰ্গৰ ন্যায়ৰ দাবীত দিছপুৰক সৰব হবলৈ আহ্বান গৰিমা আৰু আছুৰ")
