জম্মু-কাশ্মীৰত সন্ত্ৰাসবাদীৰে সংঘৰ্ষত শ্বহীদ হ'ল ভাৰতীয় সেনাৰ এজন জোৱান

Story by atv | Posted by [email protected] • 22 h ago

প্ৰতিনিধিত্বমূলক ফটো

নতুন দিল্লী

জম্মু-কাশ্মীৰৰ উধামপুৰ জিলাত আত্মগোপন কৰি থকা সন্ত্ৰাসবাদীৰ সৈতে নিৰাপত্তা বাহিনীৰ সংঘৰ্ষত বৃহস্পতিবাৰে এজন ভাৰতীয় জোৱান নিহত হয় বুলি সেনাই প্ৰকাশ কৰিছে। সেনাবাহিনীৰ হোৱাইট নাইট কৰ্পছৰ মতে, গুলীয়াগুলীৰ সময়ত জোৱানজন গুৰুতৰভাৱে আহত হয় আৰু পিছত তেওঁৰ মৃত্যু হয়।

"চোৰাংচোৱাৰ খবৰৰ ভিত্তিত আজি উধামপুৰৰ বসন্তগড়ত জম্মু-কাশ্মীৰ আৰক্ষীৰ সৈতে ভাৰতীয় সেনাৰ এক যৌথ অভিযান চলোৱা হয়। এই অভিযানত দুয়োপক্ষৰ মাজত তীব্ৰ গুলীচালনা হয় আৰু আমাৰ এজন সাহসিক জোৱান গুৰুতৰভাৱে আঘাতপ্ৰাপ্ত হয়। পিছলৈ তেওঁ চিকিৎসকৰ অশেষ প্ৰচেষ্টা সত্ত্বেও মৃত্যুবৰণ কৰে। সন্ত্ৰাসবাদীৰ সৈতে আমাৰ অভিযান অব্যাহত আছে।"-এক্সত এইদৰে কয় ভাৰতীয় সেনাৰ হোৱাইট নাইট কৰ্পছে।

#BreakingNews #Encounter

🔷Encounter between security forces and #terrorists in the Basantgarh area of Udhampur.

🔷One Army Jawan has been martyred.

🔷Operation is ongoing.@JmuKmrPolice @ZPHQJammu pic.twitter.com/CE77L03kmC
— DD NEWS JAMMU | डीडी न्यूज़ जम्मू (@ddnews_jammu) April 24, 2025

ইয়াৰ পূৰ্বে ভাৰতীয় নিৰাপত্তা সংস্থাই তিনিজন সন্দেহযুক্ত সন্ত্ৰাসবাদী ক্ৰমে আছিফ ফুজি, চুলেমান শ্বাহ আৰু আবু তালহাৰ স্কেচ্চ প্ৰকাশ কৰিছে, যিসকলে পেহেলগামত ২৬ জন পৰ্যটকৰ মৃত্যু হোৱা আক্ৰমণৰ আঁৰত আছে বুলি অনুমান কৰা হৈছে। পাইন হাবিৰ পৰা ওলাই আহি বৈছাৰণৰ ঘাঁহনিত পৰ্যটকৰ ওপৰত এ কে ৪৭ বন্দুকেৰে গুলীচালনা কৰা পাঁচৰ পৰা ছয়জন সন্ত্ৰাসবাদীক বিচাৰি উলিয়াবলৈ জম্মু-কাশ্মীৰত ব্যাপক অভিযান আৰম্ভ কৰা হৈছে।

ইতিমধ্যে জম্মু-কাশ্মীৰ আৰক্ষীয়ে ইয়াৰ লগত জড়িত সন্ত্ৰাসবাদীৰ ওপৰত বিশ্বাসযোগ্য তথ্য থকা যিকোনো ব্যক্তিক ২০ লাখ টকাৰ নগদ পুৰস্কাৰ ঘোষণা কৰিছে। আক্ৰমণৰ মাত্ৰ এদিন পিছতে ভাৰতে কাশ্মীৰৰ বাৰামুল্লাত দুজন সন্ত্ৰাসবাদীৰ অনুপ্ৰৱেশৰ চেষ্টা বিফল কৰে আৰু তেওঁলোকক গুলীয়াই হত্যা কৰে।