জম্মু-কাশ্মীৰৰ পুলৱামাত সেনাৰে সংঘৰ্ষত জৈছ-ই-মহম্মদৰ ৩ সন্ত্ৰাসবাদী নিহত

Story by atv | Posted by [email protected] • 5 h ago

প্ৰতিনিধিত্বমূলক ফটো

নতুন দিল্লী

জম্মু-কাশ্মীৰৰ পুলৱামা জিলাৰ ট্ৰাল অঞ্চলৰ নাদিৰ গাঁৱত বৃহস্পতিবাৰে পুৱা নিৰাপত্তাৰক্ষীৰ সৈতে হোৱা গুলীচালনাত তিনিজন অচিনাক্ত জৈছ-ই-মহম্মদ সন্ত্ৰাসবাদী নিহত হয়।

কেন্দ্ৰীয় শাসিত অঞ্চলটোত ৪৮ ঘন্টাৰ ভিতৰত এয়া দ্বিতীয়টো সংঘৰ্ষৰ ঘটনা। শ্বোপিয়ান জিলাৰ কেলাৰ অঞ্চলত নিৰাপত্তা বাহিনীয়ে তিনিজন লস্কৰ-ই-তৈবা সন্ত্ৰাসবাদীক গুলীয়াই হত্যা কৰাৰ দুদিন পিছতে আজি সেনা আৰু সন্ত্ৰাসবাদীৰ মাজত পুনৰ সংঘৰ্ষৰ সূত্ৰপাত ঘটে।

As per sources All 3 killed terrorist is belong from jaish e mohamad #BREAKING #Encounter #terrorists #Nadar #Tral #pulwama #SouthKashmir #IndianArmy #Pakistan https://t.co/XPGfABMeAn pic.twitter.com/aIt0OUS6ba
— Indian Observer (@ag_Journalist) May 15, 2025

মঙলবাৰে নিহত তিনিজন সন্ত্ৰাসবাদীৰ ভিতৰত দুজনক শ্বোপিয়ানৰ বাসিন্দা শ্বাহিদ কুট্টেই আৰু আদনান শ্বাফি বুলি চিনাক্ত কৰা হৈছে। ২০২৩ চনত লস্কৰত যোগদান কৰা কুট্টেই যোৱা বছৰৰ ৮ এপ্ৰিলত ডেনিছ ৰিজ’ৰ্টত সংঘটিত গুলীচালনাৰ কাণ্ডত জড়িত আছিল, য’ত দুজন জাৰ্মান পৰ্যটক আৰু এজন চালক আহত হৈছিল। বিগত বৰ্ষৰ মে’ মাহত শ্বোপিয়ানৰ হীৰপোৰাত বিজেপিৰ এজন সৰ্পঞ্চক হত্যাকাণ্ডৰ সৈতেও তেওঁ জড়িত আছিল বুলি সূত্ৰই প্ৰকাশ কৰিছে।

সেনাৰ সূত্ৰই লগতে কয় যে ২০২৪ চনত সন্ত্ৰাসবাদী সংগঠনটোত যোগদান কৰা শ্বাফীয়ে শ্বোপিয়ানৰ ৱাচিত এজন প্ৰব্ৰজিত শ্ৰমিকক হত্যা কৰাৰ সৈতে জড়িত আছিল। শ্বোপিয়ানত নিহত সন্ত্ৰাসবাদীৰ পৰা সেনাই আন অস্ত্ৰ-শস্ত্ৰসহ তিনিটা এ কে-৪৭ ৰাইফল উদ্ধাৰ কৰে।