নতুন দিল্লী
মঙলবাৰে হনুমান জয়ন্তী উপলক্ষে প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জ্ঞাপন কৰিছে। এক্সত কৰা এক পোষ্টত প্ৰধানমন্ত্ৰী মোদীয়ে কয়, "হনুমান জয়ন্তীৰ দিনা সমগ্ৰ দেশৰ মোৰ পৰিয়ালৰ সদস্যসকললৈ মোৰ শুভেচ্ছা জ্ঞাপন কৰিছো। পৱনপুত্ৰৰ সমৰ্পণ সকলো ৰাম ভক্তৰ বাবে সদায় প্ৰেৰণা হৈ থাকিব। তেওঁৰ আশীৰ্বাদেৰে উন্নত ভাৰতৰ সংকল্পই নতুন শক্তি লাভ কৰাটো কামনা কৰিলোঁ। জয় বজৰংগবলী।"
কেন্দ্ৰীয় গৃহমন্ত্ৰী অমিত শ্বাহে এক্সত হনুমান জয়ন্তীৰ শুভেচ্ছা জ্ঞাপন কৰিছে আৰু তেওঁ সকলোৰে জীৱনত শক্তি আৰু প্ৰজ্ঞাৰ বাবে প্ৰাৰ্থনা কৰিছে।
গৃহমন্ত্ৰী অমিত শ্বাহে পোষ্টটোত লিখিছে, " সকলোকে শ্ৰী হনুমান জন্মোৎসৱৰ শুভেচ্ছা থাকিল। বজৰংগবলীয়ে আপোনালোক সকলোকে শক্তি, প্ৰজ্ঞা, বিচক্ষণতা আৰু দীৰ্ঘায়ু প্ৰদান কৰক।"
বিজেপিৰ ৰাষ্ট্ৰীয় সভাপতি জে পি নাড্ডাই কয়, "দেশবাসীৰ সকলো ৰাইজলৈ হনুমান জয়ন্তীৰ শুভেচ্ছা জনালোঁ। পৱনপূত্ৰ হনুমানে যাতে সকলোৰে জীৱন শক্তি, প্ৰজ্ঞা আৰু জ্ঞানেৰে ভৰাই তোলে তাৰেই প্ৰাৰ্থনা জনাইছো।"
ইফালে, আজি হনুমান জয়ন্তী উপলক্ষে উত্তৰাখণ্ডৰ ঋষিকেশস্থিত পৰমৰ্থ নিকেতন ভ্ৰমণ কৰিব ৰাষ্ট্ৰপতি দ্ৰৌপদী মূৰ্মূৱে। পৰমৰ্থ নিকেতনৰ সভাপতি পূজ্য স্বামী চিদানন্দ সৰস্বতীজী আৰু পৰমৰ্থ নিকেতনৰ আন্তঃৰাষ্ট্ৰীয় সঞ্চালক পূজ্য সাধ্বী ভাগৱতী সৰস্বতীজীয়ে পৰম্পৰাগতভাৱে আদৰণি জনাব ৰাষ্ট্ৰপতি মূৰ্মূক।
ৰাষ্ট্ৰপতিগৰাকীয়ে হৰিনাম সংকীৰ্ত্তন আৰু ভজনৰ বাবে মণ্ডলীত যোগদান কৰাৰ লগতে সমগ্ৰ ভাৰত আৰু বিশ্বৰ পৰমৰ্থ গুৰুকুল ঋষিকুমাৰ আৰু তীৰ্থযাত্ৰীৰ সমান্তৰালকৈ প্ৰধানমন্ত্ৰী পূজ্য স্বামী চিদানন্দ সৰস্বতীজী আৰু পূজ্য সাধ্বী ভাগৱতী সৰস্বতীজীৰ সৈতে বিশ্ববিখ্যাত গংগা আৰতি পৰিৱেশন কৰিব।
হনুমান জয়ন্তী হৈছে ভগৱান হনুমানৰ জন্মৰ দিন আৰু হিন্দু চৈত্ৰা মাহৰ পূৰ্ণিমাৰ দিনা পালন কৰা হয়। এই উৎসৱক চৈত্ৰা পূৰ্ণীমা নামেৰেও যায়।
এই শুভ অনুষ্ঠানত সমগ্ৰ বিশ্বৰ ভক্তসকলে উপাবাস কৰি দেৱতাক পূজা আগবঢ়ায়। শংকতমোচনক সন্তুষ্ট কৰিবলৈ আৰু ভগৱান হনুমানৰ সৈতে গভীৰ সম্পৰ্ক গঢ়ি তুলিবলৈ ভক্তসকলে হনুমান মন্ত্ৰ জপ কৰে।
