মানমা (বাহৰেইন)
বিজেপি সাংসদ বৈজয়ন্ত পাণ্ডাৰ নেতৃত্বত সৰ্বদলীয় প্ৰতিনিধি দলৰ অংশ অল ইণ্ডিয়া মজলিছ-ই-ইত্তেহাদুল মুছলিমীন (AIMIM)ৰ সাংসদ আছাদুদ্দিন ওৱেইছিয়ে কয় যে, সন্ত্ৰাসবাদী সংগঠনে নিৰীহ লোকক হত্যা কৰাৰ ন্যায্যতা প্ৰদান কৰিবলৈ ধৰ্মক অপব্যৱহাৰ কৰিছে। তেওঁ কয় যে, ইছলামে সন্ত্ৰাসবাদক গৰিহণা দিয়ে আৰু কোৰাণত স্পষ্টকৈ কোৱা হৈছে যে, এজন নিৰীহ ব্যক্তিক হত্যা কৰাটো সমগ্ৰ মানৱতাক হত্যা কৰাৰ দৰেই হয়।
বাহৰেইনৰ বিশিষ্ট ব্যক্তিসকলৰ সৈতে হোৱা এক মত-বিনিময়ৰ সময়ত ওৱেইছিয়ে কয়, "এই সন্ত্ৰাসবাদী সংগঠনসমূহে ভাৰতত নিৰীহ লোকক হত্যা কৰাটো ন্যায্যতা প্ৰদান কৰিছে আৰু তেওঁলোকে প্ৰসংগৰ বাহিৰত কোৰণৰ আয়াত উদ্ধৃত কৰিছে। আমি ইয়াৰ অন্ত পেলাব লাগিব। ধৰ্মক ব্যৱহাৰ কৰি মানুহ হত্যা কৰাক ন্যায্যতা প্ৰদান কৰিছে। ইছলামে সন্ত্ৰাসবাদক গৰিহণা দিয়ে আৰু কোৰাণে স্পষ্টভাৱে উল্লেখ কৰিছে যে, এজন নিৰীহ ব্যক্তিক হত্যা কৰাটো সমগ্ৰ মানৱ জাতিক হত্যা কৰাৰ দৰেই।"
জম্মু-কাশ্মীৰৰ প্ৰাক্তন মুখ্যমন্ত্ৰী তথা গণতান্ত্ৰিক প্ৰগতিশীল আজাদ পাৰ্টিৰ অধ্যক্ষ গুলাম নবী আজাদে সন্ত্ৰাসবাদৰ বিৰুদ্ধে যুঁজিবলৈ অধিক শক্তিশালী আন্তঃৰাষ্ট্ৰীয় সমৰ্থনৰ আহ্বান জনায়। আজাদে কয়, "আমাক প্ৰতিটো আন্তঃৰাষ্ট্ৰীয় মঞ্চত আৰু OIC (Organization of Islamic Cooperation)ত সমৰ্থনৰ প্ৰয়োজন। আমি কোনো দেশক ধ্বংস কৰিব নিবিচাৰো। আমি বিচাৰো পাকিস্তানে এই সন্ত্ৰাসবাদী আন্তঃগাঁথনি ভাঙি সন্ত্ৰাসবাদীৰ বিৰুদ্ধে ব্যৱস্থা গ্ৰহণ কৰক।"
একে মত-বিনিময় অনুষ্ঠানতে বিজেপিৰ সাংসদ এছ ফাংনন কনিয়াকে কয় যে, পাকিস্তানে বিভাজনৰ পিছৰে পৰা ভাৰতৰ বিৰুদ্ধে সন্ত্ৰাসবাদী কাৰ্যকলাপ অব্যাহত ৰাখিছে। আমাৰ অনুৰোধ যদি বাহৰেইনে আগবাঢ়ি আহিব আৰু পাকিস্তানক নিজৰ কাৰ্য্যৰ দায়িত্ব গ্ৰহণ কৰিবলৈ ক’ব। ভাৰত চৰকাৰে এইবাৰ নিজৰ স্থিতিত অতি স্পষ্ট হৈ আছে। তেওঁ লগতে কয় যে, যদি ভাৰতত পুনৰ আক্ৰমণ কৰা হয়, তেন্তে ভাৰতে ইয়াৰ প্ৰতিক্ৰিয়া প্ৰকাশ কৰিব।
বিজেপিৰ সাংসদ বৈজয়ন্ত পাণ্ডাৰ নেতৃত্বত গঠিত এই প্ৰতিনিধি দলটোত নিশিকান্ত ডুবেৰ সাংসদ, বিজেপি; ফাংনন কনিয়াক, বিজেপিৰ সাংসদ; ৰেখা শৰ্মা এনজেপিৰ সাংসদ; আই আই এম আই এমৰ সাংসদ আছাদুদ্দিন ওৱাইছি; সতনম সিং সন্ধু সাংসদ; গুলাম নবী আজাদ; আৰু ৰাষ্ট্ৰদূত হৰ্ষ শ্ৰিংলা আছে।
এই প্ৰতিনিধি দলটোৱে ছৌদি আৰব, কুৱেইট, বাহৰেইন, আৰু আলজেৰিয়াৰ নেতাসকলৰ সৈতে যোগাযোগ কৰাৰ লগতে ২২ এপ্ৰিলৰ পহলগাম সন্ত্ৰাসবাদী আক্ৰমণৰ প্ৰতি ভাৰতৰ সঁহাৰি আৰু সীমা অতিক্ৰম কৰি সন্ত্ৰাসবাদৰ বিৰুদ্ধে ইয়াৰ বহল যুঁজৰ বিষয়ে আন্তঃৰাষ্ট্ৰীয় অংশীদাৰসকলক অৱগত কৰাৰ লক্ষ্য লৈছে।
এজনকৈ সাংসদৰ নেতৃত্বত সাতটা গোটৰে গঠিত এই বহুদলীয় প্ৰতিনিধি দলটোৱে বিশ্বব্যাপী ভুল তথ্য প্ৰতিহত কৰাৰ লগতে সন্ত্ৰাসবাদৰ ক্ষেত্ৰত ভাৰতৰ শূন্য সহনশীলতা নীতিক উজ্জ্বল কৰি তুলিবলৈ আৰম্ভ কৰিছে।
