বুধিয়কৰ সিদ্ধান্তঃ পাকিস্তানৰ সৈতে যুদ্ধবিৰতিৰ সিদ্ধান্তক আদৰণি জেষ্ঠ কংগ্ৰেছ নেতাৰ

Story by atv | Posted by [email protected] • 19 h ago

পি চিদাম্বৰম আৰু প্ৰধানমন্ত্ৰী মোদী

নতুন দিল্লী

উত্তেজনা চৰম সীমাত উপনীত হোৱাৰ সময়তে পাকিস্তানৰ সৈতে যুদ্ধবিৰতিৰ বুজাবুজিত উপনীত হোৱাৰ বাবে ভাৰত চৰকাৰে লোৱা সিদ্ধান্তক কংগ্ৰেছৰ জ্যেষ্ঠ নেতাসকলে সমৰ্থন জনাইছে। ইয়াক এক বুদ্ধিমান আৰু প্ৰয়োজনীয় পদক্ষেপ বুলি অভিহিত কৰি প্ৰাক্তন কেন্দ্ৰীয় মন্ত্ৰী পি চিদাম্বৰমে প্ৰধানমন্ত্ৰী মোদীক প্ৰশংসা কৰে। তেওঁ কয় যে যুদ্ধবিৰতিৰ ফলত সাধাৰণ লোকৰ প্ৰাণহানি ৰোধ কৰিব।

ইফালে, পৰিস্থিতি আৰু অধিক তীব্ৰতৰ নকৰাটো বুদ্ধিমান সিদ্ধান্ত বুলি অভিহিত কৰি কংগ্ৰেছৰ সাংসদ শশী থাৰুৰে কয় যে ভাৰতে যি শিক্ষা দিব বিচাৰিছিল সেয়া সম্পূৰ্ণ হৈছে আৰু সংঘাত দীঘলীয়া কৰাটো কেতিয়াও ভাৰতৰ উদ্দেশ্য নাছিল। চিদাম্বৰমে উল্লেখ কৰে যে প্ৰধানমন্ত্ৰী নৰেন্দ্ৰ মোদীয়ে পূৰ্ণাংগ যুদ্ধৰ বিপদৰ কথা স্বীকাৰ কৰিছে আৰু ভাৰতৰ সামৰিক প্ৰত্যুত্তৰক নিৰ্বাচিত সন্ত্ৰাসবাদী শিবিৰৰ মাজত সীমাবদ্ধ ৰখাৰ সিদ্ধান্ত লৈ বুধিয়কৰ কাম কৰিছে।

IndiaPakistanWar : कांग्रेस नेता चिदंबरम ने की PM मोदी की युद्ध नीति की प्रशंसा , बोले- भारत का जवाब बुद्धिमतापूर्ण और संतुलित! 'भारत ने जो कार्रवाई की वो बेहद सीमित और सुनियोजित थी; जिसका उद्देश्य आतंकी संगठनों के बुनियादी ढांचे को नष्ट करना था!#IndiaPakistanWar… pic.twitter.com/M0fRL0Y1wH
— प्रत्यक्षदर्शी समाचार (@pratyakshdarstv) May 11, 2025

উল্লেখ্য যে, ভাৰতীয় সেনা বাহিনীয়ে সন্ত্ৰাসবাদী আন্তঃগাঁথনি ভাঙি পেলোৱাৰ বাবে পাকিস্তানৰ চাৰিটা স্থান আৰু পিঅ'কেৰ ৫টা স্থানক লক্ষ্য কৰি ক্ষেপণাস্ত্ৰ আৰু ড্ৰোন নিক্ষেপ কৰিছিল। অসামৰিক বাসস্থান বা পাকিস্তানৰ সামৰিক সম্পত্তিত আঘাত নকৰাকৈ ভাৰতে অপাৰেচন সেন্দুৰক সফলতাৰে কাৰ্যকৰী কৰিবলৈ সক্ষম হয়।