জিকিৰৰ জনপ্ৰিয়তা নামনি অসমৰ  তুলনাত উজনি অসমত বেছি। নামনি অসমত জিকিৰ জনপ্ৰিয়তা তথা প্ৰচাৰ প্ৰসাৰৰ ক্ষেত্ৰৰ কৰিবলগীয়া কাম বিষয়ে তেওঁ কয়: "নামনি অসমৰ কিছু কিছু ঠাইত মই কৰ্মশালা কৰিছোঁ। ৰঙিয়া, মঙ্গলদৈ আৰু গুৱাহাটীত কৰ্মশালা কৰিছোঁ। নলবাৰী আৰু বৰপেটাত এই মাহতে কৰ্মশালা আয়োজন কৰিছে আৰু মোক আমন্ত্ৰণ কৰিছে। বিশেষকৈ নামনি অসমত কিছু শিল্পীয়ে জিকিৰ নিজেই লিখি আৰু সুৰ কৰি উলিয়াইছে। যাৰ ফলত জিকিৰৰ সংজ্ঞা সলনি হৈছে। আজান পীৰে যি জিকিৰ ৰচনা কৰি থৈ গৈছিল সেইসমূহে হ'ল জিকিৰ। ইয়াক নতুনকৈ লিখিব বা সুৰ কৰিব নোৱাৰে। আজান পীৰতকৈ আমি বেছি মুছলমান নহয় বা আমি তেওঁতকৈ আমি বেছি অসমীয়া নহয়। বৰগীতৰ ক্ষেত্ৰত শংকৰ সংঘই যেনেকৈ কাম কৰি আছে তেনেকুৱা ইছলামিক তেনেকুৱা কোনো সংঘ নাই। ধাৰ্মিক অনুষ্ঠান হে আছে। কিন্তু সাংস্কৃতিক ক্ষেত্ৰখনৰ তেনেকুৱা একো নাই। নামনি অসমত বিশেষকৈ কৰ্মশালা আৰু জিকিৰ সম্পৰ্কীয় অনুষ্ঠান আয়োজন কৰাৰ  প্ৰয়োজন আছে।"