"বৰ্তমান অসমত সংখ্যালঘু বৃত্তি আঁচনিয়ে অভিবাসী মুছলমান সম্প্ৰদায়ৰ শিক্ষাৰ্থীসকলক মুখ্যতঃ লাভান্বিত কৰি আছে। অসমীয়া মুছলমান সম্প্ৰদায়ৰ শিক্ষাৰ্থীসকলে খুব কমেই বৃত্তি লাভ কৰে। এনে বৈষম্য বন্ধ কৰিব লাগিব আৰু থলুৱা মুছলমান সম্প্ৰদায়ৰ মেধাৱী শিক্ষাৰ্থীসকলে বৃত্তি লাভ কৰিব লাগিব," শ্বেখ হেদায়েতুল্লাই কয়।

“বাল্য বিবাহৰ বিৰুদ্ধে প্ৰচাৰ চলাবলৈ জিলা পৰ্যায়ৰ সমিতি গঠন কৰিব পাৰে। ছোৱালীৰ অনুকূল শিক্ষাৰ প্ৰচাৰৰ বাবে বিদ্যালয়সমূহত কমেও এগৰাকী মহিলা শিক্ষক প্ৰদান কৰিলে ছোৱালীসকলক শিক্ষাৰ প্ৰতি অনুপ্ৰাণিত কৰিব। বিভিন্ন পেছাদাৰী বা বৃত্তিমূলক পাঠ্যক্ৰম আৰু বৃত্তি সম্পৰ্কীয় বিষয়বোৰৰ বিষয়ে শিক্ষাৰ্থী বা অভিভাৱকসকলৰ মাজত, বিশেষকৈ গ্ৰাম্য অঞ্চলৰ সজাগতা সৃষ্টি কৰিবলৈ জিলা পৰ্যায়ৰ হেল্পডেস্ক এটা স্থাপন কৰা উচিত।" উপ-সমিতিয়ে ইয়াৰ প্ৰতিবেদনত কয়। 

উপ-সমিতিৰ প্ৰতিবেদনসমূহ গ্ৰহণ কৰি মুখ্যমন্ত্ৰী হিমন্ত বিশ্ব শৰ্মাই দৃঢ়তাৰে উল্লেখ কৰিছিল যে তেওঁৰ চৰকাৰে ৰূপায়ণৰ বাবে সকলো পৰামৰ্শ আন্তৰিকতাৰে আৰু সূক্ষ্মভাৱে পৰীক্ষা কৰিব। যিহেতু সকলো উপ-সমিতি খিলঞ্জীয়া মুছলমান সম্প্ৰদায়ৰ বিশিষ্ট ব্যক্তি আৰু চৰকাৰী বিষয়াসকলৰ দ্বাৰা গঠন কৰা হৈছিল, সেয়েহে সম্প্ৰদায়টোৱে সামগ্ৰিকভাৱে সকলো পৰামৰ্শত সন্মত হোৱা উচিত বুলি তেওঁ আশা প্ৰকাশ কৰিছিল।