নতুন দিল্লী
২০২৪ চনৰ লোকসভা নিৰ্বাচনৰ উত্তাপৰ মাজতে নামো (NaMo) এপে ‘মোদী মিটাৰ’ নামৰ এক অনন্য বৈশিষ্ট্য মুকলি কৰিছে যাৰ জৰিয়তে ব্যৱহাৰকাৰীসকলে নিৰ্বাচনৰ বতৰত জনসাধাৰণৰ স্পন্দন জোখাৰ লগতে ভাৰ্চুৱেল অ’পিনিয়ন প’লত অংশগ্ৰহণ কৰিব পাৰিব।
প্ৰধানমন্ত্ৰী নৰেন্দ্ৰ মোদীৰ ব্যক্তিগত এপত মুকলি কৰা ইন্টাৰেক্টিভ মডিউল মোদী মিটাৰে ব্যৱহাৰকাৰীসকলক চলিত লোকসভা নিৰ্বাচনত এন ডি এৰ প্ৰদৰ্শনৰ বিষয়েও ভৱিষ্যদ্বাণী কৰিবলৈ সক্ষম কৰে।
‘মোদী মিটাৰ’ মডিউলৰ প্ৰধান লক্ষ্য হৈছে নিৰ্বাচন সন্দৰ্ভত সজাগতা বৃদ্ধি আৰু ৰাইজক ভোটদানৰ বাবে উৎসাহিত কৰা।
উল্লেখযোগ্য যে নিৰ্বাচনী সভাত প্ৰধানমন্ত্ৰী মোদীয়ে ৰাইজে উদ্ভাৱন কৰা ‘আবকি বৰ, ৪০০ পাৰ’ শ্লোগানৰ কথা সঘনাই কৈ আহিছে।
‘মোদী মিটাৰ’ৰ ধাৰণাটো সহজ অথচ শক্তিশালী। ব্যৱহাৰকাৰীসকলে ৰাষ্ট্ৰীয় পৰ্যায়ত আৰু নিজ নিজ ৰাজ্যৰ ভিতৰত এন ডি এ মিত্ৰজোঁটে কিমান আসন লাভ কৰাৰ আশা কৰে তাৰ ওপৰত নিজৰ প্ৰক্ষেপণ প্ৰকাশ কৰিব পাৰে। নিজ নিজ সমষ্টিত বিজেপিৰ প্ৰাৰ্থী জয়ী হোৱাৰ সম্ভাৱনাও ভৱিষ্যদ্বাণী কৰিব পাৰে।
NaMo এপত লগ ইন কৰা প্ৰতিজন ব্যৱহাৰকাৰীৰ বাবে, মডিউলে স্বয়ংক্ৰিয়ভাৱে তেওঁলোকৰ ৰাজ্য আৰু সমষ্টি চিনাক্ত কৰে (যিটো তেওঁলোকে পঞ্জীয়নৰ সময়ত আগতে ৰাখিছিল), যাৰ ফলত তেওঁলোকে সংখ্যাসমূহ প্ৰক্ষেপ কৰিবলৈ সক্ষম হয়।
নিজৰ ভৱিষ্যদ্বাণী জমা দিয়াৰ পিছত ব্যৱহাৰকাৰীসকলে ব্যক্তিগতকৃত কাৰ্ড লাভ কৰে য’ত লিখা থাকে ‘Your Vote Can Make It Happen’, যিখন ছ’চিয়েল মিডিয়াতো শ্বেয়াৰ কৰিব পাৰি। ইয়াৰ দ্বাৰা ভোটাৰৰ সংযোগক উৎসাহিত কৰা হয় আৰু গণতন্ত্ৰত ভোটদানৰ তাৎপৰ্য্যৰ বিষয়ে সজাগতা সৃষ্টি হয়।
মোদী মিটাৰ এই দিশত অনন্য যে ইয়াৰ দ্বাৰা তথ্যৰ দুমুখীয়া প্ৰবাহৰ সুবিধা আছে। ব্যৱহাৰকাৰীসকলে মডিউলটোৰ সৈতে যোগাযোগ কৰাৰ লগে লগে তেওঁলোকৰ ভৱিষ্যদ্বাণীসমূহ বেনামীভাৱে লিপিবদ্ধ কৰা হয় আৰু বিজেপি আৰু প্ৰধানমন্ত্ৰী মোদীৰ প্ৰতি জনসাধাৰণৰ স্পন্দন আৰু আৱেগৰ বিষয়ে অন্তৰ্দৃষ্টি প্ৰদান কৰিবলৈ ব্যৱহাৰ কৰা হয়।
ব্যৱহাৰকাৰীসকলে https://nm-4.com/modimeter2024 ৰ পৰা NaMo এপ ডাউনলোড কৰি নতুন মডিউলত জড়িত হ’ব পাৰে।
