অপাৰেচন সেন্দুৰঃ পুৱতি নিশা পাকিস্তানৰ ৯টা সন্ত্ৰাসবাদী শিবিৰত ভাৰতৰ আক্ৰমণ

Story by atv | Posted by [email protected] • 14 h ago

পাকিস্তানৰ সন্ত্ৰাসবাদী শিবিৰত ভাৰতৰ আক্ৰমণ

নতুন দিল্লী

অৱশেষত ভাৰতে পহলগাম সন্ত্ৰাসবাদী আক্ৰমণৰ প্ৰতিশোধ হিচাপে কঠোৰ সামৰিক অভিযান আৰম্ভ কৰিলে। মঙলবাৰে মাজনিশাৰে পৰা ভাৰতীয় সশস্ত্ৰ বাহিনীয়ে সমন্বিত অভিযানত বাহাৱালপুৰ, মুৰিডকে, আৰু চিয়ালকোটকে ধৰি পাকিস্তানৰ চাৰিটা আৰু পাকিস্তান অধীকৃত জম্মু-কাশ্মীৰ (PoJK)ৰ পাঁচটা সন্ত্ৰাসবাদী শিবিৰত সফলতাৰে আঘাত হানে বুলি সূত্ৰই এএনআইক জনাইছে।

ভাৰতীয় সেনা, নৌসেনা, আৰু বায়ুসেনাই শক্তিশালী অস্ত্ৰ-শস্ত্ৰৰে যৌথভাৱে এই অভিযান চলায়। ভাৰতে এই অভিযানৰ নাম ৰাখিছে 'অপাৰেচন সেন্দুৰ'। প্ৰধানমন্ত্ৰী নৰেন্দ্ৰ মোদীয়ে গোটেই নিশা অপাৰেচন সেন্দুৰৰ ওপৰত অহৰহ নিৰীক্ষণ কৰি আছিল বুলি সূত্ৰই এএনআইক নিশ্চিত কৰিছে।

➡️These steps come in the wake of the barbaric #Pahalgam terrorist attack in which 25 Indians and one Nepali citizen were murdered. We are living up to the commitment that those responsible for this attack will be held accountable.

➡️There will be detailed briefing on ‘OPERATION…
— PIB India (@PIB_India) May 7, 2025

সূত্ৰই আৰু প্ৰকাশ কৰিছে যে ৯টা লক্ষ্যতে ভাৰতীয় সেনাৰ আক্ৰমণ সফল হৈছে। ভাৰতত সন্ত্ৰাসবাদী কাৰ্যকলাপৰ পৃষ্ঠপোষকতাত জড়িত জৈছ-ই-মহম্মদ (JeM) আৰু লস্কৰ-ই-তৈবা (LeT) শীৰ্ষ নেতাসকলক লক্ষ্য কৰি ভাৰতীয় সেনা বাহিনীয়ে এই স্থানসমূহ নিৰ্বাচন কৰে।

প্ৰতিৰক্ষা মন্ত্ৰালয়ৰ এক আনুষ্ঠানিক বিবৃতিত কোৱা হৈছে যে বুধবাৰে পুৱতি নিশা ভাৰতীয় সেনাই অপাৰেচন সিন্দুৰ আৰম্ভ কৰি পাকিস্তান আৰু পাকিস্তান অধিকৃত জম্মু-কাশ্মীৰৰ সন্ত্ৰাসবাদী আন্তঃগাঁথনিত আঘাত হানে, য’ৰ পৰা ভাৰতৰ বিৰুদ্ধে সন্ত্ৰাসবাদী আক্ৰমণৰ পৰিকল্পনা আৰু নিৰ্দেশ দিয়া হয়।

#BREAKING :A little while ago, the Indian Armed Forces launched ‘OPERATION SINDOOR’, hitting terrorist infrastructure in Pakistan and Pakistan-occupied Jammu and Kashmir from where terrorist attacks against India have been planned and directed: Ministry of Defence pic.twitter.com/i0jyOdG7gl
— The Bharat Current (@thbharatcurrent) May 6, 2025

বিবৃতিটোত আৰু কোৱা হৈছে, "আমাৰ অভিযানসমূহ কেন্দ্ৰীভূত, নিখুত আৰু নন-এস্কেলেটৰী প্ৰকৃতিৰ। কোনো পাকিস্তানী সামৰিক বাহিনীক লক্ষ্য কৰি লোৱা হোৱা নাই। ভাৰতে আক্ৰমণৰ স্থান বাছনি কৰাত আৰু ইয়াক কাৰ্যকৰী কৰাৰ ক্ষেত্ৰত যথেষ্ট সংযম প্ৰদৰ্শন কৰিছে।"

মন্ত্ৰালয়ৰ মতে, পহলগামত সংঘটিত বৰ্বৰ সন্ত্ৰাসবাদী আক্ৰমণৰ প্ৰতিক্ৰিয়া হিচাপে এই আক্ৰমণ সংঘটিত কৰা হৈছে, য'ত ২৫ জন ভাৰতীয় আৰু এজন নেপালী নাগৰিক নিহত হৈছিল। চৰকাৰে দায়ীসকলক জবাবদিহি কৰিবলৈ প্ৰতিশ্ৰুতিবদ্ধ বুলি কৈছে। আক্ৰমণত ল’টাৰিং গুলীকে ধৰি তিনিওটা সেৱাৰ নিখুঁত ষ্ট্ৰাইক অস্ত্ৰ ব্যৱস্থা ব্যৱহাৰ কৰা হৈছে। চোৰাংচোৱা সংস্থাই স্থানাংক প্ৰদান কৰিছিল, আৰু সম্পূৰ্ণৰূপে ভাৰতৰ মাটিৰ পৰাই অভিযান আৰম্ভ কৰা হৈছে।