নতুন দিল্লী
প্ৰধানমন্ত্ৰী নৰেন্দ্ৰ মোদীয়ে শনিবাৰে দিল্লীৰ প্ৰগতি ময়দানত ষষ্ঠ ইণ্ডিয়া মোবাইল কংগ্ৰেছৰ শুভ উদ্বোধন কৰি ৫জি সেৱা মুকলি কৰে। ৫জি টেলিকম সেৱাসমূহে নিৰৱচ্ছিন্ন কভাৰেজ, উচ্চ ডাটা হাৰ, কম বিলম্ব আৰু অতি নিৰ্ভৰযোগ্য যোগাযোগ ব্যৱস্থা প্ৰদান কৰিব।
দেশৰ তিনিটা প্ৰধান টেলিকম অপাৰেটৰে প্ৰধানমন্ত্ৰীৰ সন্মুখত এটাকৈ কেছ-ষ্টাডি প্ৰদৰ্শন কৰি ভাৰতত ৫জি প্ৰযুক্তিৰ সম্ভাৱনাসমূহ দাঙি ধৰে।
৫জি স্পেকট্ৰামে শক্তিৰ কাৰ্যক্ষমতা আৰু নেটৱৰ্কৰ কাৰ্যক্ষমতা বৃদ্ধি কৰিব। ৫জি প্ৰযুক্তিয়ে কোটি কোটি ইণ্টাৰনেট ডিভাইচ সংযোগ কৰাত সহায় কৰিব, তীব্ৰ গতিৰে গতিশীলতাৰ সৈতে উচ্চমানৰ ভিডিঅ’ সেৱাৰ সুবিধা আগবঢ়াব। লগতে টেলিচাৰ্জাৰী আৰু অ'টোমেটিক গাড়ীৰ দৰে জটিল সেৱা প্ৰদান কৰিব।
৫জিয়ে দুৰ্যোগৰ বাস্তৱ সময়ৰ নিৰীক্ষণ, নিখুঁত কৃষি, আৰু গভীৰ খনি, সাগৰৰ পাৰৰ কাৰ্য্যকলাপ আদিৰ দৰে বিপজ্জনক ঔদ্যোগিক কামত মানুহৰ ভূমিকা হ্ৰাস কৰাত সহায় কৰিব। দেশত 5G সেৱা প্ৰৱৰ্তন কৰি প্ৰধানমন্ত্ৰী মোদীয়ে দেশৰ প্ৰযুক্তিগত অগ্ৰগতি ত্বৰান্বিত কৰিছে। এই সেৱাই দেশবাসীক নিৰৱচ্ছিন্ন নেটৱৰ্ক কভাৰেজ আৰু এক অতি নিৰ্ভৰযোগ্য যোগাযোগ ব্যৱস্থাৰ নিশ্চয়তা প্ৰদান কৰিব।
.webp "নতুন দিল্লীত ইণ্ডিয়া ম’বাইল কংগ্ৰেছ উদ্বোধন কৰি প্ৰধানমন্ত্ৰী নৰেন্দ্ৰ মোদী")
.webp)
