গুৱাহাটী
বুধবাৰে পুৱতি নিশা গুৱাহাটীৰ খ্ৰীষ্টান বস্তিত থকা শ্বোহাম এম্পোৰিঅ' শ্বপিং কমপ্লেক্সত ভয়ংকৰ অগ্নিকাণ্ড সংঘটিত। যাৰফলত শ্বপিং কমপ্লেক্সৰ গাঁথনিগত যথেষ্ট ক্ষতিসাধন হয়৷ এই ভৱনটোত এছ বি আইৰ এটা শাখাও আছে, যিটোও এই কাণ্ডত ক্ষতিগ্ৰস্ত হৈছে।
খবৰ অনুসৰি, পুৱতি নিশা প্ৰায় ২ বজাত এই অগ্নিকাণ্ড সংঘটিত হয় আৰু জৰুৰীকালীন সেৱাই ঘটনাস্থলীত উপস্থিত হোৱাৰ পূৰ্বেই জুই দ্ৰুতগতিত বিয়পি পৰে।
পুৱা প্ৰায় ৭ বজালৈকে জুই প্ৰায় নিৰ্বাপিত হৈছিল, যদিও এই কাণ্ডৰ কাৰণ এতিয়াও জানিব পৰা হোৱা নাই। বিষয়াসকলে এই অগ্নিকাণ্ডক “বিশাল” বুলি অভিহিত কৰি লক্ষ্য কৰিছে যে ইয়াক নিয়ন্ত্ৰণ কৰিবলৈ বিপুল প্ৰচেষ্টাৰ প্ৰয়োজন হৈছিল।
এই অগ্নিকাণ্ডৰ সৈতে মোকাবিলা কৰিবলৈ প্ৰায় ছখন অগ্নিনিৰ্বাপক বাহিনী নিয়োগ কৰা হৈছিল, জুই নিৰ্বাপন ৰিবলৈ প্ৰায় পাঁচ ঘণ্টা সময়ৰ প্ৰয়োজন হৈছিল।
এতিয়ালৈকে কোনো লোকৰ মৃত্যু হোৱা নাই যদিও এছ বি আই শাখাকে ধৰি কৰ্তৃপক্ষই ক্ষতিৰ বিশদ মূল্যায়ন কৰিছে। জুইৰ উৎস নিৰ্ণয়ৰ বাবে তদন্ত আৰম্ভ কৰিব বুলি আশা কৰা হৈছে।
