বেংগালুৰু
বেংগালুৰুৰ ইন্দিৰা নগৰ অঞ্চলৰ এটা চাৰ্ভিচ এপাৰ্টমেণ্টত অসমৰ এগৰাকী ভ্ল'গাৰ মায়া গগৈক মৃত অৱস্থাত উদ্ধাৰ হৈছে। আৰক্ষীৰ তথ্য অনুসৰি যোৱা ২৩ নৱেম্বৰত দুপৰীয়া প্ৰায় ১২.৩০ বজাত ভুক্তভোগী আৰু আৰাভ হাৰ্নি নামৰ এজন লোকে চাৰ্ভিচ এপাৰ্টমেণ্টত চেক ইন কৰিছিল।
যোৱা ২৫ নৱেম্বৰত মায়াৰ বুকুত একাধিকবাৰ ছুৰীৰে আঘাত কৰি হত্যা কৰিছিল আৰক্ষীৰ সন্দেহযুক্ত আৰাভে। আৰক্ষীয়ে চিচিটিভি ফুটেজৰ আধাৰত বিশ্বাস কৰে যে মংগলবাৰে পুৱালৈকে আৰাভ মৃতদেহটোৰ সৈতে ছুইট ৰুমত আছিল, আৰু তাৰ পিছত তেওঁ পলায়ন কৰে।
"আমাৰ ইন্দিৰা নগৰ আৰক্ষী থানাত এজাহাৰ পাইছিলোঁ যে আজি (মংগলবাৰে) পুৱা (এইচ এছ আৰ লেআউটত অৱস্থিত) ৰয়েল লিভিং চাৰ্ভিচ এপাৰ্টমেণ্টৰ এটা কোঠাৰ পৰা দুৰ্গন্ধ ওলাইছে। যেতিয়া আমি কোঠাটো পৰিদৰ্শন কৰিছিলো, আমি বিচনাত পৰি থকা এগৰাকী মহিলাৰ মৃতদেহ দেখিছিলো। আমি আৰক্ষী থানাত এটা হত্যাৰ গোচৰ ৰুজু কৰিছো," আৰক্ষী উপায়ুক্ত (পূব) ডি দেৱৰাজে কয়।
শীৰ্ষ বিষয়াগৰাকীয়ে কয় যে অভিযুক্তজনে লীপ স্কোলাৰ নামৰ এটা প্ৰতিষ্ঠানত ছাত্ৰ কাউন্সেলৰ হিচাপে কাম কৰে। তেওঁ লগতে কয় যে আৰক্ষীয়ে কোঠাটোত প্ৰৱেশ কৰাৰ সময়ত এখন ছুৰী পাইছিল আৰু লগতে অনলাইনত অৰ্ডাৰ কৰা নাইলনৰ ৰছী এদালো পাইছিল। দেৱৰাজে কয় যে হত্যাকাণ্ডটো আগতীয়াকৈ পৰিকল্পনা কৰা যেন লাগে বুলি আৰক্ষীয়ে জানিবলৈ দিয়ে।
আৰক্ষীয়ে সন্ধান অভিযান আৰম্ভ কৰি গোচৰৰ তদন্ত আৰম্ভ কৰিছে। আৰক্ষীৰ তথ্য অনুসৰি মায়াই কোৰমংগলাত কাম কৰিছিল।
"আমি অপৰাধৰ ঠাইতে আছো, আৰু আমি তেওঁ কাম কৰা ঠাইলৈ তেওঁৰ পৰিচয় নিশ্চিত কৰিবলৈ এটা দল পঠিয়াইছো। অভিযুক্তজন কেৰালাৰ, আৰু আমি সেই বিষয়ে অধিক তথ্য লাভ কৰিবলৈ চেষ্টা কৰিছো।" - দেৱৰাজে কয়।
ভুক্তভোগী মায়া গগৈ এগৰাকী ইউটিউব সমল সৃষ্টিকৰ্তাও আছিল। তেওঁ ফেশ্বন, খাদ্যপ্ৰত্যাহ্বান আৰু তেওঁৰ দৈনন্দিন জীৱনৰ মুহূৰ্তবোৰৰ বিষয়ে ভিডিঅ' শ্বেয়াৰ কৰি তেওঁৰ সৃষ্টিশীল কামৰ জৰিয়তে তেওঁৰ দৰ্শকৰ সৈতে সংযোগ স্থাপন কৰিছিল।
আৰক্ষীয়ে কয় যে মাত্ৰ ২০ দিন আগতে জয়নগৰৰ ব্যক্তিগত প্ৰতিষ্ঠান এটাত যোগদান কৰা মহিলাগৰাকী ছয় মাহ আগতে বেংগালুৰুলৈ আহিছিল। তেতিয়াৰ পৰা, তেওঁ তেওঁৰ ভগ্নী সৈতে হোৱাইটফিল্ড অঞ্চলৰ এটা এপাৰ্টমেণ্টত বাস কৰি আছিল।
