নতুন দিল্লী
পেহেলগাম সন্ত্ৰাসবাদী আক্ৰমণৰ পৰা পৰ্যটকৰ প্ৰাণ ৰক্ষা কৰা নায়ক চৈয়দ আদিল হুছেইন শ্বাহৰ পৰিয়ালৰলৈ সমগ্ৰ দেশৰ বিভিন্ন প্ৰান্তৰ পৰা আৰ্থিক সহায় আৰু নৈতিক সমৰ্থন প্ৰদান কৰিছে। আদিল হুছেইন শ্বাহে পৰ্যটকসকলক সন্ত্ৰাসবাদীৰ গুলীৰ পৰা ৰক্ষা কৰিবলৈ চেষ্টা কৰিছিল আৰু প্ৰতিশোধস্বৰূপে নিজেই শ্বহীদ হবলগীয়া হৈছিল।
পেহেলগামৰ পৰা বিভিন্ন গন্তব্যস্থানলৈ নিজৰ ঘোঁৰাত বহুৱাই পৰ্যটকক লৈ ঘুৰি-ফুৰি পৰিয়াল পোহ-পাল দিয়া পাহাৰী জনজাতীয় চৈয়দ আদিল হুছেইনে পাকিস্তান সমৰ্থিত সন্ত্ৰাসবাদীৰ সৈতে হতাহতিত লিপ্ত হৈছিল আৰু পিছত তেওঁক হত্যা কৰা হৈছিল। যিসকল সন্ত্ৰাসবাদীয়ে অধিকাংশ হিন্দু পৰ্যটকক কলিমা (কোৰাণৰ আৰম্ভণিৰ অনুচ্ছেদ) পঢ়িবলৈ কৈছিল।
ঘটনাস্থলীত উপস্থিত থকা আন ঘোঁৰা চালকসকলে কয় যে, আদিল হুছেইনে আনকি এজন সন্ত্ৰাসবাদীৰ পৰা বন্দুক কাঢ়ি নিবলৈও চেষ্টা কৰিছিল আৰু পিছত সেইজন সন্ত্ৰাসবাদীয়ে তেওঁৰ ডিঙিত গুলীচালনা কৰিছিল।
চৈয়দ আদিল হুছেইন শ্বাহৰ পৰিয়াললৈ ৫ লাখ টকাৰ আৰ্থিক সাহায্যৰ ঘোষণা কৰিছে মহাৰাষ্ট্ৰৰ উপ-মুখ্যমন্ত্ৰী একনাথ শিন্দে। পনি ৰাইড অপাৰেট যিয়ে পেহেলগাম সন্ত্ৰাসবাদী আক্ৰমণৰ সময়ত পৰ্যটকক সুৰক্ষা দি নিজৰ প্ৰাণ আহুতি দিয়াৰ বাবে নায়ক হিচাপে প্ৰশংসা কৰা হৈছে।
ঘোঁৰাত উঠি যাত্ৰা কৰা এজন পৰ্যটকক ৰক্ষা কৰিবলৈ চেষ্টা কৰিছিল ২০ বছৰীয়া যুৱকজনে, আনকি এজন সন্ত্ৰাসবাদীৰ পৰা বন্দুক কাঢ়ি নিয়াৰ চেষ্টাও কৰিছিল। কিন্তু দুখৰ বিষয় যে, পিছত আক্ৰমণকাৰীয়ে তেওঁক গুলীয়াই হত্যা কৰে। এক্সত এক পোষ্টত স্থানীয় ৰাইজে ভিডিঅ'ৰ জৰিয়তে তেওঁক শ্ৰদ্ধাঞ্জলি জনাইছে।
চৈয়দৰ এই সাহসী কাৰ্য্যই অন্তৰ চুই যোৱাত একনাথ শিন্দেয়েও তেওঁলোকৰ বাবে এটা ঘৰ নিৰ্মাণ কৰাৰ সিদ্ধান্ত লয়। তেওঁ পৰিয়ালটোৰ সৈতে ফোনত কথা পাতি তেওঁলোকক সহযোগিতা আগবঢ়োৱাৰ প্ৰতিশ্ৰুতি দিয়ে।
শুকুৰবাৰে শিৱসেনাৰ এজন প্ৰতিনিধিয়ে পেহেলগাম ভ্ৰমণ কৰি চৈয়দৰ পৰিয়ালক এখন চেক দিয়ে। একে সময়তে উপ-মুখ্যমন্ত্ৰী গৰাকীয়ে ভিডিঅ' কলৰ জৰিয়তে পৰিয়ালৰ সৈতে কথা পাতি তেওঁলোকক সমৰ্থন আৰু সমবেদনাও জ্ঞাপন কৰে।
পেহেলগামত পৰ্যটকক ঘোঁৰা লৈ ফুৰোৱা চৈয়দে সন্ত্ৰাসৰ সন্মুখত অসাধাৰণ সাহস আৰু মানৱীয়তা প্ৰদৰ্শন কৰিছিল, আনক ৰক্ষা কৰিবলৈ গৈ নিজৰ প্ৰাণ আঁহুতি দিছিল।
বিজেপি নেতাসকলে ঘৰলৈ গৈ তেওঁৰ পৰিয়াললৈ সমবেদনা জ্ঞাপন কৰিছে। তেওঁৰ পৰিয়ালে তেওঁলোকৰ এক মাত্ৰ উপাৰ্জনকাৰীজনক হেৰুৱাই নহয়, তেওঁৰ ত্যাগক পৰ্যাপ্তভাৱে স্বীকৃতি নিদিয়াৰ বাবেও আক্ষেপ প্ৰকাশ কৰে।
জম্মু-কাশ্মীৰৰ মুখ্যমন্ত্ৰী ওমৰ আব্দুল্লাই তেওঁৰ ঘৰত উপস্থিত হৈ তেওঁৰ অন্ত্যেষ্টিক্ৰিয়াত অংশগ্ৰহণ কৰে। আব্দুল্লাই তেওঁলোকক পৰিয়ালটোৰ যত্ন লোৱাৰ লগতে সাহসী হৃদয়ৰ শ্বাহক প্ৰাপ্য আদায় দিয়াৰ আশ্বাস দিয়ে।
