গুৱাহাটী
চেন্নাই, মুম্বাই, আৰু লক্ষ্ণৌত সফল সংস্কৰণৰ পিছত ২২ আগষ্টত গুৱাহাটীৰ কলাক্ষেত্ৰত ইষ্ট জ’ন ৰিজিঅ’নেল এবিলিম্পিক (East Zone Regional Abilympics) ২০২৫ৰ ফ্লেগ অফ কৰা হয়। এয়া হৈছে নৱেম্বৰত দিল্লীত অনুষ্ঠিত হ’বলগীয়া ৰাষ্ট্ৰীয় প্ৰতিযোগিতাৰ পূৰ্বে এবিলিম্পিক দক্ষতা প্ৰতিযোগিতাৰ দ্বিতীয় পৰ্যায়ৰ চূড়ান্ত আঞ্চলিক ইভেণ্ট।
ভাৰতীয় নেচনেল এবিলিম্পিক এছ'চিয়েচন (NAAI) ৰ উদ্যোগত তথা সাৰ্থক এডুকেচনেল ট্ৰাষ্ট, প্ৰতিবন্ধী ব্যক্তি সৱলীকৰণ বিভাগ (ডিইপিডব্লিউডি), টিপিচিডিটি, আৰু ইণ্ডুছইণ্ড বেংকৰ সহযোগত আয়োজিত প্ৰতিযোগিতাখনত অসম, অৰুণাচল প্ৰদেশ, মেঘালয়, মণিপুৰ, নাগালেণ্ড, ত্ৰিপুৰা, মিজোৰাম, ছিকিম, পশ্চিম বংগ, বিহাৰ, ঝাৰখণ্ড, আৰু ওড়িশাৰ ১০০ৰো অধিক খেলুৱৈয়ে অংশগ্ৰহণ কৰিছে।
অংশগ্ৰহণকাৰীসকলে ফটোগ্ৰাফী, পেইন্টিং এণ্ড ডেকোৰেচন, ক্ৰ'চেট, ইঞ্জিনিয়াৰিং ডিজাইন, হেয়াৰড্ৰেছিং, মালিচ, আৰু বেকাৰী এণ্ড পেটিচেৰীকে ধৰি বহুতো বৃত্তিমূলক দক্ষতাৰ প্ৰতিযোগিতাত অংশগ্ৰহণ কৰে।
গুৱাহাটীৰ পৰা বিজয়ীসকলে দিল্লীত অনুষ্ঠিত হ’বলগীয়া ৰাষ্ট্ৰীয় এবিলিম্পিক (নৱেম্বৰ ২০২৫)ৰ বাবে যোগ্যতা অৰ্জন কৰিব। ৰাষ্ট্ৰীয় প্ৰতিযোগিতাখনৰ পৰা ফিনলেণ্ডত অনুষ্ঠিত হ’বলগীয়া ১১ সংখ্যক আন্তঃৰাষ্ট্ৰীয় এবিলিম্পিক (২০২৭)লৈ ভাৰতীয় দল বাচনি কৰা হ’ব।
