ছাকিব ছেলিম
২০১০ৰ দশকটোৱে দুটা দশকৰো অধিক সময়ৰ মিত্ৰজোঁটৰ ৰাজনীতি, ইণ্টাৰনেট আৰু ছ’চিয়েল মিডিয়াৰ উত্থান আৰু কেইবাটাও অৰ্থনৈতিক সংস্কাৰৰ পিছত ৰাজনৈতিকভাৱে সুস্থিৰ চৰকাৰৰ সাক্ষী হৈ পৰিছিল।
এই দশকৰ যুৱ প্ৰজন্মই কেইবাজনো লোকক নিজৰ আদৰ্শ হিচাপে আঁকোৱালি লৈছে আৰু ইয়াৰে শীৰ্ষ পাঁচজন ব্যক্তিৰ বিষয়ে এই লেখাত আলোচনা কৰা হ'ব।
হানী সিং: হানী সিং নতুন সহস্ৰাব্দৰ এনে এজন ব্যক্তি, যিয়ে ভাৰতীয় দৰ্শকৰ সংগীত শুনাৰ ধৰণ সলনি কৰিছে। প্ৰথম অৱস্থাত গীতৰ কথা আৰু ৰেপৰ বিষয়বস্তুৰ বাবে বিশ্লেষকসকলে তেওঁক উপহাস আৰু সমালোচনা কৰিছিল যদিও হানী সিঙে ২০১০ চনত এগৰাকী ট্ৰেণ্ড ছেটাৰ হিচাপে প্ৰমাণিত হয়। মৃদু অথবা চুফী সংগীত শুনি ভাল পোৱা ভাৰতীয়সকলক তেওঁ ৰেপ সংগীতৰ নতুন সোৱাদ দিয়ে।
সংগীতৰ এক অনুষ্ঠানত হানী সিং
তেওঁ লিখা, সুৰ কৰা আৰু গোৱা গীতবোৰে যুৱক-যুৱতীসকলৰ হৃদয় চুই গৈছে, আৰু এইবোৰ শুনি তেওঁলোকে হুকআপ, ব্ৰেকআপ আৰু পাৰ্টিৰ নতুন সংস্কৃতিৰ কথাবোৰ আলোচনা কৰিবলৈ আৰম্ভ কৰে। বাদছাহৰ দৰে আন কেইবাজনো লোকে তেওঁৰ খোজ অনুসৰণ কৰিলে।
ভাৰতত ৰেপ সংগীত এটা চৰ্চাৰ বিষয় হৈ পৰিল। ৰাজনৈতিক দলসমূহেও প্ৰচাৰৰ বাবে ৰেপ সংগীত মুকলি কৰে। বিজ্ঞাপন, চিনেমা, দলিত আন্দোলন আদিয়ে জনসাধাৰণৰ মাজলৈ যাবলৈ ৰেপ সংগীত ৰচনা কৰিবলৈ আৰম্ভ কৰিছে। হানী সিঙে ভাৰতীয় সংগীত জগতখন সম্পূৰ্ণৰূপে সলনি কৰি এক নতুন যুগৰ সূচনা কৰিলে।
স্মৃতি ইৰাণীঃ স্মৃতি ইৰাণী হৈছে এগৰাকী বিৰল ৰাজনীতিবিদ যিয়ে কম বয়সতে সফলতাৰ সোৱাদ লাভ কৰিছে। ২০১৪ চনত নৰেন্দ্ৰ মোদীৰ নেতৃত্বত কেন্দ্ৰীয় মন্ত্ৰীসভাৰ কনিষ্ঠতম মন্ত্ৰী হিচাপে নিযুক্তি লাভ কৰি মানৱ সম্পদ উন্নয়ন দপ্তৰ দখল কৰা তেওঁ হৈছে প্ৰথমগৰাকী মহিলা।
প্ৰধানমন্ত্ৰী নৰেন্দ্ৰ মোদীৰ সৈতে স্মৃতি ইৰাণী
প্ৰাক্তন টিভি অভিনেত্ৰী আৰু মডেলগৰাকীৰ ৰাজনৈতিক উত্থান অতি দ্ৰুত। ৰাজ্যসভালৈ মনোনীত হৈ তেওঁ ২০১০ চনত বিজেপিৰ মহিলা শাখাৰ সভানেত্ৰী হয়। মুখ্য বিৰোধী নেতা ৰাহুল গান্ধীক প্ৰত্যক্ষভাৱে প্ৰত্যাহ্বান জনোৱা স্পষ্টবাদী, সফল আৰু কঠোৰ পৰিশ্ৰমী হিচাপে তেওঁৰ এক সুকীয়া পৰিচয় আছে।
স্মৃতি ইৰাণীয়ে কেবিনেট মন্ত্ৰী হিচাপে ১০ বছৰত তথ্য আৰু সম্প্ৰচাৰ, মহিলা আৰু শিশু উন্নয়ন, বস্ত্ৰশিল্প আৰু সংখ্যালঘু পৰিক্ৰমাৰ দৰে গুৰুত্বপূৰ্ণ দপ্তৰসমূহ লাভ কৰিবলৈ সক্ষম হয়। তেওঁ এখন যুৱ ভাৰতৰ সমৰ্থন কৰে। সাধাৰণতে ৰাজনৈতিক নেতাসকল দুৰ্নীতিক লৈ সমালোচনাৰ সন্মুখীন হয়, কিন্তু স্মৃতি ইৰাণীয়ে ৰাজনৈতিক বিৰোধীৰ প্ৰতি নিৰ্দয় হোৱাৰ বাবেহে সময়ে সময়ে কঠোৰ সমালোচনাৰ সন্মুখীন হৈছে।
মহেন্দ্ৰ সিং ধোনীঃ আপুনি কিমানজন খেলুৱৈক চিনি পায়, যাক লৈ বলীউদত বায়’পিক প্ৰস্তুত কৰা হৈছে ? ভাৰতত এই সন্মান লাভ কৰিছে কেপ্তেইন কুল মহেন্দ্ৰ সিং ধোনীয়ে। তেওঁ ভাৰতক টি-২০ বিশ্বকাপ আৰু আইচিচি চেম্পিয়নছ ট্ৰফীৰ লগতে ২০১১ চনত এদিনীয়া বিশ্বকাপৰ খিতাপ উপহাৰ দি কিংবদন্তীত পৰিণত হৈছে।
২০১১ চনৰ বিশ্বকাপৰ ট্ৰফীৰ সৈতে মহেন্দ্ৰ সিং ধোনী
২০১০ চনৰ ভিতৰত ধোনীয়ে ভাৰতীয় ক্ৰিকেটত চলি থকা দুটা ধাৰণা ভংগ কৰিছিল। সেয়া হৈছে--ভাৰতীয় উইকেটকীপাৰ বেটিঙত ভাল নহয়, আৰু ভাৰত শ্ৰেষ্ঠ ক্ৰিকেট দল হ’ব নোৱাৰে।
ধোনীয়ে চকমপ্ৰদ খেলেৰে ভাৰতীয় ক্ৰিকেট দলটোক বিশ্বশ্ৰেষ্ঠ দললৈ ৰূপান্তৰিত কৰাৰ লগতে এগৰাকী বিশ্বশ্ৰেষ্ঠ উইকেটৰক্ষক হিচাপে ইতিহাস ৰচে। তেওঁৰ নেতৃত্বত ভাৰতীয় দলটো ইমানেই আত্মবিশ্বাসী হয় যে ভাৰতীয়সকলে এতিয়া বিশ্বৰ যিকোনো প্ৰান্তত গৈ যিকোনো প্ৰতিপক্ষক হৰুৱাই আহিব পাৰে।
ছাইনা নেহৱালঃ বেডমিণ্টনক ভাৰতীয় মহিলাসকলৰ মাজত জনপ্ৰিয় কৰি তোলাত ছাইনা নেহৱালে মুখ্য ভূমিকা গ্ৰহণ কৰিছে। প্ৰকাশ পাডুকন আৰু পুল্লেলা গোপিচান্দৰ ঐতিহাসিক সফলতাৰ পিছত ছাইনাই ভাৰতীয় বেডমিণ্টনক আন্তঃৰাষ্ট্ৰীয় স্তৰলৈ লৈ গৈছে।
ছাইনা নেহৱাল
২০১২ চনত অলিম্পিকৰ পদক লাভ কৰি ২০১৫ চনত বিশ্বৰ শীৰ্ষ স্থানলৈ উন্নীত হোৱা ছাইনা হৈছে প্ৰথম ভাৰতীয় মহিলা আৰু প্ৰকাশ পাডুকনৰ পিছত মাত্ৰ দ্বিতীয়গৰাকী ভাৰতীয় শ্বাটলাৰ। ভাৰতীয় মহিলা ক্ৰীড়াবিদৰ ভিতৰত ছানিয়া মিৰ্জাৰ পিছতে ছাইনাৰ উত্থান দ্বিতীয় স্থানত আছিল। তেওঁক বিভিন্ন সামগ্ৰীৰ বিজ্ঞাপনতো দেখিবলৈ পোৱা যায়।
নীৰজ চোপ্ৰাঃ ভাৰতত ল’ৰা-ছোৱালীয়ে ক্ৰিকেটক সাধাৰণে ধৰ্ম বুলি অনুসৰণ কৰে। তাৰ মাজতো একাংশই ফুটবল, টেনিছ আৰু বেডমিণ্টনৰ প্ৰতি আকৰ্ষিত হয়। ভাৰতত যুৱ প্ৰজন্মই কমকৈ অনুসৰণ কৰা খেলসমূহৰ ভিতৰত অন্যতম হৈছে জেভেলিন থ্ৰ’।
নীৰজ চোপ্ৰা
কিন্তু ২০১০ৰ দশকত নীৰজ চোপ্ৰা নামৰ এজন উদীয়মান যুৱকে এই দৃশ্যপট সলনি কৰিছিল। কম বয়সৰ এই যুৱকজনে অলিম্পিকত এটা স্বৰ্ণ (ভাৰতৰ বাবে অলিম্পিকত মাত্ৰ দ্বিতীয়টো ব্যক্তিগত স্বৰ্ণ), এটা ৰূপকে ধৰি কেইবাটাও আন্তঃৰাষ্ট্ৰীয় পদক লাভ কৰি সমগ্ৰ বিশ্বৰ সন্মুখত ভাৰতীয় ক্ৰীড়াৰ মান-মৰ্যদা আৰু গৰিমা বৃদ্ধি কৰিছে।
তেওঁৰ এই চমকপ্ৰদ উত্থানৰ পিছৰে পৰা ভাৰতীয় ক্ৰীড়া অনুৰাগীয়ে ট্ৰেক এণ্ড ফিল্ড ইভেণ্টৰ ফলাফল অনুসৰণ কৰিবলৈ আৰম্ভ কৰে। পাকিস্তানী প্ৰতিদ্বন্দ্বী আৰ্ছাদ নাদীমৰ সৈতে চোপ্ৰাৰ খেলপথাৰৰ প্ৰতিযোগিতাই ১৯৮০ আৰু নব্বৈৰ দশকৰ ভাৰত-পাক ক্ৰিকেট প্ৰতিদ্বন্দ্বিতাক স্পৰ্শ কৰিছে। তেতিয়াৰ পৰাই তেওঁৰ নামেৰে নামাকৰণ কৰা এখন আন্তঃৰাষ্ট্ৰীয় প্ৰতিযোগিতা চলি আহিছে, যাৰ নাম হৈছে নীৰজ চোপ্ৰা ক্লাছিকছ।
.webp "ছহৰ হাছমী")
