আছফাক কয়ামখানী / নুৱা
আজিৰ নাৰীসকল পুৰুষতকৈ কোনো গুনেই কম নহয়। পুৰুষে কৰা সকলো কামে নাৰীয়ে কৰিব পাৰে। ভাৰতীয় সেনাবাহিনীৰ উচ্চ পদলৈ পদোন্নতি লাভ কৰি এই কথা প্ৰমাণ কৰিলে এগৰাকী মুছলমান মহিলাই। ভাৰতীয় সেনাবাহিনীত এনে পদত অধিষ্ঠিত হোৱা প্ৰথমগৰাকী মুছলমান মহিলা হিচাপে পৰিগণিত হৈছে কৰ্ণেল ইছৰাত আহমেদ।
বৃহস্পতিবাৰে মীৰুটত অৰ্ডানেন্স আৰ্মি ইউনিটৰ সেনাধ্যক্ষৰ দায়িত্ব গ্ৰহণ কৰে ইছৰাতে। কৰ্ণেল ইছৰাত কয়ামখানী মুছলমান সম্প্ৰদায়ৰ এগৰাকী যুৱতী। যিয়ে উচ্চ শিক্ষাৰ স্তৰ আৰু সামৰিক, প্ৰশাসন আৰু আৰক্ষী সেৱা তেওঁলোকৰ প্ৰথম পছন্দৰ কেৰিয়াৰ হিচাপে গৌৰৱ কৰে।
কৰ্ণেল ইছৰাতৰ এটা পুৰণি নিউজ ক্লিপিং
কৰ্ণেল ইছৰাতে জন্মগ্ৰহণ কৰে ৰাজস্থানৰ ঝুনঝুনু জিলাৰ নুৱা গাঁৱৰ এটা সম্ভ্ৰান্ত পৰিয়ালত। যদিও ভাৰতীয় সেনাই যিকোনো বিষয়াৰ ধৰ্ম প্ৰতিফলিত নকৰে, তথাপিও কয়ামখানী সমাজে ইছৰাতৰ নিযুক্তিৰ খবৰ ছ’চিয়েল মিডিয়াত প্ৰকাশ কৰি তেওঁলোকৰ সমাজৰ এগৰাকী মহিলাই শীৰ্ষস্থানত উপনীত হোৱাৰ বাবে গৌৰৱ অনুভৱ কৰে।
কৰ্ণেল ইছৰাত কৰ্ণেল জাকি আহমেদৰ কন্যা আৰু ব্ৰিগেডিয়াৰ ছাকিব হুছেইনৰ ভগ্নী। আই জি পি লিয়াকত আলী খানো তেওঁলোকৰে পৰিয়ালৰ।
কৰ্ণেল ইছৰাতৰ পৰিয়ালত ৰাজ্য প্ৰশাসনৰ শীৰ্ষ পদবীত বহু চৰকাৰী কৰ্মচাৰী আছে, যাক লৈ তেওঁলোকে গৌৰৱ কৰে।
কৰ্ণেল ইছৰাতৰ এই কৃতিত্বক লৈ সুখ প্ৰকাশ কৰি কামখায়ানী বিদ্ৰীয়ে কয় যে, "আমাৰ সমাজখনেও এনে এটা পৰিয়ালক লৈ গৌৰৱ অনুভৱ কৰে।" এই পৰিয়ালটোৱে তেওঁলোকৰ সন্তানৰ উন্নতিৰ ক্ষেত্ৰতো সহায়ক হ’ব বুলি কামখায়ানী সমাজখনে আশা প্ৰকাশ কৰে।
