আৱাজ-দ্য ভইচ ব্যুৰো
বঙালী সমাজত পাণ্ডিত্য, সাহিত্য আৰু বিতৰ্কৰ এক শক্তিশালী পৰম্পৰা বিৰাজমান হৈ আছে। সংগীত, কবিতা, চিনেমা, ভ্ৰাম্যমাণ, চিত্ৰকলা আৰু সমাজসেৱা আদি প্ৰত্যেক ক্ষেত্ৰতে তেওঁলোকে নিজৰ এক সুকীয়া পৰিচয় ধৰি ৰাখিছে।
তেওঁলোকৰ এই উচ্চ মূল্যবোধৰ শৃংখলাত আজিৰ সময়ত মুছলমান সমাজৰ পৰা অহা কেইগৰাকীমান চেঞ্জমেকাৰ (পৰিৱৰ্তনকাৰী)এ নিজৰ স্বতন্ত্র অৱদান যোগ কৰি সমাজলৈ অৰিহণা যোগাই সমাজখনক সমৃদ্ধ কৰি তুলিছে। আজি আমি তেনে কেইগৰাকীমান পৰিৱৰ্তনকামী মুছলমান ব্যক্তিত্বৰ বিষয়ে জানো আহক।
হালিমা খাতুন
হালিমা খাতুন
পিছপৰা সম্প্ৰদায়ৰ বিশেষকৈ মহিলাসকলক উন্নীত কৰাৰ বাবে নিজৰ জীৱনক উৎসৰ্গা কৰিছে হালিমা খাতুনে। প্ৰতিকূলতাৰ মাজতো নিজকে প্ৰতিষ্ঠা কৰিবলৈ সংগ্ৰাম কৰা মহিলাসকলৰ বাবে তেওঁ এগৰাকী পথপ্ৰদৰ্শক। তেওঁৰ প্ৰথম উল্লেখযোগ্য পদক্ষেপটো আছিল সুন্দৰবনৰ মাছমৰীয়া সম্প্ৰদায়ৰ মহিলাসকলৰ সৈতে, তেওঁলোকৰ কাষত থিয় হৈ, তেওঁলোকৰ সমস্যাসমূহৰ সমাধান কৰা আৰু তেওঁলোকৰ সংগ্ৰামক ধাৰাবাহিকভাৱে সমৰ্থন কৰা।
হালিমা খাতুনৰ সংস্থাই ৭০০ৰো অধিক বিড়ি কৰ্মীক চৰকাৰী পৰিচয় পত্ৰ লাভ কৰাত সহায় কৰিছে। বহু পৰিয়ালে জীয়াই থকাৰ আশাত সৰু ছোৱালীক বিয়া দিয়াৰ পক্ষপাতিত্ব কৰি আছিল। যিটো প্ৰথাক হালিমাই প্ৰতিৰোধ কৰাৰ বাবে যুঁজ দিছিল। হালিমাই তেওঁৰ নিৰ্ভীক হস্তক্ষেপৰ বাবে আজিও পৰিচিত। তেখেতে আৰক্ষীৰ সহায়ত বহু বাল্যবিবাহ সফলতাৰে বন্ধ কৰিবলৈ সক্ষম হৈছে আৰু তেওঁ এজন নিৰ্ভীক ব্যক্তিত্ব 'ডাবাং'ৰ সৈতে তুলনা লাভ কৰিছে।
ছাত্তাৰ মাষ্টৰ
ছাত্তাৰ মাষ্টৰ
আব্দুছ ছাত্তাৰে নিজৰ জীৱনৰ সৰহভাগ সময় শিক্ষাৰ কামত উৎসৰ্গা কৰিছে। ঝালংগী ব্লকৰ নিবাসী আব্দুছ ছাত্তাৰক সমগ্ৰ শান্তিপুৰ, ডমকাল, ইছলামপুৰ আৰু ইয়াৰ আশে-পাশে থকা অঞ্চলত লোকসকলে মৰমেৰে'ছাত্তাৰ মাষ্টৰ' বুলি জানে। আনৰ কল্যাণৰ প্ৰতি থকা সীমাহীন মৰম আৰু সমৰ্পণৰ বাবেই আব্দুছ ছাত্তাৰ এজন শ্ৰদ্ধাৰ ব্যক্তিত্বত পৰিণত হৈছে।
ইমৰাণ নাহাৰ
হুগলী জিলাৰ পাণ্ডুৱাৰ ইমৰাণ নাহাৰে হেৰাই যোৱা লোককথাৰ এক ভঁৰাল সংৰক্ষিত কৰি ৰাখিছে। বছৰ বছৰ ধৰি তেওঁ বিভিন্ন উৎসৰ পৰা পাঁচশৰো অধিক সাধুকথা নথিভুক্ত কৰি ৰাখিছে। আধুনিক, উদাসীন সমাজৰ সন্মুখত গ্ৰাম্য বংগৰ পৰা শতিকা পুৰণি ফকৰা আৰু মৌখিক পৰম্পৰা নোহোৱা হৈ গৈছে।
ইমৰাণ নাহাৰ
কিছুমান লোককথাই ব্যাকৰণৰ কিতাপত স্থান লাভ কৰিছিল, যদিও ইয়াৰ অধিকাংশই কেৱল কথিত পৰম্পৰাৰ জৰিয়তেহে জীয়াই আছিল। নাহাৰে বহু কষ্টৰে তিনি হাজাৰৰো অধিক প্ৰায় পাহৰণিৰ গৰ্ভত হেৰাই যোৱা বাংলা সাধুকথা উদ্ধাৰ কৰি সাংস্কৃতিক স্মৃতিৰ সৈতে এক গুৰুত্বপূৰ্ণ সংযোগক পুনৰ সজীৱ কৰি তুলিছে।
হাফিজুৰ ৰহমান
হাফিজুৰ ৰহমানে মানৱসেৱাৰ উজ্জ্বল নিদৰ্শন দাঙি ধৰিছে। তেওঁৰ সংগঠনৰ জৰিয়তে হিন্দু আৰু মুছলমান উভয় সম্প্ৰদায়ৰ ছোৱালীয়ে স্বাৱলম্বী হোৱাৰ প্ৰশিক্ষণ লাভ কৰিছে। তেওঁৰ নিৰ্দেশনাত দৰিদ্ৰ ছোৱালীক চিলাই মেচিনৰ ব্যৱস্থা কৰা হৈছে, যাৰ ফলত আন্তঃধৰ্মীয় সম্প্ৰীতি আৰু সবলীকৰণৰ পোষকতা কৰা হৈছে। তথাপিও ৰহমানৰ কাম ইয়াতেই স্তব্ধ হৈ থকা নাছিল।
হাফিজুৰ ৰহমান
মাহৰ প্ৰতিটো শেষ দেওবাৰে তেওঁৰ সংস্থাই চিকিৎসকক আতিথ্য প্ৰদান কৰি আহিছে, যাতে ৰোগীসকলক বিনামূলীয়াকৈ চিকিৎসা পৰীক্ষা, চকুৰ পৰীক্ষা আৰু প্ৰয়োজনীয় ঔষধ যোগান ধৰিব পৰা যায়। তেওঁ মানুহক স্থানীয় নিয়োগ পদক্ষেপৰ সুবিধাও প্ৰদান কৰি আহিছে, যাতে মানুহে ঘৰৰ পৰা দূৰলৈ কম মজুৰিৰ কাম বিচাৰি যাবলগীয়া নহয় আৰু যিয়ে সমাজৰ বাবে বহনক্ষম জীৱিকা নিশ্চিত কৰে।
শ্বেখ বাহাৰুল ইছলাম
সজাগ মঞ্চৰ প্ৰতিষ্ঠাপক তথা বৰ্তমানৰ সম্পাদক শ্বেইখ বাহাৰুল ইছলামৰ মতে, সংগঠনটোৱে বছৰ বছৰ ধৰি বহু গুৰুত্বপূৰ্ণ কাম কৰি আহিছে। সজাগ মঞ্চৰ সম্পৰ্কে সোধাত তেওঁ বুজাই দিয়ে যে, "সজাগ মঞ্চ প্ৰতিষ্ঠা কৰা হৈছিল, যাতে আমি সৰুকৈ হ’লেও আৰ্তজনক সহায় কৰিবলৈ আগবাঢ়ি যাব পাৰো।"
শ্বেখ বাহাৰুল ইছলাম
ইছলামে লগতে কয়, "বেছিভাগ বেচৰকাৰী সংস্থাই নিজৰ অস্তিত্ব ৰক্ষা কৰাত মনোনিৱেশ কৰি আহিছে, কিন্তু আমি ইয়াৰ বিপৰীতে এক ব্যতিক্ৰমী পথ বাছি লৈছিলো। আমি শিক্ষত্ৰ ক্ষেত্ৰত নিজৰ সম্পদ বিনিয়োগ কৰিবলৈ আগবাঢ়ি গৈছিলো, আৰু সেই পদক্ষেপে আমাক সমাজত বহুলভাৱে পৰিচয় প্ৰদান কৰিছিল। নিস্বাৰ্থ সেৱাৰদ্বাৰা পৰিচালিত হৈ আমাৰ সংস্থাটোৱে এক পৰিৱৰ্তন আনিব পৰা ইচ্ছাৰে পূৰ্ণগতিৰে আগবাঢ়ি গৈছে।"
গোলাম ফাৰুক
সমাজকৰ্মী গোলাম ফাৰুকে মানৱ কল্যাণৰ প্ৰতি দায়ৱদ্ধ হৈ এক অন্যন্য যাত্ৰা আৰম্ভ কৰিছিল। তেওঁৰ সংগঠন 'ৰাইটছ ফৰ অল' নামৰ সংস্থাটোৱে আন্তঃৰাষ্ট্ৰীয় ড্ৰাগছ বিৰোধী দিৱসৰ দিনা কলিকতা আৰক্ষীৰ দক্ষিণ সংমণ্ডলৰ সহযোগত ড্ৰাগছ বিৰোধী অভিযান চলোৱাৰ লগতে কলিকতাক স্বচ্ছ কৰি তোলাৰ বাবেও সক্ৰিয়ভাৱে কাম কৰি আহিছে।
গোলাম ফাৰু
ফাৰুকে বঞ্চিত শিশুসকলক শৈক্ষিক ভ্ৰমণ আৰু অন্যন্য সুবিধাসমূহ লাভ কৰাটো নিশ্চিত কৰিছে, আনহাতে তেওঁৰ সংস্থাটোৱে ন্যায়, অন্তৰ্ভুক্তি আৰু মানৱ মৰ্যাদাৰ বাবে এক স্তম্ভ হিচাপে কাম কৰি আহিছে।
মহম্মদ নুৰুল ইছলাম
মহম্মদ নুৰুল ইছলামৰ নেতৃত্বত এটা সাহসী দলে সকলো স্তৰতে শিক্ষাৰ প্ৰসাৰ ঘটোৱাৰ দৰে প্ৰত্যাহ্বানমূলক পথ বাছি লৈছে। তেওঁ এনে এটা পথত আগবাঢ়িছে, যি পথেৰে পূৰ্বে কোনেও যোৱাৰ কথা ভবা নাছিল।
মহম্মদ নুৰুল ইছলাম
তেওঁলোকৰ মিছন স্পষ্ট: ঐতিহাসিকভাৱে পিছপৰা সংখ্যালঘু সম্প্ৰদায়সমূহক শক্তিশালী কৰা, তেওঁলোকক আত্মবিশ্বাসী, শিক্ষিত সমাজলৈ ৰূপান্তৰ কৰা। সামাজিক আৰু অৰ্থনৈতিকভাৱে বঞ্চিত প্ৰতিভাৱান ছাত্ৰ-ছাত্ৰীক নিৰন্তৰ সহায় কৰাৰ লগতে শিক্ষাৰ গুণগত মান আৰু উৎকৃষ্টতা বজাই ৰখাৰ লক্ষ্য নিৰ্ধাৰণ কৰি আহিছে। ন্যায়, সমতা আৰু স্বচ্ছতাৰ নীতিৰদ্বাৰা পৰিচালিত হৈ তেওঁলোকে এই কাৰ্য্যক ক্ৰমাগতভাৱে আগুৱাই লৈ গৈছে।
জাহাংগীৰ মাল্লিক
জাহাংগীৰ মাল্লিকৰ কৃপাত হাজাৰ হাজাৰ লোকে প্ৰত্যক্ষ বা পৰোক্ষভাৱে জীৱিকা উপাৰ্জন কৰিবলৈ সক্ষম হৈছে। বুৰ্ডৱানৰ বুলবুলিটালাৰ বাসিন্দা মাল্লিকে ২০১৯ চনত জে এম বজাৰ প্ৰতিষ্ঠা কৰিছিল। ২০০৬ চনত তেওঁ ঘোষ মাৰ্কেটৰ এখন সৰু বিপণিৰ পৰা শাৰী বিক্ৰী কৰিবলৈ আৰম্ভ কৰিছিল। অধ্যৱসায়, বুদ্ধিমত্তা আৰু সততাৰ জৰিয়তে তেওঁ এতিয়া একেখন বজাৰতে দুটা ডাঙৰ কাউণ্টাৰৰ মালিক, ৪০ বছৰ বয়সলৈকে তেওঁ উল্লেখযোগ্য শিখৰত উপনীত হৈছে।
জাহাংগীৰ মাল্লিক
সফলতা লাভ কৰাৰ পিছতো তেওঁ আজিও পাহৰি যোৱা নাই নিজৰ আৰম্ভণিৰ যাত্ৰা। সামাজিক দায়বদ্ধতাৰ দ্বাৰা পৰিচালিত হৈ আৰ্তজনক তেওঁ নিৰন্তৰভাৱে সহায় কৰি আহিছে। শ শ ৰিক্সাচালকে তেওঁৰ এই পদক্ষেপৰ জৰিয়তে পোনপটীয়াকৈ দৈনিক মজুৰি আদায় কৰাৰ বিপৰীতে হাজাৰ হাজাৰ লোকে তেওঁৰ ওপৰত পৰোক্ষভাৱে নিৰ্ভৰশীল হৈ আছে।
মটিয়াৰ ৰহমান
পৃথিৱীখনক দুৰ্যোগৰ পৰা ৰক্ষা কৰাটো আমাৰ সময়ৰ আটাইতকৈ জৰুৰী প্ৰত্যাহ্বান হৈ পৰিছে। এই প্ৰত্যাহ্বানক অদম্য দৃঢ়তাৰে মোকাবিলা কৰিবলৈ উঠি পৰি লাগিছে বাংলা বিজ্ঞানী মটিয়াৰ ৰহমানে। কেম্ব্ৰিজ বিশ্ববিদ্যালয়ৰ এজন জ্যেষ্ঠ বিজ্ঞানী ৰহমানে শুভাজিৎ ভট্টাচাৰ্যৰ সৈতে মিলি কৃত্ৰিম পাত উদ্ভাৱন কৰিছে। যিয়ে সূৰ্যৰ পোহৰ, পানী আৰু কাৰ্বন ডাই অক্সাইড ব্যৱহাৰ কৰি তৰল ইন্ধন আৰু অক্সিজেন উৎপাদন কৰিব।
মটিয়াৰ ৰহমান
প্ৰকৃতি শক্তিত প্ৰকাশিত এই অগ্ৰগতিয়ে বায়ুমণ্ডলীয় কাৰ্বন ডাই অক্সাইডক ইথানল, প্ৰপেনল আৰু অন্যান্য ইন্ধনলৈ ৰূপান্তৰিত কৰাৰ লগতে অক্সিজেন মুক্ত কৰিছে। যিহেতু ইন্ধনসমূহ অতিৰিক্ত কাৰ্বন ডাই অক্সাইডৰ পৰা উৎপন্ন হয়, গতিকে এই প্ৰক্ৰিয়াটো নেট-জিৰ’, ই এক নবীকৰণযোগ্য সমাধান আগবঢ়ায়, যিয়ে অদূৰ ভৱিষ্যতে বায়ুমণ্ডলীয় কাৰ্বন ডাই অক্সাইড হ্ৰাস কৰাত গুৰুত্বপূৰ্ণ ভূমিকা পালন কৰিব।
মোস্তাক হোছেইন
পশ্চিমবংগৰ অন্যতম বিশিষ্ট উদ্যোগপতি আৰু শিক্ষা অনুৰাগী মোস্তাক হোছেইন তেওঁৰ দানশীলতাৰ বাবে বহুলভাৱে স্বীকৃতি লাভ কৰিছে। তেওঁৰ এই পদক্ষেপে তেওঁৰ গাঁওখনক ভাৰতৰ মানচিত্ৰত উল্লেখযোগ্য স্থান লাভ কৰাত সহায় কৰিছে। গভীৰভাৱে দয়ালু আৰু শিক্ষাৰ প্ৰতি দায়ৱদ্ধ হোছেইন এগৰাকী ভক্তও।
মোস্তাক হোছেইন
সম্প্ৰদায়ৰদ্বাৰা পৰিচালিত আৱাসিক বিদ্যালয়ৰ জৰিয়তে তেওঁ বৈষম্যহীন শিক্ষাৰ প্ৰসাৰ ঘটায়, নৈতিক বিকাশ আৰু সামাজিক দায়ৱদ্ধতাক পুষ্ট কৰি আহিছে। তেওঁ নিশ্চিত কৰে যে, ধৰ্ম, শ্ৰেণী বা পটভূমি নিৰ্বিশেষে জ্ঞান সকলোৰে ওচৰলৈ যায়। জ্ঞানে ছাত্ৰ-ছাত্ৰীসকলক দায়িত্বশীল আৰু সহানুভূতিশীল নাগৰিক হ’বলৈ পথ প্ৰদৰ্শন কৰে।
সীমিত সম্পদ আৰু অপৰিসীম নিষ্ঠাৰে তেওঁ ৫০ খনতকৈও অধিক আৱাসিক বিদ্যালয়ত এই আদৰ্শৰ বীজ ৰোপণ কৰি পৰৱৰ্তী প্ৰজন্মক পুষ্ট কৰি আহিছে।
