নতুন দিল্লী
দেশৰ আগশাৰীৰ অন্যতম উচ্চ শিক্ষানুষ্ঠান দিল্লী বিশ্ববিদ্যালয়ত এক ভয়ংকৰ ঘটনা সংঘটিত হৈছে। বিশ্ববিদ্যালয়খনৰ দ্বিতীয় বৰ্ষৰ এগৰাকী ছাত্ৰীক এচিড আক্ৰমণ কৰা হয়।
ভুক্তভোগী ছাত্ৰীগৰাকী উত্তৰ পশ্চিম দিল্লীৰ লক্ষ্মীবাই মহাবিদ্যালয়ত অতিৰিক্ত ক্লাছৰ বাবে গৈছিল।বিশ্ববিদ্যালয়খনৰ পৰা কিছু দূৰৈতে সংঘটিত হৈছে এই ঘটনাটো।
উল্লেখযোগ্য যে, এচিড আক্ৰমণৰ বলি হোৱা ছাত্ৰীগৰাকীৰ দুয়োটা হাত জ্বলি যায় যদিও মুখখন বচাবলৈ সক্ষম হৈছে। এই ঘটনা আজি পুৱা প্ৰায় ১০ মান বজাত সংঘটিত হয়।
তাৰোপৰি, ঘটনা সন্দৰ্ভত কেইবাটাও আৰক্ষীৰ দলে তদন্ত অব্যাহত ৰাখিছে।বৰ্তমান ছাত্ৰীগৰাকী আৰ এম এল হাস্পতালত চিকিৎসাধীন অৱস্থাত আছে।
