অসম চৰকাৰে মুকলি কৰিলে ভাৰতৰ প্ৰথমটো App-based e-bike taxi service; সৃষ্টি হ'ব নতুন কৰ্মসংস্থাপন

Story by atv | Posted by [email protected] • 1 Years ago

'বায়ু' নামৰ ই-বাইক টেক্সি সেৱা মুকলি কৰাৰ সময়ত পৰিবহণ মন্ত্ৰী পৰিমল শুক্লবৈদ্য

গুৱাহাটী

নতুন কৰ্মসংস্থাপন সৃষ্টিৰ লক্ষ্যৰে অসম চৰকাৰে 'বায়ু' নামেৰে এক অভিনৱ আৰু আধুনিক চিন্তাধাৰাৰ বহনক্ষম গতিশীলতাৰ পদক্ষেপ (An app-based Electric Bike Taxi Service) আৰম্ভ কৰিছে।

পৰিবহণ মন্ত্ৰী পৰিমল শুক্লবৈদ্যই অসম ৰাজ্যিক পৰিবহণ বিভাগৰ এই ঐতিহাসিক পদক্ষেপটো আনুষ্ঠানিকভাৱে মুকলি কৰে। এই অনুষ্ঠানত ভাৰতৰ প্ৰথমটো এপ ভিত্তিক ১০০% ইলেক্ট্ৰিক আৰু বিকেন্দ্ৰীকৃত বাইক টেক্সি সেৱা উন্মোচন কৰা হয়।

Big day for Assam as it becomes the first state in India to now have the nation's first app based 100% electric & decentralised bike taxi service.
Amidst the ongoing Path Suraksha Jan Andolan, I was glad to be present at the ceremonial soft launch of this app named 'Bayu'. This… pic.twitter.com/DkYBzzap2e
— Parimal Suklabaidya (@ParimalSuklaba1) January 7, 2024

বায়ু (এটা এপ নিৰ্ভৰ ইলেক্ট্ৰিক বাইক টেক্সি চাৰ্ভিচ) এ এছ টি চিয়ে অসমৰ বিকোজী ইকোটেক(Bikozee Ecotech)ৰ সহযোগত ভাৰতৰ প্ৰথম ১০০% বৈদ্যুতিক আৰু বিকেন্দ্ৰীকৃত বাইক টেক্সি সেৱা হিচাপে আৰম্ভ কৰিছে। এই সেৱাই অন ডি চি (ONDC)ৰ সৈতে একত্ৰিত হ’ব পৰা পৰিৱেশ অনুকূল পৰিবহণ সমাধানৰ এক নতুন যুগৰ সূচনা কৰিছে। ই গুৱাহাটীত শূন্য নিৰ্গমন বাইক টেক্সি আৰু ডেলিভাৰী সেৱা আৰম্ভ কৰিব।

বায়ু (Baayu) পদক্ষেপৰ লক্ষ্য হৈছে অসম এগ্ৰিগেটৰ ৰুলছ ২০২২ৰ লগত সংগতি ৰাখি বৈদ্যুতিক বাহন, প্ৰযুক্তিৰ মঞ্চ, বীমা, প্ৰশিক্ষণ, দক্ষতা বিকাশ আৰু অপাৰেটিং লাইচেন্সক সহায় কৰি অসমত চালকৰ বাবে ৫,০০০ জীৱিকাৰ সুযোগ সৃষ্টি কৰা। এই পদক্ষেপে বছৰি ২৯,০০০ টন কাৰ্বন নিৰ্গমন ৰাহি কৰিব। একেদৰে, ইন্ধনৰ খৰচ বছৰি ৭৩ কোটি টকা ৰাহি কৰিবলৈ সক্ষম হ'ব বুলি আশা কৰা হৈছে।