নতুন দিল্লী
৬ বছৰৰ পাছত প্ৰথমবাৰৰ বাবে প্ৰধানমন্ত্ৰী নৰেন্দ্ৰ মোদীয়ে আগন্তুক জি-৭ শীৰ্ষ সন্মিলনত অংশ লোৱাৰ পৰা বিৰত থাকিব। কানাডাত অহা ১৫-১৭ জুনত অনুষ্ঠিত হ'বলগীয়া জি-৭ শীৰ্ষ সন্মিলনত ভাৰতৰ প্ৰধানমন্ত্ৰীয়ে অংশ লোৱাৰ সম্ভাৱনা নাই বুলি চৰকাৰী সূত্ৰই প্ৰকাশ কৰিছে।
আলবাৰ্টাত অনুষ্ঠিত হ’বলগীয়া বৈঠকৰ বাবে কানাডাৰ পৰা এতিয়াও কোনো আনুষ্ঠানিক আমন্ত্ৰণ পোৱা নাই যদিও মোদীয়ে কোনো ক্ষেত্ৰতে উত্তৰ আমেৰিকাৰ দেশখন ভ্ৰমণ নকৰে। কাৰণ, ভাৰত এতিয়াও নিশ্চিত নহয় যে অট’ৱাৰ নতুন চৰকাৰে খালিস্তান বিচ্ছিন্নতাবাদীসকলৰ কাৰ্যকলাপৰ প্ৰতি থকা ভাৰতৰ উদ্বেগক কিদৰে গ্ৰহণ কৰে।
শেষ মুহূৰ্তত আমন্ত্ৰণ লাভ কৰিলেও প্ৰধানমন্ত্ৰী মোদীয়ে লজিষ্টিক বাধা, বিচ্ছিন্নতাবাদীসকলে ভ্ৰমণক বিঘ্নিত কৰাৰ সম্ভাৱ্য প্ৰচেষ্টাৰ প্ৰতি লক্ষ্য ৰাখি ভাৰতে এই আমন্ত্ৰণ বিবেচনা কৰাৰ সম্ভাৱনা নাই।
কানাডাই এই সন্মিলনৰ বাবে অতিথি নেতাসকলৰ নাম আনুষ্ঠানিকভাৱে ঘোষণা কৰা নাই। সাধাৰণতে এই বৈঠকত বিশ্বৰ প্ৰধান অৰ্থনীতিৰ চৰকাৰৰ মুৰব্বীসকল উপস্থিত থাকে। কানাডাৰ সংবাদ মাধ্যমৰ বাতৰি অনুসৰি জি-৭ বৈঠকৰ বাবে দেশখনে অষ্ট্ৰেলিয়া, ইউক্ৰেইন, দক্ষিণ আফ্ৰিকা, ইউক্ৰেইন আৰু ব্ৰাজিলৰ নেতাক আমন্ত্ৰণ জনাইছে।
২০১৯ চনত ফ্ৰান্সে প্ৰধানমন্ত্ৰী মোদীক জি-৭ শীৰ্ষ সন্মিলনৰ বাবে আমন্ত্ৰণ জনোৱাৰ পিছত এইবাৰ তেওঁ প্ৰথমবাৰৰ বাবে অৰ্থনৈতিকভাৱে আটাইতকৈ উন্নত ৰাষ্ট্ৰৰ গোটটোৰ বৈঠকত অংশগ্ৰহণ নকৰে।
