নতুন দিল্লী
পাকিস্তানে শুকুৰবাৰে একেৰাহে দ্বিতীয় দিনৰ বাবে জম্মু-কাশ্মীৰ, পঞ্জাৱ আৰু ৰাজস্থানৰ একাধিক স্থানৰ ফালে ড্ৰ’ন নিক্ষেপ কৰে। আৱন্তিপোৰাৰ এটা বিমান ঘাটিলৈ নিৰ্দেশিত আক্ৰমণকে ধৰি এই আক্ৰমণ ভাৰতে বিফল কৰিছে।
জম্মু-কাশ্মীৰৰ জম্মু, চাম্বা আৰু ৰাজৌৰী, পঞ্জাৱৰ পাথানকোট আৰু অমৃতসৰ, ৰাজস্থানৰ পোখৰাণ অভিমুখে নিক্ষেপ কৰে ড্ৰোন। উত্তৰ কাশ্মীৰৰ কুপৱাৰা জিলাত, আৰু চাম্বা, পুঞ্চ, উৰি, আৰু নাওগাম হাণ্ডৱাৰা খণ্ডত এল অ’ চিৰ সিপাৰৰ পৰা প্ৰচণ্ড গুলীচালনাৰ খবৰ পোৱা গৈছে।
পাকিস্তানে সামৰিক ঘাটিসমূহক লক্ষ্য কৰি লোৱাৰ এদিন পিছতে পাথানকোট, শ্ৰীনগৰ আৰু জম্মুত একেৰাহে দ্বিতীয় নিশা ব্লেকআউট হোৱা দেখা গ’ল আৰু চাইৰেন বজোৱা হয়।
অমৃতসৰত প্ৰচণ্ড গুলীচালনাৰ খবৰ পোৱা গৈছে। ড্ৰ’নৰ কাৰ্যকলাপ দেখা পোৱাৰ লগে লগে গুলীচালনা আৰম্ভ হোৱাৰ পূৰ্বে ব্লেকআউট কৰা হয়।
জম্মু-কাশ্মীৰৰ মুখ্যমন্ত্ৰী ওমৰ আব্দুল্লাইও বিস্ফোৰণৰ শুনানিৰ খবৰ দিয়ে। তেওঁ টুইট কৰি কয় যে, “মই থকা ঠাইত এতিয়া মাজে মাজে বিস্ফোৰণৰ শব্দ, সম্ভৱতঃ গধুৰ আৰ্টিলাৰীৰ শব্দ শুনা যায়।”
আন এটা পোষ্টত তেওঁ জম্মু আৰু ইয়াৰ আশে-পাশে থকা লোকসকলক আগন্তুক কেইঘণ্টামান ভিতৰত থাকিবলৈ আৰু উৰাবাতৰিক আওকাণ কৰিবলৈ আহ্বান জনায়।
তেওঁ কয় যে, "জম্মু আৰু ইয়াৰ আশে-পাশে থকা সকলোকে মোৰ আন্তৰিক আহ্বান, অনুগ্ৰহ কৰি অহা কেইঘণ্টামান ৰাজপথৰ পৰা আঁতৰি থাকক, ঘৰতে বা ওচৰৰ ঠাইত থাকক য'ত আপুনি আৰামত থাকিব পাৰে।
জম্মু, উধামপুৰ আৰু পাঠানকোটৰ সামৰিক ঘাটিত একেধৰণৰ আক্ৰমণৰ এদিন পিছতে পাকিস্তানৰ পৰা এই সতেজ গুলীচালনা।
পাকিস্তানৰ পৰা নিক্ষেপ কৰা ড্ৰ’ন আৰু ক্ষেপণাস্ত্ৰ সফলভাৱে বাধা দিয়াৰ লগতে প্ৰতিশোধৰ স্বাৰ্থত পাকিস্তানৰ চাৰিটা বায়ু প্ৰতিৰক্ষা স্থানত সশস্ত্ৰ ড্ৰ’ন নিক্ষেপ কৰা বুলি চৰকাৰে উল্লেখ কৰে।
_(1).webp)
